لا تنسوا تصويت اضغطوا عالنجمه الموجودة اسفل يمين الشاشه وعلقوا عالفقرات ♥♥♥♥
وانت يا عنيدة يا شقيه
يا قريبه يا بعيدة
ان مررت في تفكيري
محال محال ان تمري عابرة
فأنت ان مررت
تشتتين ذهني وتقلبين دمي
وتتركين خلايا جسمي حائرة
فكيف يغفو لي جفن بربك
وانت في مخيلتي مخيمه ساهرة
تمارا شاكر
(وجع غاف)
🌟🌟🌟🌟🌟🌟🌟🌟🌟🌟🌟🌟🌟🌟
*
بقلمي رفل حسن*
ثاني يوم سوو لابو ورد قسطرة والكل علئ اعصابه دكتور عمار هو الي اجرئ القسطرة ومن طلع من غرفه العمليات سألته ورد بلهفه:-ها بشر دكتور بابا شلونه
عمار:-لتخافين ورد بخير الحمدلله وتجاوز الازمه جان عندة انسداد جزئي بشريان وبالقسطرة انفتح بس كلبه شويه تعبان لازم يعتني بنفسه ...لتخافين احم ورد اعرف مو وكتها بس لازم اسألج كاعد علئ نار من طلعنه من بيتكم ليهسه ليش ورد مكتيلي انتي ابن عمج خاطبج خليتيني اني واهلي بموقف محرج
****جهاد*****
رحت لسيارة بدلت قميصي ورجعت واشوف ورد واكفه وي دكتور شاب فار الدم بعروكي واقتربت منهم سمعته يسالها ليش مكايلتله هي مخطوبه ألي فهمته هذا الاغم يريدها وخاطبها جاوبته قبل لا هي تفتح حلكها :-ليش عندك اعتراض اذا ابن عمها رايدها انت ما تستحي ما تحشم بنات الودام واكف بالممرات تحجي وياهن ولزمه من ياخته بالعباس ادفنك ومحد يكدر يگلي ليش افتهمت اذلف من وجهي ودفعه عنه وجر ورد من ايدها واخذها لبعيد :-ولج شعندج ويا واكفه وتكصين سوالف ما تستحين علئ نفسج ....
ورد :-عوف ايدي دتأذيني مالك علاقه ما كفاك دمرت حياتي عوفني يأ اخي ....
جهاد وهو يصك بسنونه:-بالقرأن ورد دبارج عندي انتظري وشوفي وكدامي امشي كعدي يم امج وحبوبتج شعندج هنا كدامي ودفعها كدامه
ثاني يوم ابو ورد طلع من المستشفئ ورجعو للبيت والجد ابو خالد والجدة وجهاد ومحمد خلو ينام بغرفته حتئ يرتاح وعافوا وكعدو كلهم بغرفه الخطار
ورد وامها صعدن يحضرن الغرف
سمر:-ورد افتحي الغرفه الي بصف غرفه مثنئ لجهاد ومحمد واني راح احضر غرفه لجدج وبيبتج ....كبل عقجت حواجبها :-لا ماما لا انتي حضري غرفه هاللئيم واني احضر غرفه جدو وبيبي
سمر بتحذير :-ورد احترمي نفسج عاد زوديتها ولا تحجين هيج عن الرجال ...
ورد:-اووي خل يطير وطبت تحضر الغرفه ......
سمر طبت للمطبخ تحضر الغدة وام خالد كاعدة يمها وابو خالد وجهاد ومحمد ومثنئ كاعدين بغرفه الاستقبال
اما ورد طبت سبحت ووكعت تعب المستشفئ من جسمها ولبست تراكسود برمودة ونص ردن لونه سمائي وابيض مشطت شعرها وعافته مفتوح وتعطرت وحطت كحله وملمع شفايف باوعت للمرايه بنصر تحاجي روحها :-خلي يعرف اني ما خاف منه والبس بكيفي واذا ميعجبه لبسي هو المطلوب خل يروح يلكه وحدة من يمهم يتزوجها وشمرت بوسه لروحها بالمرايه ونزلت تتبختر عالدرج وتگلب بتليفونها
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
