لا تنسوا التصويت حبايب كلبي 😘😘😘
الي مو متابع حسابي يتابعني 😘
🌟🌟🌟🌟🌟🌟🌟🌟🌟🌟🌟🌟🌟🌟
*بقلمي رفل حسن*
تحدد موعد عرس محمد عالعيد لان رمضان بقاله يومين ومحمد يلوب ينتظر علئ احر من الجمر
ورد وزهراء استلمن البيت تنظيف تحضيرا لشهر رمضان الكريم ....
وطلبن من جهاد لما يكون المضيف فارغ يخليهن ينظفنه صح العمال يوميه ينظفونه بس اكيد مو مثل تنظيف النسوان ... وبالفعل فرغه الهن بليل وخله العمال يطلعون الاثاث الثكيل منه لان هو بي ديوان مفصل جبير كولش علئ كد المضيف نزلن البردات وظلن يغسلن ويمسحن لحد ما وكعن صفح من التعب ....
زهراء ورد سون السحور وحضرن كولشي صعدت ورد تكعد جهاد وزهراء راحت تكعد الباقين ....
صعدت عالجربايه وتمددت بصفه حاطه راسها علئ ايده كامت تكعدة وهي تلعب بلحيته :-جهاااد ...حبيبي يلا اكعد سحور ....ظلت تكعد بي وميرضه يكعد جهااااد دكعد عاد شكد تنمبل اوووي كامت من يمه وصااحت جهااااااد ....طفر من مكانه :-شبيج ولج وكرص
جتفت ايديها :-شسويلك اجيتك بكل لطافه وجهاد وحبيبي وماكو فايدة الا اعيط يله تكوم ....
جرته من ايده كوم يله قبل ليفوت الوكت ...كام غسل وجهه وراد ينزل بس قبل لا يطلعون اخذ جم بوسه لازم يتحرش الشيخ ولا يستحي صاير
مر اسبوعين برمضان وتقريبا كل يوم عدهم عزيمه عالفطور بالمضيف لو جهاد والزلم ينعزمون عالفطور تقريبا ورد كامت متشوف جهاد يطب وي السحور تقريبا للبيت يتسحر وينام يكعد شويه متأخر ويطلع للمضيف لو عندة شغل عالفطور مموجود وهكذا بهالاسبوعين فطر مرة وحدة وياهم ....انشغلو هم بتحضيرات عرس محمد وطلعات السوك ورد مرات تطلع وياهم ومرات لا..لان جهاد ميقبل تطلع هوايه
ضاجت من انشغاله الدائم وغيابه عن البيت
صار ساعتين من خلص الفطور وجهاد ليهسه ما بين اجه الظهر شويه مدد ونام ورجع طلع ضاجت كولش دزتله رساله *يعني شوكت اشوفك مثل العالم كله برا برا *
جاوبها:-شسوي غير اكو زلم يمي يا عيني ..
ورد بزعل:-ماا زعلانه منك اصلا اليوم نام بالملحق راح اقفل باب الغرفه وماخليك تفوت ...جاي اشتاقلك ميصير هيج كله عايفيني اشوفك ورة السحور من انت نايم
جهاد:- اكسر الباب وافوت وين اكدر انام اذا انتي مو بحضيني .....مجاوبت علي وذبت تليفونها عالجربايه وطبت للحمام
عرف بيها زعلانه حقها صدك كل رمضان هو هيج نظامه يكضيها عزايم وكعدات ما يفضئ للبيت بس هسه اتزوج وعندة مرة لازم شويه يخصص وكت الها مرات يطلع بالنهار متعمد مايريد يكسر صيامه من ورة ورد ما يلزم نفسه من تجي يمه ...بس بالليل المضيف ينترس زلم مايكدر يهدة ويطب للبيت
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
