اول الأيـــــام

ولادة ادهم

#اول_الايام
الفصل التاسع
#بقلمي_اسراءالجميلي

گال موافق اردها بس ما الي علاقة بيها ابد ..
انتم اخوتها تسمعوني ما تگولولي حقوقه الزوجية و غيرها .. مصرفها يوصل الها هي و جهالها مثل قبل ..
بس خلقتها ما اشوفها ..
جاوبوا اخوتها : خوش التريده يجرالك ..

طلعوا و اجاني للغرفة مال البنات لگاني ابچي ..
ادري شنو تريديني اسوي ؟
رفعت راسي عليه ..
هذا مچان اتفاقك وياية و وي اهلي ؟
شنو تريدين خليچ بمكاني ..
و الله هسة اذا گلتي اريدهم ..
اطلع ناقص عرض اذا ما لميت كل الزلم و گتلهم و عفتها ..
بقيت ابچي و مدرت اله بال ..
عافني و طلع ..

تلث ايام هو ماكو و حتى ما يتصل خابرة اهلي گتلهم سافر بشغل تعالوا عليه رجعوني عيب ابقه بيت العالم ..
ثاني يوم اجاني زهير اخذني ..
رديت البيت اهلي ..
زواج لمدة ٣ اسابيع بس ..
اه قلبي .. عيني ربي ..
بالطريق حچيت الزهير كلشي بقه يعيط و يسب و شنو الفايدة ..
ما يقدم و لا يأخر شئ ..

وصلتلهم شافتني امي عرفت من وجهي اكو شئ ..
حضنتني و تبچي ..
فوتي يمه غسلي بين ما اصبلكم تاكلون ..
رحت غسلت و طلعت يم المغسله الجو الدرج مال اهلي اغسل ..
اباوع على شكلي ..
حسيت قلبي شيب و صارت بيه تجاعيد ..
و وجهي بعده شباب ..
بس صدك الشباب : شباب القلب و الروح مو الجسد ..
محد حچه ويايه شئ بعد ..
اكيد زهير مفهم امي كلشي ..
كملنه غدانه دنشرب چاي ..
دك تلفونه اتصل حسن ..
شالته امي و صياح و عياط بينهم ..
٣ مرات اتسده بوجه و يدگ مرة لخ و اني ارفض احچي وياه ..

بعدها بسبوعين بده يصير عدي لعبان نفس و اتقيئ ..
امي عرفتني حامل دزتني احلل وي جنان و صدك طلعت حامل ..
لطمت امي على وجها : اويلي على حظچ حنان ..
باوعت عليها بأبتسامه كلها قهر و لوم و اذية ..
بقلبي اگلها هذا الي جنيتي عليه و اني چنت اضعف من ان اگلچ لا ..
صار الشئ الي ابد ما تمنيته كل البنات تفرح الا اني ..
سكتت و بطلت تون ..
و اني لسان حالي يگول :
بدت رحلة عذاب جديدة وياچ حنونه ..

بعد يومين رجع حسن سيارته چانت يم اهلي ..
بقه يتوسل و يتعذر منهم ..
و اخوتي و امي مثل كل عوائلنه ..
ارجعي ابنچ وين يروح و الولد ديعتذر ..
رجعتله علمود ابني الي ما رايدته اصلاً ..
حاول يصالحني رفضت ..
و الله بعد البصرة ما اوصللها بس ارضي عليه و رفضت ..
نمت بالهول و هو نام بالغرفه ..

اجه تالي الليل عليه ..
يريد يحضني و يحاول يبوسني ..
اني رفضت و دفعته بدفعتي اله راسه انضرب من وره بحافة القنفه ..
اجه علييه موتني كتل و ضرب ..
اتوسل بيه يعوفني ماكو ..
لچ اني مرتي تعوفني بدون ما ادري ؟
الله يخليك عوفني ..
شلون ترجعين البغداد بدون علمي ؟
انت الي عفتني و ما سالت عني شتريدني اسوي ؟
هاي تربيتچ تطلعين بدون ما رجلج يعرف ؟
اسكتي لچ بت الـ...............
و يضرب اكثر و اكثر و يغلط بعد اكثر ..
ما عافني الا بعد ما ترسني الدم من خشمي و حلگي و ايدي و راسي ..