لا تنسوا التصويت والتعليق
باجر تصغر الدنيه وتجي عالباب
واسوي المامسوينه بمفارك رد
تجي محتاج؟
اگلهم الله لا ينطي
واگلهم زين بابي بوجهه حيل انسد
تجي خطار؟
اگلهم گلو للخطار اهل الدار شالو
واشترو جدد...
تجي عاشك؟هههه
وداعآ مو هنانه الشوك
دورنه بگلبها ومالگينه احد
دورنه
بگلبها
ومالگينه احد
شهد الشمري
⭐⭐⭐⭐⭐⭐⭐⭐⭐⭐⭐⭐⭐⭐
بقلمي رفل حسن
قطرة دم مظل بجسم ندئ علئ الجفصه الي جفصتها كامت تمتمت :-يعني قصدي التعوف رجلها تعتبر خاينه للملح والزاد والعشرة وهي عافتك وراحت لبيت اهلها .....
جهاد جر ايدها اقوة:-لج شايفتني بزر انتي وكعتي بلسانج احجي شتعرفين لا ادفنج هنا
ندئ تسوي نفسها تبجي:-الله يخليك جهاد لا تجبرني انه مالي غرض هو هددني ماكدر احجي ......
جرها وطب للبيت كدام امها وامه وعمته ونورة وبيبته كامن يصيحن عليه بس سعاد كاعدة بهدوء لان حاسه سالفه ورد وجهاد ندئ وراهه .....يريدن يفتهمن السالفه شنو
ام جهاد:- ولك يمه شبيك وي بت عمتك شصاير
كريمه:-جهاد عوف ندئ ....
جهاد بصياح :-ما اسمع حس اليوم ماتطلع منا اذا ما تحجي ولا وحدة تتدخل وحق القرأن اسوي كارثه دفعها لغرفه زهراء وسد الباب شمرها للكاع وكعد علئ طرف الجربايه يهز برجله :-تحجين لو اخابر ابوج واخوتج وكتلتج تصير عمل شعبي .....
ندئ بخوف:-احجي بس لا تدخلهم بسالفه انه انه اعرف الي خانتك ورد ويا مو غريب منك وبيك انه شفتهم بالبستان سوة اكثر من مرة ....
عقل ماظل براسه صاح بيها بصوت هز البيت:-احجي
!!"
ندئ برعب:-فاروق ....فاروق هو الخانتك ويا من عرف انه دريت هددني يكول لابوي اني احبك حتئ اسكت وما اكولن شي ....
كام عليها ورفعها من ثوبها :-وحق الخلق الخلق اذا اعرف بيج تحذبين بحرف اسويج وصلتين واذبج للجلاب وركع راسهه بالحايط وطلع وقفل الباب عليها .........
لزمته كريمه :-شمسويه بتي ليش حابسهه طلعها ...
نفض ايد عمته:-من ارجع تعرفين وخري عني عمه لا تخليني اسوي شي مايعجبج صعد لغرفته بسرعه البرق صعدت ورا امه لكته مطلع مسدس ويريد ينزل لطمت علئ وجهها :-ولك جهاد شصاير يمه براضي عليك احجي لا تجلطني.....
جهاد:-يمه لخاطر الله وخري هسه بعدين تعرفين وعافهه ونزل وطلع من البيت .....
راح لبيت عمه يسابق الريح خطواته تاكل الكاع اكل هم بنفس المنطقه دفر الباب وصاح بصوت مثل الرعد :-ولك فااااروق بلخسيس.....
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
