اول الأيـــــام

رجفت عرس

#اول_الايام
الفصل السابع
#بقلم_اسراءالجميلي

رجع بصوته العذب يغنيلي الموال امل منك ..
يغني و يبجي .. و بالاخييير عاط بالم ..
(( اصييييييييحن حيييييييييييييل احبنك ))
سديت التلفون بعد ما اتحملت ..
عبالي سديت الماضي وياه ..
اخ قلبي من الالم يون ..
ربي صبرني و لا تجعلني خاينه حتى بالمشاعر ..

صعدت الغرفتي لحظة ما غفه جفني ..
ثاني يوم اجه بسرعة رجعنه من الصالون ..
اجوي الزفافه ..
شافني حسن تخبل عليه اتقرب عليه ..
حسن : لك هاي شلون طالعة خرافه عبالك ..
يممممه اكلچ منين يا بطة ههههه ..
باوعت عليه ابتسمت و نزلت راسي ..
اجه اخويه زهير ديطلعني للزفافة و حسن وياه و جان تلزمني امي بالباب حظنتني و تبچي ..
اني منزلت من عيني و لا دمعة ..
دموعي خلصن يا ناس ..

ما ظل دمع بالعين راحن يا بعدي ..
ظليت بس ونات تاكل ابچبدي ..

امي : ابريني الذمة يمه ..
باوعت عليها ابتسمت بس بدون اي كلمه ..
ما گدرت اكلها مبريه الذمة ..
و لا اگلها ممبرية سكتت و انجبيت و ظليت ضامه المي بصدري كالعادة ..

طلعنه و لن اگبال بابنه على الرصيف الثاني المح وسام ..
اووووف وسام متعوفني بحالي مو كافي الي صار !!!
لابس قاط جوزي و قميص اوف وايت طالع عريس و مرجع شعره ليورة و لحية طويله بس ما امرتبه ..
بس الشئ الغريب بيه ..
حسيت وضعه مو تمام ابد و حتى وكفته مو طبيعيه ..
رفع سترته بجهة اليسار چان اشوفه لابس جراب و خال بيه مسدس ..
يا يممممه گمت اطگطك عبالهم من البرد لان تزوجت بشهر ال ١٢ سنة ١٩٩٣ ..
بس الحقيقة من الخوف خفت لا يسويها عزة عليه و صعدت ركض بالسيارة ..
اتخربطت احوالي كلش ..
بس اريد الوقت يمشي ..
ادعي ربي عديها على خير لا يروحون بخطيتي و بسببي ..
مشينا و وسام بالسيارة الورانه بالضبط هو و زوجته ..

رحنا للمصور اشو هذا نزل هو و زوجته ..
وسام : انريد ناخذ صورة وياكم للذكرى ؟
اني ارجف و مرعوبة و زوجته همين ..
المصور : اضحكوا اخوان شبيكم ترى هذا عرس مو فاتحة ؟
ضحك وسام بضحكه مسامعته منه گبل ..
ضحكة شر و اذية مو نفس ضحكته ابد ..
الم على قهر على فرح مصطنع على واحد مريض نفسي ..
ما تفهم منها شئ ..
وسام : مو دا اگله تراوس انطيك مرتي و تنطيني مرتك !!!
ضحك حسن : لا يابه المباع لا يرجع و لا يبدل ..
ضحكوا همه و المصور ..
منى مرة وسام : بس لحظة عيني اعدل شعرها و تاجها ..
اجتي اتقربت عليه تحچي بهمس بالگوة افتهمت شتگول ..
منى : حبابه لا تحچين شئ ترى وسام من البارحة لليوم يشرب لكمة اكل ما دخل بحلگه ..
ترى الطريق كله يهدد و يگول اخربها اخربها ..
حاولي تسرعين الموضوع فدوة لا يروح منه احد عزيز علينه ..
طبعاً اتخربطت اكثر اني ..
يعني منى تدري و اني عبالي متعرف ..
اوف وسام شدتسوي بيه و بنفسك ..

وگفنه اخذنه المصور كم صورة ..
صحت حسن ..
فدوة خلي انروح اشو صار عدي لعبان نفس ..
حسن : ههههههه يمعودة بعدني مسويت شئ ..
سويت نفسي ما فهمته ..
يابه من الصبح على الريوگ الخفيف و هسة بالسبعة ..
صعدنا بـ سيارة اخو ..
ابو عباس ديسوق سيارة العرس و زوجته بصفه ..
عيني ما تستعجل ..
ابو عباس : هههه الظاهر العروس مستعجلة ..
لا خوية بس تعبانه و احس روحي راح اتخربط ..
ابو عباس : بس خوية هسة بالسبعة و ربع و همه يگولون بالتسعه يلا نتوجه للفندق ..
لا خوية هسة فدوة الربك تره فد نوب صرت ..
مرته اتقربت عليه شاورته : امشي ابو عباس خاف الابنية تريد حمام بيه شئ ؟
الحمدلله مشينه و وصلنه الفندق ..