لا تنسوا التصويت حبايب دلعوني ترا ازعل عليكم 😍😍
🌟🌟🌟🌟🌟🌟🌟🌟🌟🌟🌟🌟🌟🌟
*بقلمي رفل حسن*
واخيرا قرر جهاد نروح اني ويا سفرة للشمال اسبوع ونرجع ...رحنا لبغداد وبتنه يوم بيت اهلي لان الطريق بعيد مانكدر بنفس اليوم نروح وثاني يوم الفجر طلعنه
طلع الافندي يندل الطريق لان رايح كومه سفرات هو وجماعته بايام الكليه ...ورحنا لسليمانيه وصلنه العصر تقريبا كبل توجهنه للفندق دخت من الطريق تعبت حيل وحتئ جهاد راسه كام يوجعه
خابرت ماما كتلها وصلنه وجهاد خابر عمتي طمنها ...
كبل غسلت وبدلت ونمت بحضن جهاد هو هم نعسان كلنه نرتاح وبعدين نطلع
ام جهاد:-ورد وينج ....يووو حتئ نسيت بيها مو هنا نورة عمه نورة وينج
اجت نورة عالسريع :-ها عمه ؟
ام جهاد:-يمه طلعي لحم مثروم من المجمدة حتئ نسوي كبه جدج يحبها وطلبها مني ....
نورة:-اي عمه هسه اطلع .....
ام جهاد:-اكلج يمه رجلج ما اجه عالغدة خابرتي ؟
نورة:-اي عمه خابرته كال معزوم عالغدة وتأخر للعصر ..
اجت زهراء للمطبخ:-يمه يمكن الانترنيت مخلص الاشتراك
ام جهاد:-خايبه دخلي يولي جا شطلع عين هالوادم غير هالانترنيت
زهراء:-يييمه شني هي .جا المن تدكين علئ خالاتي عالفايبر مو عالانترنيت ...نورة حبابه دخابري الحب مالتج وكليله يجدد
نورة:-هسه اخابرة .....
حسيت من نوم مدوخنه باوعت عالساعه صايرة ب8 بالليل عزاا شكد نايمين مسطورة من نومه المغرب حركت ايد جهاد :-جهاد ...جهاد....كوم دنيا ليل
تحرك وفتح عيونه وصحصح بسرعه:-يا بويه شكد نايمين وماندري برواحنه ....
ورد طبت للحمام سبحت وطلعت تبدل علما تبدل جهاد طب يسبح
لبست بنطرون وفوكا بشت طويل مال طلعات لونه بيجي مستور وكاله رياضيه وحجاب طبعا ومكياج خفيف ...طلع من الحمام مبدل باوعلهه رفع حواجبه :- ناويه تطلعين هيج .؟
باوعت لنفسهه :-ليش شبي لبسي مستور
وكف يمشط كدام المرايه:-ماكو طلعه بدون عبايه ...
ورد:-جهاد فدوة ترة والله مترهم عبايه واصلا الي لابسته يشبه العبايه بس ملونه مو سودة
جهاد:-كلت ماكو طلعه...
ورد وكفت كدامه وافترت:-دباوعلي اكو شي طالع اكو شي مبين حتئ اعرض من العبايه (العبايه الاسلاميه قصدها مو عبايه الراس)
باوعلها صفح هي صدك مستورة مامبين شي وعريض جسمها كله متغطي :-ورد ليش تعارضيني ؟
ورد بزعل:-يعني بضميرك جايين نتونس البس عبايه وين صايرة وحتئ،مستور وهم معاجبك ...كولشي سويت علمودك لبسي برا وغيرته ولبسي بالبيت غيرته وحجاب ولبست وجاي احاول اجاريك بكل طريقه تعبت ترا وكعدت عالجربايه زعلانه ودايرة وجهها....
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
