لا تنسوا التصويت 🌟🌟 والتعليقات حبايب كلبي 😘😘
عنادك هذا يا جميله العينين
ماهو الا بدايه
لعشق كبير
✏بقلمي
🌟🌟🌟🌟🌟🌟🌟🌟🌟🌟🌟🌟🌟🌟
*
بقلمي رفل حسن*
ثاني يوم العصر بعد ما كطعو مهر طبت عليها ام جهاد شايله بيدها علاكه مال هدوم
ام جهاد :-حبيبتي ورد كومي بدلي ولبسي ذني وخلنا نطلع للسوك نشتري النيشان وجم غرض الج
ورد :- خاله والله ميحتاج مشفتي الجنط الي جبتها ماما وبيبي كومه اخذن هدوم وغراض الي
ام جهاد:- لا يا عيني ميصير جا والذهب شلون غير علئ ذوقج كومي حبيبه كومي
ماكدرت ترفض وكامت لبست بنطرون زيتوني وفوكا قميص اسود ابو شيالات لونهن زيتوني وسوت شعرها كعكه عاليه وحطت مكياج كولش خفيف ورادت تطلع بس اتذكرت العلاكه الئ جابتها ام جهاد ورجعت تشوفها فتحتها لكت بيها جبه سودة وشالات اثنين فتحت عيونها بصدمه :-انشالله البس جبه اووف يا الله شنو هالبلوة دخلت امها عليها وحذرتها :-ورد لبسيهن احسلج ..غمضت عيونها حتئ لا تتجمع بيها دموع واشرت براسهه بمعنئ ماشي راح البس ...لبست الجبه باوعت بالمرايه اعترفت الجبه ذوقها حلو نازكه ومابيها نقش وهوسه هوايه مجرد اكو سرة مال شذر اسود يم الردن وسادة مفتوحه بيها دكم ما سدتهن عافتها مفتوحه وشال هم ذبته علئ راسه بدون متلفه ونزلت تجر بهدومها منا ومنا لكت امها وام جهاد وزهراء وابتهال هم جايه وعمتها كريمه وبنتها ندئ كلهن ينتظرن بكلبها كالت شكو كل ذني جايات موكب ويايه
ندئ تباوعلها من فوك ليجوة شاورت امها :-يمه شنهي شو ما لابسه عباة راس لابسه هاي ومفتوحه وجاكه البنطرون والشال ما ملفوف
كريمه بغيض:-اسكتي لا تخليني اكوم احجي جهاد صاير يرغب بالمكشفات الما يسترن برواحهن الله اعلم بيا سحورة لاحسه عگله واخذها
راحن للسوك اشترت الذهب وام جهاد مقصرت اخذتلها كومه ذهب وهم اشترولها ملابس ومستلزمات العروس وهي بس تباوع بدون اي تعليق واشترو حلقه لجهاد هم وظلن للمغرب يفرن السوك وورد تريد تبجي الا شويه من التعب
رجعن ميتات تعب ورد بدون كلام صعدت للحمام سبحت وطبت للغرفه نامت لان صخنت من التعب رغم الدنيه شته مو حارة
طب جهاد للمطبخ لكه كل النسوان كاعدات يشربن مي ويسولفن سلم عالكل وباس راس امه :-شلونها الغاليه
ام جهاد :-بخير دامك بخير ينظر عيني ....
جهاد:-ها شبعتن من السوك مو؟
ندئ كمزت من يمها :-اي خو ورد ظلت تفرفر والناس اكلوها بعيونهم جي غريبه ولبسها موش مثلنه
خزر،ندئ سكتت ترخص منهم وصعد فوك يريد يشوف هالورد شلابسه دك الباب وفتحه شاف الغرفه ظلمه فتح الضوة لكاهه بسابع نومه ظل يباوع لوجهها شويه وشاف الجبه المعلكه بالتعلاكه ابتسم بدت تدخل عالمهم ولو هو ودة تلبس عباة راس حتئ محد يشوف منها شي ميشوف جسمها المغري الئ يعترف داخله هو يريد يلمسه يحس بطرواته يشم ريحه عطرها
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
