بارت ماقبل الاخير اريد اقوئ،تصويت 😘
والي ممصوت عالبارت السابق يرجع يصوت اريدة يعبر الالف
🌟🌟🌟🌟🌟🌟🌟🌟🌟🌟🌟🌟🌟🌟
بمرور الايام بدة جهاد يستعيد قوته وصحته ويرجع لروتينه وشغله
ام جهاد خضعت للامر الواقع بموضوع مرتضئ كالتله انه اقبل بس ماظن اهل البت ينطونها الك وراح يفشلوك وراح تطلع منهم منو مني ماينطون لغير دين
نورة طبت بشهرها وداخله انذار وخايفه هوايه لان عرفت شلون ولادة ورد صارت صعبه وتخاف ولادتها تكون صعبه
كعدت محمد الفجر تحس بوجع قوي
نورة بألم:-محمد ...محمد...كوم ...محمد لخاطر الله...
محمد كمز من مكانه :-ها نورة راح تجيبين كومي كومي خل اروحن اكعد امي وكام راد يطلع من الغرفه ضرب كصته ورجع لبس عالسريع جان بطرگ ملابسه الداخليه راح لامه كعدها واخذو نورة وراحو للمستشفئ
كعدت ورد الصبح جهاد وعلي بعدهم نايمين غسلت وبدلت ولفت شالها ونزلت ...خدرت جاي وحضرت ريوك استغربت عمتها تكعد من وكت شو اليوم ماكو ..راحت لغرفتها دكت الباب :-عمه ..عمه شنو القصه شعجب بعدج نايمه وفتحت الباب باوعت بالغرفه عمتها ماكو ...عقدت حواجبهه راحت للحمام التواليت ماكو تستحي تدك الباب علئ نورة ومحمد رجعت للمطبخ تحجي ويه نفسها:-خاف راحت للسوك لا ممعقوله البارحه راحت وبعد وكت مو وكت روحه السوم ...بهالاثناء طب مرتضئ هو وجدة جانو كاعدين بالمضيف صبحت عليهم وكعدوا وسوتلهم ريوك توهه تريد تكول عمتي وين جدها حجه
ابو خالد:-ورد جدي اختج نورة ترا الفجر ودوها للمستشفئ محمد وعمتج اخذوها توهم خابروني جابت وهسه نروحلهم انه ومرتضئ انجيبهم ...
ورد بتفاجئ:- صدووك جدو الف الحمدلله يا نعمتك ياربي خلي اروح اكعد جهاد لعد وصعدت تركض داهمت الغرفه
:-جهاد...جهاد...حبيبي...كوم لا تصير تنمبل نورة جابت محمد صار عندة ولد .....
فتح عيونه ويفرك بيهن :- هااا عالخير الحمدلله شني شوكت ساعه بيش هسه
ورد بفرح :-الفجر كاعدة عدها ولادة وعمتي ومحمد موديها وهسه جدو ومرتضئ رايحين عليهم يجيبوهم كاتبيلهم خروج ...كوم ابو علي الكرار كوم هسه كلها تجي اكيد عزيمه راح تصير عالغدة يجون يباركون ...
جهاد راح للمضيف ورد نظفت البيت وطبت غرفه نورة حضرتها وحضرت الكاروك وهدوم نظيفات لنورة وللولد
وخابرت علئ ام محسن علمود الطبخ لان العمام كلهم يجون واكيد يسوون غدة عزيمه .....
للعشرة اجوي ذبحوا ذبايح لسلامتهم وطببوها ساعدت نورة حتئ تبدل ونامت شويه خطيه لان تعبانه وورد اخذت الولد بدلت اله ونومته ...سمو خالد علئ اسم ابو جهاد جان من زمان محمد حاجز اسم ابو ميقبل واحد من خوانه يسمي اسمه
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
