فجروا التصويت صاير مو قوي 😟😟😟😟
❤❤
لا تنسون تتابعون حسابي وصلون 4الف بأقرب فرصه ❤❤😉
🌟🌟🌟🌟🌟🌟🌟🌟🌟🌟🌟🌟🌟🌟
بقلمي رفل حسن
الحب...شنو الحب ...كل واحد اله مفهومه الخاص للحب ناس تشوفه السعادة وناس تشوفه الحزن تدرون شنو اقوة انواع الحب برأيي اني رفل حسن ....اقوة واحلئ حب هو الحب اليوجع كلبك ...الي ينزل دمعك ...لمن يقشعر جسمك وكلبك لمن يمر طاري شخص معناته انت تحبه ...لمن كلبك يدك سريع من يمر اسمه معناته انت تحبه ...من تشوفه احلئ واحسن بشر بالدنيا معناته انت تحبه ...لمن تنزل دموعك شوك ولهفه ...لمن تنقهر من يزعلك بس ترضه بحرف منه .....لوعه الحب هي حلاوة الحب
مرات نحب شخص يضرنا ونعرف بي يضرنا بس كلوبنا متكدر تبتعد عنه منكدر نعوفه ومرات نحب شخص يسترخص مشاعرنا ومرات ومرات ومرات ....ماكو قصه حب فاشله ابد بنظري يعني لمن تحبين شخص ويحبج وما كدرتو ترتبطون وتركتو بعض مو معناته قصه حبكم فاشله لاا لان مشاعركم ...حبكم جانن صدوك بس المجتمع فاشل او الظروف هي الفاشله احلئ قصص الحب المشهورة والمخلدة انتهت بفراق الحبيبن لا تكولون فشلنه لا كولوا عالاقل احنه بشر جربنه الحب وعرفنا نحب .......
ورد طبت بشهرها وداخله انذار .....تتمشي بالبيت وتتحرك هوايه تشتغل حتئ تسهل ولادتها فرحانه ومحضرة كولشي لبيبي هدومه غراضه كاروكه (سرير الطفل) وكلها تكول شوكت يجي علي الكرار .......
كاعدة تنظف خضروات انفتح باب الحوش وطبت كريمه .......
تباوع لورد من طرف خشمها:- هاا رجعتي يلغمه ما جان اكو مجال احاجيج .....
ابتسمت ورد برود:-يي رجعت شلونهه ندواي جهاد گلي مطلعلها جلد جديد ....
كريمه بكره:- انشالله يطلع حق بنتي وتموتين انتي والي ببطنج .....
ورد تخبلت تدعي علئ طفل:-عمه بس فهميني كلبج شكد اسود وحاقد طفل هذا طفل تدعين عليه.....يعني بنتج الي سوته صحيح من تهمتني بشرفي ورادت تهجم بيتي انشالله اني الله ياخذ حقي منها لان بنتج هجامه بيوت وصدكيني متتوفق بحياتها ....
طبت ام جهاد علئ صوت كريمه :- خير شصاير ..باوعت لكريمه هله بيج خيه ....
كريمه من ورة خشمها :- هله بيج والله خيه جنتج بت اخوي تطول لسانهه عليه وانه اكبر من امها ....
هنا ورد طفرت روحها ذبت البيدها وكامت وكفت :-عمه شتريدين لخاطر الله وين تريدين توصلين فهميني تريدين اطلك من جهاد ما اطلك ترا ..وحتئ اذا اطلكت بيوم ترا ما يباوع لبنتج ...زين كوليلي اني شسويت يلا كوليلي لا خليني اني اكولج اتزوجت ابن عمي وهو اخذني عن قناعته يعني مجانت بنتج خطيبته لو حبيبته حتئ تكولن عليه بواكه واخذته منها خااافو الله شويه باجر وراكم شبر واربع اصابع (القبر) وحساب عود اذا عدكم حق عندي رب العالمين ياخذه الجن واذا اني عندي حق ربي ياخذ حقي من كل واحد ظلمني كاافي كلما تجين تسمعيني كلام يسم البدن وكل مرة اعدي واكول عمتي واحترمج وميخالف بس الظاهر عبالكم اني فقيرة لو ماعندي لسان لا حبيبتي ترا لساني اطول من حبل الغسيل بس اني محترمه وحرامات ما فاد الاحترام وخلت وطبت جوة ......
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
