حبيبتى المشاكسة بقلم أميرة السمدونى

الفصل 14

الفصل ال 14
ارائكم مهمة جدا ❤

فى منزل طارق ريمون

مع دقات السابعة صباحا ،وقف أمام مرأته الزجاجية المثبتة على الحائط ،يرجع بالمشط شعره المجعد إلى الوراء ،يوزع قطرات العطر على حليته الزرقاء ،ليتجه بأنظاره إلى زوجته الراقدة على الفراش ،وهو يهزها من أطراف أقدامها بقسوة قائلا:_
_ الساعة سبعة قومى حضرى لى لقمة أكلها على ما أقرأ الجرنان .

ردت عليه وهى تتدثر بغطاء فى تكاسل ظاهرى لكنه شعور بالضيق منه لما فعله معها بليلة الأمس :_
_ علية عندك خليها توضبهولك ،وقولها تعملى فنجان قهوة يظبط لى دماغى

لوى شفتيه بإمتعاض ،وهو يطالعها بلهجة آمرة :_
_ مممم علية مشتها ،قومى يلا عشان متأخر

أردفت وهى تعتدل على السرير بعدم فهم ،تزيح بقايا النوم عن عينيها العسليتين بينما شعرها الغجرى ثائر ليغطى وجهها:_
_ ليه ..؟، صدر منها حاجة مش كويسة ...؟

أجاب وهو يهز كتفيه ببرود:_
_ لا

فستفهمت وهى ترفع حاجبيها:_
_أمال مشتها ليه ..؟

رد عليها وهو يظبط رابطة عنقه بلؤم ممزوج بالإهانة:_
_ كده مزاجى ، وبعدين مفيش خدامة بتخدم خدامة زيها..!

رمقته والنيران تشتعل فى عينيها وهى تغلق عينيها بشدة لترخيهما بعد لحظات لتقول بحدة:_
_ ألزم حدودك وأدبك ،أنت واخدنى من بيت أهلى ست البنات ..

ندت منه ضحكة طويلة ساخرة ،وهو يقترب منها تتجول أصابعه على وجهها الناعم ،كما تلفح أنفاسه الساخنة عيونها ليهمس :_
_ مش أهلك دول ال باعوكى بردو ،يعنى بقيتى بتاعتى ،خدامتى ،المهر والشبكة وكل ده مجرد شيكات فى صفقة ناجحة

نطقت من بين أسنانها البيضاء والدموع تكاد أن تبلل وجنتيها:_
_ بس أنا مش صفقة ناجحة يا طارق ،عارف ليه ..؟

لم يكترث بحديثها ،بل ظل يحدق بجسدهاالنحيل وعلى ساقيها الطويلتين الناعمتين بشكل مثير ، وكأنها ليست زوجته بل مجرد فتاة ليل ،يتعمد إذلالها،أو كقطار شذ عن قضبانه سيعيدها حتما مجددا ،فهو لن يسمح لها بخيانته كما حدث مع أبيه حتى ولو لم يكن ليحبها، بشكل مفاجأ وقفت لتصيح بقوة أمامه :_
_ عشان أنت واخدنى وأنت مبتحبنيش وعارف انى مش بطيقك ،مفيش أى مكسب ممكن أحققهولك ،أتجوزتنى عشان أنت واحد معندهوش شخصية دلدول لأبوك..

صفعها بقوة دون شعور منه وقد أحس إنها ضغطت على موطن ضعفه ،بينما هى تتحسس موضع الضربة تاركة العنان لدموعها لتبلل وجهها الأبيض الجميل :_
_ أخرسي قطع لسانك ،أنا مش دلدلول لحد وقرارتى من دماغى .. مش ضعيف زيك ،وعاجز ، مدافعتش عن حبى ..وأستلسمت لأهلى لما رمونى خدامة عند واحد مبحبهوش