حب اجباري(باللهجه العراقيه)

(15)

لا تنسون التصويت والتعليقات واكو اعلان مهم بنهايه البارت اقرو😘😘

من باب اموت بغيبتك
ومن باب اموت بجيتك
ولليوم مدري شتنحسب
محبوبي
لو
چتالي

❤رائد ابو فتيان❤

⭐⭐⭐⭐⭐⭐⭐⭐⭐⭐⭐⭐⭐⭐

يحس نار بصدرة من يشوفها بلحظه بودة يشبكها (يحضنها) ويبرد شوكه الهه وبلحظه بودة يكضها يكسر ضلوعها .....
عقله ما جاي يستوعب الكلام الي وصل اله ...كلشي بدة بيوم الي اتخربطت بيوم جيه العمه سعاد من باسهه بالمطبخ وكاللها انتظريني بالليل

راح للمضيف وكمل جم شغله دك تليفونه دكه الرسايل فتح الرساله بدون اهتمام بس كل حواسه انشدت لكلمات الرساله *شيخ جهاد جنابك نايم علئ اذانك ومرتك هههه الوردة مالتك الحلوة ورد جاي تخونك جاي تضحك عليك وتدعي حبك في سبيل تغطي علئ خيانتهه ومتكشفها بس قريبا راح ادزلك ادله قاطعه تشوفها بعينك *

عصر الموبايل بيدة والدم صعد براسه منو هذا الي يعرف ورد ويكول هيج كلام عن مرته مرت الشيخ شرفه عرضه ثارت غيرته ورجولته حاول يبين طبيعي كدام الكاعدين بس داخله بركان نار معقوله ورد هاي البريئه لا مستحيل متسويها مرته اشرف من الشرف وهو يعرف معدنها شنو ومنو هذا الي ممكن تخونه ويا منو الي يتجرأ علئ مرت الشيخ ...ما جان مصدك بالكلام الي برساله بس مايكدر ما يتأثر اي رجال شرقي عراقي مستحيل يكون هادئ واحد يكوله مرتك جاي تخونك
صارت عندة لحظة شك معقوله ورد مسويه نفسها تحبني يمكن ....لان هي جانت تكرهني ومو بعيدة بعدها تكرهني .....اذبحها والله اذا رجال لامح خيالها حتئ لو بالغلط ما اخلي نفس الهه يصعد واحسب الله ما خلقها
رجع لبيت ونار شابه بكلبه والي زاد الطين بله سمعها تكول لامها بالتليفون انو هي تكرهه وتمثل عليه رجع وطلع من البيت ماكدر يسمع اكثر ميريد ياذيها لان حامل اذا دخل يمكن يرتكب بيها جريمه اااخخ يا ورد كل حبج واهتمامج هذا جذب معقوله سلمتيني نفسج حتئ تخدعيني معقوله يا بت عمي كل شويه تصعد براسه يلزمها يجنزها تجنز كلبه يوجعه يحس نفسه مخدوع ...لان حبها بكلبه وعقله وروحه وتالي هيج يصير

كامت يوميه توصله رساله من هذا الرقم تحجي عن خيانه ورد اله عصر دماغه حاول يعرف منو هالشخص معقوله .....واجه بباله ذاك الدكتور الي شافه يحجي وياهه من تمرض ابوها معقوله تحبه وكل هذا تمثيل

ابتعد عنها في سبيل ما ياذيها والمشكله الشخص الي يدزله الرسايل يعرف كلشي عنهم اساميهم مواصفاتهم وعنوان سكنهم وشغلات عن العائله منين عرف هالمعلومات اذا مو ورد هي التحجيله ....رجولته وكرامته انجرحت واذا لكه دليل قاطع عليها جان مقرر يسوي بيها المصار وياخذ الولد الي تجيبه منها .....
التزم البرود وياهه رغم محاولاتها ويا وكلبه ...كلبه يخونه ويرف الها يشتاقلها ويريدها وهذا يعذبه اكثر
مرات يحس كلبه يريد يضعف وياخذهه بين ايدي بس يدوس علئ نفسه