قبل كولشي لا تنسون التصويت والتعليق حبابيب كلبي 😘والي ممصوت علئ البارتات السابقه يرجع يصوت فديتكم
يا ترئ شكد تكدرون ترفعون بعدد متابعيني 🌚
🌟🌟🌟🌟🌟🌟🌟🌟🌟🌟🌟🌟🌟
*بقلمي رفل حسن*
***ورد***
طول الطريق واني افكر حياتي شلون تغيرت هذا الطريق شكد اخذ مني وشكد بعدني عن كولشي احبه جانت حياتي هاديه عايشه بسلام وي اهلي لا مشاكل لا اوامر لا ضرب لا صياح مجنت امفكرة بزواج جنت اعرف يجي يوم اتزوج بس ماجنت حاطه الزواج هدف الي رومانسيه اتخيل نفسي اتزوج عن قصه حب عميقه وقويه بيوم من الايام وعندي ايمان قوي اني الكه حب حياتي واعيش حب مختلف بس الواقع ضربني راشدي وخلاني اصحئ من حلمي الوردي وحالي حال نص البنات بالمجتمع اتزوجت ابن عمي وغصب بدون ارادتي وهاي تاليتها راجعه لبيت اهلي ويمكن رجعه ابديه احس ماكدر اعيش وي جهاد ولا حياة جهاد مو لان اني مدلله وشايفه نفسي ومن هالكلام لااا لان يمكن جهاد ماخلاني اتقبل العيشه ويا بتفاهم لان دايما كلشي فرض وكلما يفرض شي عليه اني انفر من حياته اكثر اتخيل نفسي لو معاملني بطيب يمكن جان اني هسه راضيه مقتنعه ويجوز جان حبيته بس مشفت منه هالشي ابد
من وصلنه لباب بيتنه حسيت بشعور ماكدر اوصفه حزن فرح قهر ماعرف بس حسبت اريد ابجي بكل قوتي اريد اصرخ بكل صوتي هذا البيت الي من فاركته فاركت الفرح
مثنئ فتح الباب كبل حضنته دموعي كامت تجري وهو يكول ولج مشتاقلج همزين اجيتي ماكو احد اتناكر ويا البيت فارغ شفت ماما وبابا طلعو ملهوفين اوووف يا بابا شسويت بيه .....حضنوني وبوسوني وماما كامت تبجي كبل طبيت كتلهم اريد انام تعبانه وصعدت لغرفتي نفسها نفس ترتيبها ريحتها وعندي هدوم باقيه بالكنتور كبل ذبيت نفسي عالجربايه وغمضت افكر بنفسي بحياتي وبزواجي وب......وبجهاد ...جهاد الشاب الوسيم كامل المواصفات شهادة جمال رجوله شيخ وفلوس وياهن القاسي البارد المتعجرف الي يعاملني وكأني جندي عندة وهو الضابط جهاد الي يدور مني طاعه عميه وهو ما فديوم سمعت منه كلمه حلوة
***جهاد***
كاعد بالمضيف احس روحي تايه مجرد هي مو هنا كلبي يلجمني خابرني عمي كال وصلو قبل ساعه بالي مو يم الناس الكاعدة يمي احجي وماعرف شلون جاي اجمع بالكلام اخخخ ياورد سودنتيني ...يومين واروح اجيبها اطلع اي حجه غصبا عليها ترجع
***كريمه وندئ****
ندئ بحركه كلب:-شفتي يمه ولا تنوعلي(باوعلي) كل مخططاتج مافادت يمه ما يطلكها تظل بت عمه وانه حظي الاغبر اشوفهم كدامي ...يمه باين علي يعشكها
كريمه:-اصبري يالغبرة منهو الكالج انه اريدنه يطلكها لااا اريدج تنزلين علئ راسها ضرة وينكسر خشمها
ندئ :-يمه شلووون شلووون وجهاد ما يتنوع لوجهي كارهني .....
كريمه بخبث:-اصبري يمه اصبري اذا ما ازوجنج لجهاد ماكون انه كريمه .......
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
