لا تنسوا التصويت ومتابعه حسابي 😘
نزلت بارت ثاني بكتاب رفل حسن الموجود بحسابي هذا البارت مخصص للاسئله الي يريد يسأل شي يكتب هناك سؤاله
شطلع بيه وعليك فراكي
مر نشوة
رائد ابو فتيان
🌟🌟🌟🌟🌟🌟🌟🌟🌟🌟🌟🌟🌟🌟
فتحت عيونها تحس جسمها مكسر وعيونها بلكوة ينفتحن رادت تحجي بس كل الي طلع من بين شافيفها ونه وجع
كبل انتبهت العمه سعاد عليها
سعاد:-حبيبتي ورد كعدتي لتتحركين مو زين عليج
ورد بلكوة تحجي:-ع...عمه ابني ...كامت تبجي...
سعاد تحاول تطمنها:- مابي شي بس لا تتحركين ولا تبجين عميمه مو زين عليه جا تريدين تطيحين الولد ابجي ....
ورد:-ماريد ابقه هنا اريد اروح لاهلي ماريد ارجع لبيت جهاد ماريد .....
سعاد:-عميمه مو وكتها هسه انتي مريضه .....
بعدين بعدين حبيبه .......
كلبها يوجعها اكثر من الالام الي بجسمها ممصدكه جهاد سواهه خاينه وعديمه شرف وسماهه رخيصه وعار كلامه مثل السجين وبي ملح ويذبح بيها عالبطيء شكد يوجع شعور الظلم تريد بس تعرف ليش سوة هيج ةشلون يشك بيها بعد الي صار مستحيل تبقه يمه لحظه
....
النار الي تسعر بصدرة مو راضيه تطفئ الصورة تنعاد وتنصقل براسه تخونيني وبيتي شلون يا ورد ما شكيت بيج شلون جنتي تمثلين عليه دور البريئه ....ورغم كل هذا كلبه يدك الها ......
اجا صوت محمد من ورا:- دومك من تضيك بيك تجي هنا
حرك جهاد راسه بمعنئ اي وظل ساكت
محمد بلوم:- شسويت بمرتك جهاد البنيه رادت تموت ...شسوت حتئ اطكها هيج وابنك راد يطيح....
جهاد بقلق حاول يخفي :-طاح لو بعدة؟
محمد:- لا بعدة بس ورد تعبانه بالمستشفئ تبقئ رادو يفتحون تحقيق عليها اثار ضرب وخنك خويه ليش هيج فهمني ....
جهاد:- لا تسألني محمد سالفه بيني وبينها ماريدها تطلع ....
محمد:-ورد كايله لعمه سعاد ما تريدك بعد تريد اهلها وظليت حاير اخابر عمي لو لا حتئ فشله اخابرة وانت مجنز بنته اتجنز.......
بقلمي رفل حسن
وجه جهاد ظل جامد وماانطه اي ردة فعل .... للفجر محمد اخذة ويا للمستشفئ ظل واكف برا الغرفه بين اليريد يطبلها وبين ميريد بعدة دمه فاير وصورتها متروح من باله ........
ماكدرت تنام رغم التعب والوجع التحس بي حياتها تحس تهدمت بعد الي سوا بيها جهاد ما مستعدة تبقه ويا دقيقه راد يموتها علئ جرم متعرفه وممسويته حست باب الغرفه انفتح سعاد نايمه شافته هو جاي يفتح بالباب علئ كيفه حتئ يدخل كل جسمها تكهرب والي سوا بيها مر كدام عينها كبل عاطت بي :-اطلع برااااا ماريد اشوفك اطلع برا
سعاد كبل فزت من نومتها وشافت جهاد اجت يم ورد :-اهدأي حبيبتي مو زين عليج لا تنسين الي ببطنج ...
ورد بهستيريه ودموعها تجري:-ماريد منه شي ماريد هذا ابني اني مو ابنه سمعت ماريدك ولا اريد عيشتك اطلع منا اطلع ......
سعاد راحت لجهاد ودفعت بي لحد الباب :-خايب اطلع راح تسودن البت كااافي جهاد مو وكتك هسه ...
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
