اول الأيـــــام

تهديد

#اول_الايام
الفصل الرابع عشر
#قصص_اسراءالجميلي

حسن مو سهل لا هو و لا اهله ..
انتِ نسيتي بزمن صدام و قوة الامن و الدولة محد گدر يلزمه الا بطلعان الروح ..
شلون هسة و الوكت الهم ..
هااا فهميني ؟؟؟
طبعاً هذا الحديث الي بينه كله عبالك وحدنه كلها سكتت و ضمت راسها ..
خلوا حنان وحدها ..
هي المره و هي الرجال ..
زين عندي فكرة تعاي وياية الكربلاء ..
اني اهلي و عشيرتي كلها هناك محد يگدر يدنالنه ..
شوف سيف الرجال يبين من موقف ..
انت لو ما خايف و متردد و تريد تعوف ..
جان مگتلي و اخذتني و طز بالراح و الاجه ..
و هذا حقك ما الومك ..
لان صدگ هسة دولة ماكو ..
اني محد ديگدر يحميني و يريحني لا انت و لا اخوتي ..

عفتهم و طلعت و اني نار شابه بيه ..
صعدت فوگ بقيت ابچي و ادعي ..
مخليت رسول و لا امام ما نخيته و طلبت منه الراحة ..
تعبت من يوم وعيت على الدنيا ..
 تلطش بيه يمنه و يسره و فوگ و جوه ..
 مخلت بيه عظم صاحي ..

راح سيف و اخذ حلمي و حلم جهالي الحلو وياه ..
اهلي بقوا للفجر يتناقشون ..
بس كلام ما بيه فايدة ..
حبر على ورق ..
ماكو شئ اتخذو صح ..
طبعاً وجهت نظري بسيف طلعت صح ..
بعد ابد لا مر النه و لا تقرب ..
لو چان يريدني و مصر عليه ..
چان لح و مرضى بكلامي ..
الظاهر اني كل رجال زين و يحبني ما عنده ارادة يچلب بيه ..
بينما المجرم و الحقير لازگ بيه و ميقبل يعوفني ..

بهاي الفترة الفاتت بس بيت عمه الـ حسن يتصلون يسألون عليه ..
فعدي رقمهم ..
قررت اتصل على عمه ..
حچيتله كلشي و چان بس يگول اي اي اي ..
اخر شئ سالته ..
عمي يعني يصير الي سواه حسن ويايه منو يرضاها ؟
لا ابنيتي اليوم اودي عليه و اطيح حظه ..
عيب يودي طلقة بظرف ..
چان مفروض يجيب سيف ليمنه بگونية و مگطع اتگطع ..
علا صوته و يحچي وياية ..
مو احنه الي نسوانه تعرس على زلم بعدنه ..
مردودچ النه النه متصيرين الغير ابنه ..
اسمعي اگلچ ..
بلغي اخوانچ اذا اجه احد عليچ غير حسن ..
ما انخلي و لا انخليهم يشمون الهوى ..
( هو هذا الخايفه منه .. يهددوني بنفسي و اهلي )
بس انتوا مو من حقكم هيچ تسوون لا انتوا اهلي و لا عمامي ..
دووووووولي ..
سد التلفون بوجهي ..

حسيت الهوى بريتي خلص ..
اتمنيت الموت ..
وين اروح ؟
منو يحميني ؟
فكرت استنجد ابـ وسام ..
زين شيسويلي ؟ شلون يحلها ؟
همين يتهدد حاله حالي ..
يروح الولد بخطيتي و يتيتمون جهاله بسببي ..
انداريت على اخوتي ..
اعيط و احچي و اشر بيدي على نفسي ..

شبيكم ساكتين گولولي كلمة تريحوني بيه ؟
سوو فد شئ يحسسني اكو احد وراية اكو سند الي ..
سعيد : شتريدين نحچي ها ؟
بزرهم يمنه ..
الي يريد شئ يعوف شئ ..
اذا رايده سيف عوفي جهالچ ..
اني : انتوا شبيكم مدا تفهمون ؟
يگلي مو احنه النسوانه تعرس على زلم غيرنه ..
يهددوني بنفسي ما يقبلون اتزوج ..
دا تفتهم ؟
يريدوني ارجع ال حسن .. أفهموا !!!!!!!
رفعت راسي للسمه ابچي و احچي بحرگه ..