صوتوااااا صووتووا 😻
مرحبا حبايبي دعم لحبيبتي Russellahmad تابعوها طبعا كاتبه خطيرة ومجانت تحب تنشر بس قنعتها تسوي واتباد تابعوها كتلها حيصير عندج متابعين وعدتني لما يصير عدها متابعين عدد زين تبلش تنشر تفوتكم
🌟🌟🌟🌟🌟🌟🌟🌟🌟🌟🌟🌟🌟🌟
ورد بصياح وهي شايله بيدها الخاشوكه وتركض ورا علي:-ولك علي تعال ولك ماما حتخبل من وراك كافي تركض تعال هنا والله راح اكول لابوك عليك ....
علي وهو يضحك:- ماريد مااااا مو جوعان ماريد ..اريد بسي(بيبسي) وراح علئ ماعون الاكل وشمرة ورد صارت اعصاب وعاطت بي :-عليييي هاي شسويت مو حرام هسه رب العالمين يذبك بالنار ....
علي بعصبيه طفوله وهو يضرب كصته:-ماما عشر مرات كتلج انييي موووو جوعاااان اريد بسي بسي طيب ....
اجت يمه وجرته من ايدة وشالته عالمغسله وغسلته بعصبيه وصعدته بدلت هدومه :-اني مزاعلتك بعد ما احجي وياك زين صاير وكيح ومتسمع الكلام انزل يلا ماريدك انت مو ابني بعد راح اشتري ابن جديد احبه وعاقل
علوش كبل خاف لان عقل طفل عمرة خمس سنوات كل عقله الاطفال نشتريهم وهذا تهديد ورد دائما يجيب نتيجه ويا :-لا لا ماما بعد ماسوي شي ....
ورد :-وخر من يمي امشي انزل يلا روح لابوك ....
طردته من الغرفه ونزل حيل متعبها هالولد يختلف عن الاطفال الي بعمرة من هسه عصبي واله شخصيه وكبرياء مو طبيعي من يسوي شي غلط ورد تزعل منه يحاول يبرر بطفوليه حتئ تصالحه بس يرفض يعتذر من ابو يكوله كول لماما اسف ...وبنفس الوقت متعلق بيها كولش ميكدر بدونها ويغار عليها حتئ،من ابو ...
محمد ونورة صار عدهم اطفال اثنين الجبير خالد عمرة تقريبا اربع سنوات وبنيه عمرها سنه سموها ود
زهراء بقت عالتوم ما خلفت غيرهم تكول الا يدخلون المدرسه يلا افكر اسوي بعد جهال
ابتهال صار عدها ولد ثاني ويه ابنها
اما مرتضئ فهو لحد الان عازف عن الزواج برغم من مرور اربع سنوات عن سالفته
اما ندئ فأتزوجت واحد من عشيرة ثانيه ومحافظه اخرئ قبل سنتين وصار عدها ولد وهي اصلا انقطعت عن بيت جهاد من صارت السالفه وحتئ كريمه بس بالمناسبات تجي عليهم
ورد كاعدة بالمطبخ هي وام جهاد ونورة حاطه بتها الصغيرة بحضنها طب جهاد شايل علي علئ جتافه :-علاوي جاي يعتذر من ماما مو يا علوي...
علي صفن علئ امه ويفكر نزله ابو ودفعه ناحيه امه :-يلا بوس ماما وگللها اسف بعد ماعيدها...اقترب من امه مبتسم ويرمش بعيونه ورد تضعف كدام نظراته عيونه كبار ورموشه طوال ومعقوفات ونظراته حيل طفوليه وبريئه باس امه من خدها وماحجه
أنت تقرأ
حب اجباري(باللهجه العراقيه)
Romantikتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
