حب اجباري(باللهجه العراقيه)

(5)

لا تنسوا التصويت 🌟🌟والتعليق حبايب كلبي
والي مو متابعني يتابع محضرتلكم روايات جديدة غير شكل عالشهرين الجايات

🌟🌟🌟🌟🌟🌟🌟🌟🌟🌟🌟🌟🌟🌟

*بقلمي رفل حسن*

حست ورد الفجر جسمها يوجعها ونومتها مو مريحه فتحت عيونها وبدت تركز شهكت لما وعت علئ جهاد حاضنها من ورة ودافن وجه بركبتها تحس بأنفاسه دافيه ومنتظمه علئ ركبتها ...اتذكرت العرس الحديث الدار بينها وبينه اتذكرت لمساته وشلون اخذها دفعته عنها بسرعه وطفرت من الجربايه وهي تجر البطانيه وتغطي جسمها هو فز من نومته يفرك عيونه ويباوعلها :-ورد شبيج نززتيني ؟
رجعت شعرها ليورة تباوعله بنظرة حقودة غاضبه ولازمه البطانيه علئ جسمها :-انت ...انت ليش نايم يمي هيج مو وعدتني متلمسني ليش هيج مقترب مني ...زفر نفس بعصبيه وهو يكعد علئ حيله :- ما سويتلج شي جنت نايم مادري بروحي من ادنيت(اقتربت) يمج تعالي نامي وتعوذي الشيطان .....

بلعت ريكها مستحيه علئ مقهورة منظرهم حاليا ابد مو قانوني هو بطرك الشورت حتئ فانيله ما لابس وهي متلفلفه بطانيه تستحي تباوع بعينه ظلت ترمش وتباوع بالكاع :-لا...لا تنام هيج يمي كلمن ينام بمكان اني راح انام بمكان وانت بمكان منا وهيج وو...ورجاء البس هدوم ما ارتاح وانت هيج ....باوع لصدرة ورجع باوع عليها شعرها مفلول ومكياجها رايح وبدون ملابس رفع حاجبه :-لبسي انت اول شي لو عاجبج نعيد جوله ثانيه ....فتحت عيونها بصدمه باوعت لنفسها رجعت باوعت لثوب النوم والروب الي حضرتهن زهراء كبل شالتهن وطلعت من الغرفه سمعها صفكت باب الحمام حيل فرك وجهه يستغفر ربه اللهم طولج ياروح ورجع حط راسه عالمخدة يباوع للسكف جان متلهف يذوقها بس ما تهنئ ما خلته يتهنئ بليله عرسه

طبت الحمام وذبت البطانيه من الباب كعدت بالكاع تبجي بصمت بس دموع تجري بحركه كلب جسمها يوجعها بلكوة كامت باوعت بالمرايه الي فوك المغسله وزادت دموعها الاثار الئ ركبتها شفايفها الورامه غير عروس هسه طايرة من الفرحه بس هي لا... فتحت الدوش فوك البانيو وصارت تفرك حيل بجسمها بالاثار بحلكها بلكي تروح ظلت جوة المي تبجي حد ما تعبت نشفت نفسها وشعرها ولبست ثوب النوم كصير ومابي ذرة احتشام مال عروس تلبسه لزوجها الي ماخذته عن حب رجعت لبست الروب همزين طويل ومستور وردانه طويله لفته وشدته حيل كلشي ممبين منها وطلعت تمشي علئ،روس اصابيعها .....

شافته نايم وحاط ايده فوك كصته من تباوعله تحس بدوامه مشاعر مختلطه غضب حقد كره حزن .. تعبانه كولش نفسيا وجسديا خاف تنام بصاله ويطبون ويشوفوها الصبح لان اكيد راح يداهمون الغرفه عليها نامت علئ طارف الجربايه بحذر جسمها مقشعر تخاف بأي لحظه يقترب منها ظلت متوترة لحد ما غفت بدون متدري

تسمع صوت من بعيد يصيحها....ورد....ورد... كافي نوم يلا كعدي ورد ......لما فتحت شافت وجه جهاد قريب منها وايدة علئ خدها باوعتله الثواني وكمزت روبها راخي ودلعته مبينه جسمها صدرها كبل لزمته وغطت نفسها .....
باوعلها ببرود وكال بأستهزاء:-ترا البارحه شفت كلشي ماكو داعي تغطين نفسج وابتسم ابتسامه مستفزة..وكال ...صباحيه مباركه يا عروس يلا كومي مثل الشاطرة حتئ نتريك .....عقجت حواجبها وجهها صار احمر خليط من الغضب والخجل بسبب الي كاله رفعت نفسها كدامه وحطت عينها بعينه وهمست:-اذا تظن نفسك كسرت عيني لان اخذتني غلطان احب اكولك هلفكرة كولش متخلفه ورجعيه وما بيها ذرة رجوله لما تاخذ وحدة غصب وصفكت ايد بأيد خلص لا تظن اكو شي مشترك بيناتنه انت بجهه واني بجهه واندارت رادت تنزل من الجربايه .......كل كلمه تكولها والحقد البغض الكره الي بعيونها الزرك الواسعه تخلي دمه يغلي ماحس علئ نفسه الا وهو يجرها من شعرها ....لزك ظهرها بصدره تكدر تحس بعضلات صدره تضغط عليها لزمت ايده الي علئ شعرها وكالتله:-اترك شعري لا طخني ابد .....همس بأذانها :- كل الي سويتي وراح عبرته بمزاجي بس منا وطالع راح اشوفج تعاملي اسلوبج الزفت هذا عدلي لا اطيح حظج ودفعها عنه ......