Sa Amerika.
Alas-siyete ng gabi at nagmamadaling nag-eempake ng kanilang mga gamit sina Daisy at Arnold para sa kanilang planong pagbalik sa Pilipinas.
Naisumbong na nga ni Marco sa Daddy ni Hazel ang tungkol kina Zeek at sa kanilang anak na nagkikita pa rin sila. At sa inaasahan, hindi nagustuhan ito ni Arnold at balak niyang pigilin ito.
"Humanda silang dalawa kapag nandoon na tayo sa Pilipinas, Daisy" sambit ni Arnold habang inilalagay ang mga gamit sa bagahe "Ilang beses ko nang pinagsabihan ang anak mo pero matigas pa rin ang ulo!"
"Kumalma ka naman, hon"
"Bakit ako kakalma? E magkasama sila ng walang kwentang lalaki sa Pilipinas"
"Hon. Hindi naman siguro magkasama silang dalawa. Baka nagkamali lang si Marco sa sinabi niya tungkol sa anak mo"
"Teka. Parang pinagtatanggol mo pa ang anak mo sa ginagawa nilang dalawa ah" sambit sa kanya ng kanyang asawa "May alam ka ba dito, Daisy?"
"Ako? Wala hon" sagot ni Daisy na parang kinakabahan ang tono ng boses "Ang akin lang naman ay tawagin muna natin ang anak mo kung totoo nga ang sinasabi ni Marco tungkol sa kanya" payo niya sa asawa "Para mapakinggan din naman natin ang side niya kung ano ang totoo, hon" sabay himas niya sa balikat ni Arnold "Ilang taon din ang pag-aaruga natin kay Hazel diba? alam mo naman na hindi siya sinunggaling"
"Marahil ay tama ka, Daisy" buntong-hininga ni Arnold "Sige. Pakikinggan muna natin ang kuwento ni Hazel bago tayo gumalaw. Pero kung totoo nga ang sinabi ni Marco sa atin, hihilahin ko na siya pabalik dito sa Pilipinas"
***
Samantala. Sa Pilipinas. Sa opisina ni Zeek.
Nagtungo si Hazel sa labas ng opisina niya para kausapin ito tungkol sa nangyari sa kanila kagabi sa restaurant. Pero nung pagpasok niya ay wala doon si Zeek sa kanyang opisina. Nagdesisyon na lang siya na umalis at babalik na lang mamaya.
Subalit nang muling pagkalabas niya ng opisina ay may nakasalubong siyang tao. Napahinto si Hazel at nagtinginan silang dalawa ng babae.
"Sino ka..?" tanong ni Bek sa kanya "Bakit ka pumasok sa loob ng opisina ng Director? Magnanakaw ka?"
"No. Hindi po" tanggol ni Hazel sa kanyang sarili "Kilala ko po yung Director dito. Kakapasok ko lang din kasi para kausapin siya pero wala nga siya sa loob"
"Ahh. Okay" sambit ni Bek "Pwede bang malaman kung sino ka?"
"Hazel po. Hazel po ang pangalan ko"
Napalaki ang mga mata ni Bek sa babaeng kaharap niya. Pamilyar kasi ang pangalan nito dahil naikuwento na noon nito ni Zeek.
"Hazel" ulit ni Bek "Ikaw ba ang ex-girlfriend ni Zeek?"
"Po?" napakunot ang noo ni Hazel sa sinabi ng babae sa kanyang harapan "Paano po ninyo nalaman?"
"Wala naman. Hula ko lang" sagot ni Bek "Kasi ngayon lang kita nakita dito"
"Oohh. Okay" sambit niya at lumakad si Hazel palayo kay Bek "Sige po. Alis na ako"
Ilang hakbang din ang paglakad ni Hazel nang biglang nagsalita muli si Bek "So, bumalik ka na pala. Kailan ka lang bumalik dito sa Pilipinas?"
"Po..?" sabay lingon ni Hazel sa kanya "Bakit ninyo natanong yan?"
"Gusto ko lang malaman dahil nasaktan talaga si Zeek nung umalis ka papuntang Amerika"
BINABASA MO ANG
The Illicit Affair
RomanceIsang student intern si Zeek sa Hotel na kung saan si George Salcedo ang may-ari. Hindi niya alam na may lihim na gusto si George sa kanya at nag-isip ang may-ari kung paano niya makukuha ang binata para maging kanya Pero may kasabihan nga na 'wala...
