حب اجباري(باللهجه العراقيه)

(2)

صوتوا +وعلقوا.😛😛😛❤❤ احمباء قلبي

اكرهك كثيرا لكنني احبك اضعاف كرهي لك

🌟🌟🌟🌟🌟🌟🌟🌟🌟🌟🌟🌟🌟
**بقلمي رفل حسن**

جانت صافنه حايرة ممصدكه الي ديصير معقوله هاي حقيقه لو هذا كابوس زين ليش بابا هيج سوة بيه ليش يغصبني علئ ابن اخو ليش اني بالذات كومه اكو بنات غيري

وعت علئ نفسها لمن باب الغرفه اندك وسمعت صوت ابوها يصيحلها :-ورد بابا راح افوت

اندارت للجهه الثانيه ورفعت البطانيه وغطت رأسها كولش مقهورة منه بحياته ما جبرها علئ شي وتالي يجبرها علئ اهم شي بحياتها ....فات ابو ورد وشافهه مغطيه نفسها يدري بيها زعلانه وحقها تزعل كعد بصف الجربايه :-ورد بابا اريد احجي وياج صح حقج تزعلين بدون احم ودستور تفاجئتي بموضوع زواجج من ابن عمج بس هذا الشي لمصلحتج ابن عمج شاريج وراح يحطج بعيونه وهو اولئ بيج من الغريب وجدج هو الي قرر زواجكم وماكو بعد قرارة اي كلام او اعتراض اندرات علي بعصبيه وحركه گلب :-بابا انت شتدكول شنو اولئ بيج من الغريب شنو هالتخلف هاي حياتي اني..... وهالشخص اني ما اريدة مو كوة مو اجبار اريد ارجع لبيتنه لغرفتي لحياتي هنا مو حياة ما اكدر اعيش هنا لا طبه لا طلعه لبسهم مو مثلنه حجيهم مو مثلنه حتئ اكلهم وشربهم ناس همج متخلفين كلشي عدهم عيب ...صار ابوها عصبي ...كولش تجاوزت بالكلام دمه فار وركعها راشدي دار وجهها للصفحه الاخرئ وصاح بيها:-الظاهر هواي انه انطيتج حريه قليله الادب هذا اصلج الي تحجين عليه الحياة مو بس طبه وطلعه ولبس شوفي ورد كلمه وما اعيدها تزوجين جهاد يعني تزوجي مو علمود زعطوطه اني ارد ابوي مو طفله التمشي كلامها عليه ....حطت ايدها علئ خدها الي يشع حرارة من قوة الراشدي بحياتها ابوها ما مد ايده عليها طلع صدوك العرق دساس بكم ساعه رجع لأصله صار يحجي مثلهم ويتصرف مثلهم ولا عبالك نفسه ابوها الي عايشه ويا

قفلت الغرفه علئ نفسها وهي تحجي وي نفسها :-مستحيل مو اني الي يصير بيه هيج مو ورد الي تنغصب علئ شيء اني قويه مراح اخليهم يمشون كلامهم عليه مو بكيفهم حتئ لو انهزم اروح لبيت خالو في سبيل ماتزوجه  ومن انهزم هو مراح يقبل يتزوجني اي احسن حل ..يارب ساعدني ماعندي غيرك بحياتي ما اذيت بشر ولا سويت شي غلط ياربي لا تخليهم يجبروني علئ شخص ماعرفه ولا اريدة يارب اني خايفه ساعدني ماريده ما اريد هالانسان ويه كل كلمه جانت دموعها تجري وجسمها يرجف عيونها كامت تأذيها من كثر البجي
دكت امها الباب اكثر من مرة بس مجاوبت ولا قبلت تفتح الباب والكل تأكد ورد متريد جهاد ومتقبل تزوجه وهذا الشي كسر غرور جهاد كرجال اول مرة ينرفض ومن منو من بنت عمه جان يتمنئ يطب غرفتها ويكسر راسها ويكوللها اني الما اريد وحدة صلفه ما تحترم الاكبر منها بس التزم بالهدوء وكل العيله عرفوا ان جهاد واصل اعلئ مراحل الغضب بهذا السكوت