صوتوا 🌟🌟🌟🌟🌟🌟
علقوووو
😊😊😊😊😊😊
تابعوا حسابي لا بالطاوة ترا 😂😂😂
🌟🌟🌟🌟🌟🌟🌟🌟🌟🌟🌟🌟🌟
بقلمي رفل حسن
فتحت عيونها راسهه تحس راح ينفجر من الالم والوجع باوعت حواليهه اتفاجأت شافت جهاد كاعد بصفها ومرجع راسه ليورة مغمض ....ظلت صافنه عليه تريد تتأكد هذا حقيقه لو كامت تهلوس ....كحت جان يفتح باوعلها لزم ايدها وباس كصتها :-ورد حبيبي وردتي تعبانه بعد عمري انتي كون بيه ولا بيج دارت وجهها عنه وسحبت ايدها وجهها انعقج ومحجت وياه .....
حرك راسه :-كافي زعل ورد ....كلبي ملهوف عليج تدرين شصار بيه من عمي خابرني وكلي مريضه ...جيت ادعم بالوادم طول الدرب ماشوف كدامي.....
ورد بتعب :-جهاد اني مزعلانه اني ماريد ارجع وخلص اريد اطلك والله يخليك مو وكتها هسه راسي حينفجر
فرك لحيته خلص صبرة راد يصيح عليها يلزمها ويكوللها من تطلعين من المستشفئ اخذج للبيت غصبا عنج بس هي مريضه ضغطها صاعد مايريد يخليها تنفعل مو زين
اجت الدكتورة طلعته من الغرفه وفحصتها وطلعت الهم
جهاد:-بشري دكتورة ؟
الدكتورة :-اكو تحسن ضغطها بدة يهبط بس،بعدة مو بمستواه الطبيعي بعدوها عن التوتر العصبيه وانتبهوا علئ اكلها خلي تشرب ليمون هي حامل منكدر ننطيها هوايه علاج اليوم تبقه طبعا هنا الئ ان يستقر الوضع واعتقد لباجر يرجع طبيعي ......
ام ورد:-الحمدلله تسلمين دكتورة ......
جهاد اخذ نفس براحه جان خايف يصيرلها شي .......
طبوا عليها لكوهه نايمه ....
ام ورد:- انتو روحوا للبيت اني ابات يمها ....
جهاد :-لا عمه ابد اني رجلها اني الي ابات يمها....
ابو ورد:- جهاد انت تعرف موقف ورد منك انوب تتحاجون وتنفعل ماصدكنه وضعها استقر شويه....
جهاد من ورة خشمه:-لا مو وكتها هسه ما احاجيها....
حست بالليل جهاد نايم علئ الكرسي بصف الجربايه ....
ظلت صافنه بوجهه وعيونها متروسه دموع شكد تحبه بس ماتكدر تنسه الكلمات متكدر مو بيدها ......
محجت ويا اي شي ولا تناقشوا ظلت هاديه وساكته تحس الوجع خف الصبح اهلها اجوي وللعصر طلعت من المستشفئ .....
نمر من صارت شغله فاروق وانكشف زعل من زهراء وحاسبها لان ضمت عنه بس بالاخير كدرت تراضي حياتهم هاديه حتئ لو امه متحبها وتجي تسم بدنها وتروح بس من سالفه فاروق ما شافت ام نمر ولا راحت لبيت عمها ولا هم اجو نمر كال احسن خل تصفه النفوس
توها نظفت نمر طلع العصر راح للمضيف جهاد مو هنا لازم المضيف بي احد هو واخوانها بمكانه كملت وسبحت وبدلت جاي تتعطر اندك الباب عقجت حواجبها منو يجيها بس عمتها سعاد تجي جانت وسافرت قبل يومين رجعت لبيتها
حطت حجاب علئ راسهه وطلعت لباب المطبخ صاحت منو
اجاهه صوت ام نمر :-انه فتحي ....راحت ركض فتحت الباب ....
زهراء:-هله عمه هله بيج هااا هاي رونق وياج هله بيج حبيبتي ....
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
