فجروا التصويت والتعليقات ❤❤
لا تنسوا تتابعو حسابي حتئ توصلكم كل اعمالي الجديدة القادمه 😘
🌟🌟🌟🌟🌟🌟🌟🌟🌟🌟🌟🌟🌟🌟
بقلمي رفل حسن
محد كان متخيل الموت ياخذ ام خالد هيج برمشه عين فجأة تخربطت وبيوم واحد ماتت وراحت بركه البيت بسوالفهه بحنيتها وخوفها عالكل جان بنظرها ولدها احسن ولد بالعالم
اتغيرت الالوان الئ سواد وانطفه ضوة البيت .....الدنيا ليل وباااردة كولش دنيه شتاء محمد طلع للمضيف كلها عرفت ام خالد توفت ينتظرون يجيبوها للبيت حتئ يغسلوها ويكفنوها ويودها للنجف يدفنوها كاعدات بغرفتها الدموع ما نشفت ساعه بجيه وساعه صفنه ......
البيت بثواني تحول لحجر كئيب سمعوا صوت هوسه يمكن اجوي طلعن ركض للمطبخ انفتح باب الحوش كامل
شهكت ورد وضربت علئ صدرها من شافت المنظر
جهاد ابوها ونمر ومرتضئ شايلين التابوت وجدها حاني راسه ذاب عكاله بس بالغترة وجهه مابي روح ......
صوت عياط عماتها جان بعيد وهي بغير عالم عينها عالوجوه الشايله التابوت ........دخلو التابوت للديوانيه وبناتها والنسوان واتجمعن حوالي روحهن لايبه الي تلطم علئ صدرها وتصيح ولج يمه المن رحتي وعفتينه
زهراء تهسترت كامت تضرب عالتابوت :-بيبي كومي كوومي لا تعوفيني بيبي .....
ورد كاعدة كدامه دموعها تجري بدون ما ترمشلها عين جانت مصدومه ..........
غسلوها وكفنوها وطلعو بيها للنجف بقه محمد حتئ ينصب الفاتحه هووسه الدنيا كل شويه تجيبها بزخه خفيفه والهوة عالي نصبوا اكثر من جادر .......طب محمد للبيت ورة الساعه 12 لكاهم كاعدين ويبجون ملامح الوجع الي بوجهه جبيرة باوع لباب غرفتها وطب عليها كعد علئ فراشهه تلمسه ماكدر اكثر ونزلت دموعه بجه وهو يحجي ويعاتب بيها :- بعد منو يگلي اثكل يالمسودن ام خالد علئ بختج هيج تعوفينه .......
زاد بجي النسوان علئ بجي محمد وهن يسمعنه يحاجيها ويعاتب بيها ..........
محد غمضله جفن ابد شعور غريب من احد من عيلتك جان ياكل ويشرب وياك عايش وياك ويروح بعد متشوفه ....
اول ضوة للصبح رجعوا الدفانه وانكلب شارعهم گلاب بسيارات الدفانه طبو للبيت ورد اول مرة تشوف ابوها يبجي كعد بالحوش وحاط ايدة علئ راسه ودموعه تصب
جهاد هدومه كلها تراب وجهه ما يتفسر من الحزن اما ابو خالد جان مكسور مانطق بحرف ولا حجه بس عينه عالكاع ........
طب جهاد وصعد ورد شافته شلون مقهور ورة شويه نشفت دموعها وصعدت وراا ....ترددت يم الباب تفوت لو لا تالي تجرأت وفتحت الباب وطبت جان كاعد عالقنفه كبل مسح وجهه وكام تدري بي بجه ونزلت دموعه باوعت عليه ودموعها ما نشفانه......
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
