حبيبتى المشاكسة بقلم أميرة السمدونى

الفصل الثانى

الفصل الثانى

آرائكم مهمة جدا

قطع مراد بسيارته الفارهة مع صديقه أمجد طرقات المدينة الداخلية ، يتفقد أمجد المبتل الجسد فى المرأة الأمامية للسيارة هايدى الغائبة عن الوعى من وقت إلى أخر ، فلا زالت الأمطار تتساقط بعنف ، قال مراد وهو يضع يده على مقود السيارة فى ترقب وإرتياب :_
_ حنعمل أيه فى المصيبة دى ..؟، نطلع بيها على أقرب مستشفى ..؟

أجاب أمجد فى سرعة :_
_ لا لا لا أى مستشفى يعنى سين وجيم ، أسلم حل نتصل بكمال هو دكتور وحيعرف يتصرف .

علق مراد باستفهام ممزوج بالحيرة :_
_ ولغاية كمال ما يجى حنروح بيها فين ..؟، أنت عارف البيت عندى محقق أقوى من أى وكيل نيابة حماتى مش حتصدقنى وحتعملى مشكلة مع ليلى .

قال أمجد بعد لحظاتمن التفكير العميق :_
_ أنت جبت شنطتها..؟

أومأ مراد بالإيجاب فتابع أمجدوهو يفرقع أصابعه :_
_ الحمد لله أنها منطتش بيها فى النيل .

فتسائل مراد بعدم إستيعاب وقلق:_
_ مش معنى يعنى ...؟

أردف أمجد موضحاوهو يمد يده للمقعد الخلفى ليستل حقيبتها :_
_ حدور على موبايلها وأكيد فيه رقم حد يعرفها ،ولغاية ما يجى حنطلع على البيت عندى وحرن على رنا أختى تفتح لنا

وبينما هو فى عبثه فى قائمة هاتفها وردت له الرسائل والمكالمات الفائتة من صالح المسجل (صالح حبيبى ) و(نيمو) فأعتلت إبتسامة ساخرة على شفتيه وهو ينطق اسمه فأستطرد مراد :_
_ البنات دى كائنات غريبة أوى ،بقى فى واحدة تموت نفسها عشان حبيبها وتموت كافرة

تنهد أمجد بعدم إرتياح وهو يقوس فمه :_
_ ما يمكن فى أسباب تانية أقوى وأشد ولما تفوق حنعرفها

قال مراد بإقتضاب:_
_ كل شيء جايز .

أمام أحدى أقسام القاهرة

خرجت نرمين محملة بالخيبة وهى برفقة صالح ، تلومه عن تخليه عن أختها ،بينما هو غارق فى الخجل من فعلته وتعنيفه الزائد عن الحد لها ،يفكر أين هى الأن ..؟، وأن أصابها مكروه فماذا سيفعل به والدها شاكر الدقاق وزير الداخلية المبجل..؟،وأثناء تطرقهم لهواجسهم الداخلية وصراعاتهم هتفت نرمين بغضب:_
_ أنا بردو مش فاهمة ليه عاملتها بالأسلوب الزفت ده ،ليه حسستها أنها رخيصة ..؟،ده جزات أنها باعت أهلها وكل الدنيا عشانك..؟

رد صالح وهو يشيح ببصره على جانب الطريق الأخر لإحساسه بتأنيب الضمير ولكى يهرب من أعين نرمين العاتبة:_
_ عشان هى غالية عندى أنا محبتش أخسرها أهلها .

ندت من نرمين إبتسامة عابثة مستهترة بحديثه لا تصدقه ،فأوصل بجدية:_
_ يعنى أنا حخسر أيه لما أقولها تعالى عيشي معايا ..؟، وأقضى معاها يومين حلوين زى أى شاب طايــ