اول الأيـــــام

اتهام

#اول_الايام
الفصل الخامس
قصص_اسراءالجميلي

و اذا اجيت البابنه و دخلت البيتنه اگول الابوها و عمامها و اخليهم يكتلوها و يدفنوها ..
و تصير خطيتها و دمها برگبتگ ..
سدت التلفون بقوة و ظلت تعيط ..
اااااااه راسي شسويتي بيه حنان !!!!!
يا خسارت تعبي بيچ ..
اجيت عليها و حضنتها و اتوسل بيها تسكت ..
اخاف لا يصير بيها شى و يبقه ضميري يوجعني طول العمر ..
حسيت هاي النهاية وي وسام ..
حاضنتها و ابچي على حبي و روحي الي انجرحت و ما اظنها تلچم مرة لخ ..

مرت الايام و الاسابيع و الشهور ..
و سنة كاملة مشايفه وسام بس بالاحلام و الله ..
چان محرم علينه كلنه ذكر اسمه ابيتنه ..
بيوم اجتي خالتي عزمتنه ..
على شنو دا تعزمنه ؟
تعزمنه على عرس حبيبي ..
اني عايشة بعذاب و هو يجهز للزواج ..

اخته هدى خطبتله وحدة ..
عرفت من خواتي انو هو كلش تعبت نفسيته و بس يبچي و الليل مينامه ..
قنعته اخته يتزوج حتى ينساني ..
هو جاي سائل خواتي عليه ..
گايليله تره امنه قفلت و بعد ما تصيرالك مره ابد ..
رحنا و كلنه لابسين اسود ..
لان من تأسر سعيد اني و امي لبسنه اسود من قهرنه عليه ..
دخلنه عليهم صح طبخ و توزيع بس لا موسيقى و لا اي معلم من معالم الفرح ..

امي : خيركم شكو ؟
خالتي : و الله خيه اخو الابنية انسحك و مات اليوم الصبح ..
بس احنه عازمين العالم شنگللهم ؟؟؟
فقررنه بس تطلع سبعة الولد نجيب العروسة بلا زفه و لا شئ ..
اجه وسام للصالة شافنه سلم و طلع ..
ماكو عشر دقايق و دخل خالي الچبير ابو الخبيثة حسناء ..
طبعاً حسناء بعد ابد ما اجتنه ..
خالي : شلونچ خيتي ؟
اريد احچي وياچ بموضوع ..
امي : الحمدلله بخير ..
احچي تفضل ابو حسناء ..
خالي : خيه وسام گلي اگلج بعده يريد يتزوج حنان ..
يگول هسة اخابرهم اكلهم بقوا بتكم يمكم ..
و الله هسة ابوس رجلها الخالتي بس ترضى ..
و الي تريده هي و حنان اسوي الهم خلال ساعة ..
امي : هاي شبيك ابو حسناء مرة ما عندي للزواج ..
دخل وسام و نزل على رجل امي و باسه ..
دفعته امي بديه ..
هدى صاحت : شتحچي انت بنات الناس مو لعبه و تعوفها البتهم ..
امي : كافي عاد يا ابني ثبرتنه ما عدي مره و اسمع كلام اختك احسن ..
اني و مروة نبچي ..
جرتني امي من اديه ..
يلا امشي ..
حاولت خالتي نبقه بس امي عاندت ..
خواتي بقن صافنات ميعرفون شيسون ؟
طلعنه بقهر ..
ليش هيچ امي كاره الفرح اليه شنو ذنبي اني !!!

دخلنا للبيت بس اتعيط ..
ماما فدوة فهميني ليش هيج مصرة راح تجنين علينه و الله احچي الله يخليچ ؟
ردت عليه بعياط و صوت يجرح القلب قبل الاذان ..
امي : تدرين ليش ؟
لان هدى گايله الـ مروة سعيد جان يريدني و لازمني و حاضني و اني مردته لهذا خطبچ حتى يضوجني ..
شنوووو ؟ منووو كلچ هذا الحچي ؟
امي : مروة گالتلي ..
رحت و كتلها ابني ما يسوي هيچ ..
و ما صدكتني ..
هالگد ما چانت مصره و تحچي و كانوا حقيقة ..
من رجعت دخلت سئلت اخوچ و حلفته بالقران ..
گلي سعيد : يمه و القران العظيم مو هيچ ..
هيه الي جانت تريدني و تبينلي و اني ما احبهها و لا اريدها ..
و هيه گايلتله : اخربها اخربها و صدك بعد سنة خربته ..
شلون تريدين انطيچ الناس كسروا اخوچ و اتهموه يخون الشرف و الگرابه ؟؟؟
ها فهميني ؟؟؟
زين ليش عفتي خواتي يمهم ؟
امي : عزه بعينچ تريديني اطلگ خواتچ ..
بعدين هسة همه طلعوا علمود زواج الحيد ..