اول الأيـــــام

الخطوبة

#اول_الايام
الفصل الثاني
قصص_اسراءالجميلي

الكل ذبت خواشيگها و اندارت عليه ..
مخنزرين عيونهم ..
اني متت خوف گلت ذولة شبيهم ؟
عبالك يريدون ياكلوني وي الدولمة ..
ماما : حنونه مو بابا چان مريض و خاف يعديني ؟
اني : يعني شنو يعديچ ؟
ماما يعني خاف لا اتمرض مثله ..
عاد اني چنت كاعدة يمه گمت ركض كعدت يم ماما ..
عيوني كلها خوف من المرض ..
امي دمعت عينها و ظلت تمسد على راسي ..
ابوية عاف اكله و گام ..
خواتي لزموني رادوا يحچون عليه ..
سعيد جرني من ايدهم ..
عوفوها طفله على نياتها ربكم نطقها الحق ..
بقيت بحضنه ما اعرف شنو الذنب الي ديعاقبوني بنظراتهم عليه ..

راح بابا و محضنته مثل كل مرة خايفه منه ..
من رجع بعد فتره متقربتله ابد ..
بعدني خايفه منه ..
رحنه نمنه هو بقه يسولف وي امي بالمطبخ ..
صار ثاني يوم الصبح ..
گعدت من نومي ..
شفتهم طلعوا اثنينهم من غرفة ماما ركضت على بابا حضنته ..
بابا : هلو حبيبة بابا شلونچ ؟
اني : زينه بابا مدامك صرت زين و بعد متعدينه ..
ضحكوا كلهم و رجعت علاقة امي و ابوية ..
و بعد شهرين من رجوعهم البعض امي صارت حامل ..
سمعنه عياطه بغرفتهم ..
و اشياء تتكسر ..
انگلبت الدنيا على راس امي ..
احنه واگفين يم الباب و مرعوبين كلنه ..
بعد شوية صار هدوء يخوف ..
طلع و سد الباب وراه بقوة ..
رحنه كلنه حضنه ماما ..
باوعت علينا ماما : ها هي بابا راح و هالمرة بلا رجعه ..
اني كلش تاثرت بس چنت ما ابين الخاطر ماما ..

مشت الايام و سعيد حسسننه هو ابونه حتى الاكبر منه يجون يحچوله و يشكوله ..
صار اخونه هو ابونه و احسن اخ مع انو هو چان صغير بس عقله يوزن بلد من يومه ..
مشت الايام و ولدت ماما اخوية الاخير زهير ..
و كبرنه و هسة اني بالثالث متوسط ..
دارت الحياة بينا و نسينه عدنه اب ..
بس عمتي ام اياد متواصله ويانه و تزورنه الباقين بس تلفون و بالسنة حسنه ..

بدت تصير سوالف زيادة بيني و بين وسام ..
من ينامون الكل ..
اني اگعد اقره بالمطبخ و هو على التلفزيون بالهول ..
يظل يباوع عليه من باب الهول لان صاير مقابيل باب المطبخ الداخليه ..
كرويته موجودة بذاك الوكت اتخبل و امي مغلفتها بسفنج قماش حلووو ..
اني اقره كل شوية ارفع راسي اباوعله ..
كلما اباوعله الگاه يباوعلي ..
طلع فاتح التلفزيون تمويه الاهلي و گاضيه نظرات ..
دا اقره و منتبه بنص الكتاب ..
هلو .. ها كملتي لو بعد ؟
يمه فززتني ..
لا بعدني اريد اخلص هذا فصل الاحياء يلا انام ..
انت ليش جيت اهنا ؟
اممممم الكذب دا اشرب مي ..
و الصدگ ردت اشوفچ ..
ههههه حبيتهم اثنينهم اگوم اجيبلك مي ؟
لا ماكو داعي ارتاحي ..
راح طلع مي من الثلاجة و وارتاچ على السنك صاير مقابيل الكرويته و على شباك الشارع ..
اني اقره انثولت كلشي كمت ما افتهم ..
هو يشرب شوية شوية ..
يلا عاد خلص انت دا تشرب بكلاص لو دولكة ؟
هههههه حاضر حبيبتي ..
اني رفعت راسي عليه و فاتحة عيوني ..
حباب استر عليه ما بيه حيل امي تضوج ..
حاضر تدللين ..
حط الگلاص على السنگ و اجه وكف گبالي ..
اني متربعة و خالة الكتاب بحضني ..
اركبي طخت بفخاذ رجله ..
عزه گمت ارعش ..
رفعت راسي عليه ..
حچيت بصوت بالگوة ينسمع ..
شتريد وسام ؟
نزل راسه عليه : فديت العيون المكحلة من الله ..
فدوة وخر يروح يجي احد ..
تره ما عندي شى ..
بس دا اشوفچ تقرين و مدا تفهمين ..
و شلون عرفت مدا افهم ؟
ههههه لان الكتاب گدامج بالمگلوبي ..
جره من ايدي و عدله راسا ..
نزلت راسي اباوع على الكتاب ..
ههههههه ديلا فهمت روح دا اقره اشكرك لان نبهتني ..