حبيبتى المشاكسة بقلم أميرة السمدونى

الفصل 8

فى منزل مراد

كانت ليلى تجهز مشروب "السحلب " الساخن لتدفئة أجسادهم المرتعشة من برودة الطقس ،بينما مراد مع حماته يشاهدون فيلم كلاسيكيا لعمر الشريف وفاتن حمامة ،يسمعه مراد بتكاسل وهو يتثائب ،لينتبه على صغيرته أسيل وهى فى منامتها الزرقاء تطوف حول جدتها مادة بصرها القوى وكأنها تبحث عن شيء ما ،لتسألها جدتها بجدية قلقة ومندهشة لسلوكها الغير إعتيادى:

_ بتدورى على حاجة يا حبيبتى...؟

ردت أسيل بتلقائية وهى تبحث حول الأرائك بفضول :_
_ كرية كرية فين وش كرية التانى

أتسعت حدقتى شكرية بذهول وهى تعنفها جاذبة لها من طرف منامتها بحدة مستفسرة :_
_ أيه قلة الأدب دي مين ال قال قدامك الكلام ده أنطقى يا بت ...!!

كز مراد على أسنانه بخوف من بدء حرب عالمية ثالثة وهو يستأذن للهروب من طريق حماته المتسلطة الدائمة الإفتعال للمشاكل على أقل وأتفه الأشياء :_
_ طيب عن إذنكم حروح أنام بقى

أرمت سيل كلمتها كقنبلة نزع فتيلها لينفجر فى أبوها المسكين :_
_ ميما

همس مرادفى أعماق نفسه "الله يخربيت ميما على سنينها السودا " لتوقفه شكرية وهى تضم يديها فوق صدرها بإمتعاض وتذمر :_
_ نامت عليك حيطة يا عديم الرباية البعيد أيه مفيش ذوق مفيش إحساس مفيش أدب...!!

زفر مراد بغضب لطول لسانها وقسوتها وهو ينادى على زوجته لقضم تلك السخافات :_
_ اللهم طولك يا روح ، ليلــــــــــلى تعالى شوفى أمك

جائتهم ليلى بمريلة المطبخ وفى يديها أحد الصحون المتسخة والإسفنجة متسائلة بإضطراب :_
_ خبر أيه يا جماعة ال حصل لده كله ....؟

أجابت شكرية وهى ترفع حاجبيها بحنق وعتاب عنيف:_
_ جوزك المهزء ال أنا فاتحة له بيته الصايع ال مكنش لاقى اللضا ورضيت بيه قاعد يتنطط وبيغلط فى أمك الست الكبيرة ومش عاملها حساب،صحيح رضينا بالهم والهم مش راضى بينا

لوح مراد بكفه فى الهواء وقد أستنفذت رصيدها لديه بجملتها الاخيرة ليقول فى إنفعال وحدة :_
_ لا ده انتى زودتيها أوووووووووووى ، المهزء ده ال بيدفع لك إيجار كل شهر عشان متمنيش عليه ،المهزء ده فحت فى الصخر عشان ياخد بنتك ،المهزء ده أهله مبيدسوش لبنتك على طرف ،أنتى أيه يا شيخة معقدة..!!،ليه حق جوزك يطلقك من القرف ال شافه

شدته ليلى من ذراعه ليدخل غرفته وهى تحاول إيقافه بلوم على جرأته على والدتها :_
_ عيب كده يا مراد أنت أتجننت أزاى تكلم ماما كده...؟

حدجها مراد بنظرات نارية لعدم إنصافها له ،لكنه لم يعلم بما سيدور عقب مغادرته فليلى لا تريد التقليل من شأن والدتها أمامه فأستفسرت منه بهلع قبل تركه للبيت :_
_ مرااااااااااااااااااااااد رايح فين ...!!