تصويت قوي اريد وتعليقات
الي مو متابعني ياريت يشرفني بالمتابعه
اقروا الملاحظه الي بأخر البارت ضروري ...
🌟🌟🌟🌟🌟🌟🌟🌟🌟🌟🌟🌟🌟
***بقلمي رفل حسن***
دنيا ظلمه ماكو اي خيط ضوة تتلفت حواليها تدور ماكو احد متشوف شي غير الظلام وهوا بااارد يقشعر الجسم
مدت ايديها كدامها وتمشي خطوات علئ كيفها وتصيح بخوف بصوت ناصي :-جج..جهاد...وينك ..جهاد شغل الضوة تدري بيه اخاف من الظلمه ....الكاع جوة رجلها تحسها رمل بس متشوفها مجرد شعور
جهاااد لا تتشاقه ويايه تدري بيه اخاف من المي والظلمه
فجأة حست الرمل يتحول مي جواها وبدت تغرك صاحت بأعلئ صوت تستنجد :-جهاااااااد بس المي سحبها لداخله
جهااااااد...كامت تلهث من مكانها وكلبها يرجف من الخوف باوعت حواليها بالمستشفئ وبيدها كانونه لزمتها ام جهاد تهدي بيها :-يمه اسم الله اسم الله رجعي مددي بعدج تعيبانه
ورد بخوف وشفايفها ترجف:-عع.عمه جهاد ..جهاد وين عايش مو ...كوليلي عمه عايش ودموعها تجري
اشرت ام جهاد براسها :-اي يمه عايش عايش الحمدلله بس انطي عطوة لرويحتج جان انتي متي يمه ضغطج مرتفع
لزمت ايد ام جهاد:-عمه كولي والله احلفي
ام جهاد حضنتها:-يااااا شمالج اجذب عليج لو بي شي هيج انه كاعدة وعادي غير املخ روحي توة طلع من العمليات بعدة ما كاعد نتنظر فرج الله الدكتور كال مادام طلع من العمليه يصير زين بس ادعيله يمه ادعيله
وعيونها دمعت
ظلت ورد تدعي وهي تبجي بنفس الوقت لحد ما اتذكرت شهكت وفتحت عيونها :-ابني ويين عمه وين ابني ....
ام جهاد تطمنها:-لا تخافين يمه رجعنا للبيت يم خواتج هن يديرن بالهن عليه ويرضعنه ممه مات جوع الولد وانتي هسه حليبج شايط مقهورة يتمرض اذا ترضعي بالبيت اريحله هالطفل ....ييمه لو تردين انتي هم للبيت احسلج
ورد:-لااا مارجع الا ويه جهاد مارجع
ام جهاد :-هاهيه يمه براحتج
ورة ساعه اكثر بدة جهاد يحس من البنج ويهذي بكلمات ما مفهومه من ضمنهن اسماء مرته وابنه رغم جان فاقد وعيه لكن عقله الباطن جان يمهم خايف عليهم ....
ظلت ورد كاعدة يم باب غرفه العنايه ما تحركت رجعو ام جهاد للبيت وظلت هي ومحمد ومرتضئ ..جهاد غاص بنوم عميق ضربوا ابر منوم حتئ ينام ويخلص من الالام العمليه والاصابه ومعلكين اله بطاله الدم والمغذي وكل شويه يفوت ممرض او مضمد يشيك وضعه ويطلع يكوللهم وضعه لا بأس اذا عدئ،الليله بدون مضاعفات يطيب بسرعه
الفجر ورد راحت للتواليت رجعت لكت واحد ملثم يطلع مت العنايه الموجود بيها جهاد واخوان جهاد مموجودين ناقوس الخطر دك عدها وحست برعب معقوله هذا جاي يتأكد من موت جهاد ركضت عليه بسرعه ولزمته من دشداشته من ورة
ورد:-اوكف ...اوكف منو انت ...منو انت ..وحاولت تستخدم قوتها حتئ تديرة عليها وهو اندار ...نزل اللثام عن وجهه واشرلها باصبعه علئ شفايفه :-هششش
باوعتله بصدمه :-انت !!!!
أنت تقرأ
حب اجباري(باللهجه العراقيه)
عاطفيةتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
