حبيبتى المشاكسة بقلم أميرة السمدونى

الفصل 15

الفصل ال 15

،لا بأس فأمجد سيخرج مع دقات الثانية والنصف من مدرستهم السابقة ،دست حاملة المفاتيح فى اللوحة أمامها وهى تعدل المرأة الامامية لتجد سيارة تقف خلفها ،فتحركت وهى تتابعه لتكتشف أنه يراقبها ،هل ستنجح فى التخلص منه ...؟،دخلت فى شوراع جانبية كثيرة لكنه كان غاية فى الذكاء ،أتصلت بأمجد وهى تعض بصف أسنانها العلوى على شفتيها السفلى خوفا من ردوده القاسية ، جائها صوته الحانى علىالطرف الأخر:_
_ ألووو ..؟

ردت عليه وهى تبتلع ريقها وتقول وكأنها تنزع فتيل قنبلة ما:_
_ أزيك يا أمجد أنا ياسمين كنت عا...

قاطعها بحدة وهو يرفع عنه السماعة:_
_النمرة غلط يا مدام .. لكن أستوقفه بكائها وإرتعاشة أسنانها وتلعثمها:_
_ محتاجة أقابلك ضرورى أرجوك

صمت لثوان ثم أضاف:_
_لو حتقلبى فى الماضى فمتضيعيش وقتك ووقتى

ردت ببرود خلفه شلالات من العتاب على أسلوبه لكن ليس وقته:_
_ متقلقش ،خلينا نتقابل على النيل فى مركب العشاق بتاعة زمان .

أستفسر منها بحيرة وعدم إرتياح:_
_ مش معنى ...؟

أجابت بإقتضاب :_
_ خليك هناك الساعة 2 ،وأنا حاجى 2 ونصف ،لما نتقابل حقولك سلام

فى فيلا الدقاق

وضعت الخادمة على مفرش السفرة أطباق الغذاء الرئيسية المكونة من لحوم ودجاج شهى ،تداعب روائح التوابل أنفوهم ،يأكل شاكر بنهم وهو مقترب بكرسيه إلى الطاولة ذات الأرجل الضخمة ،بينما كريمان لاوية شفتيها بوجوم تعبث بشوكتها بحبيبات الأرز بتململ وكأنها فقدت شهيتها رغم الصنوف المتعددة على المائدة ،قال وهو يبتلع بقايا الطعام :_
_ هتفضلى معتصمة على الاكل كده كتير...؟

تركت الشوكة تماما وهى تعود للخلف متنهدة:_
_ مليش نفس أكل ولا أخرج ولا ألبس ولا أى حاجة وأولادى مش فى حضنى

أخذ نفسا عميقا وهو يقلب بمعلقته حساء الدجاج :_
_ ما أحنا قولنا كده أأمن ليهم

دفنت وجهها الأملس بين كفيها وهى تقول بضجر:_
_ قلبى واكلنى عليهم يا شاكر، نرمين وهزارها ولماضتها وهايدى ورقتها ،كل ركن فى البيت بيفكرنى بيهم عمرهم ما غابوا عن البيت كده .

رد عليها بتهوين وهو يمسح بمنشفة وردية صغيرة فمه ضاحكا:_
_أمال هتعملى أيه لما يتجوزوا ويسبوكى بالشهور ...

رفعت عينيها البنتين وهى تجيب:_
_ من هنا لوقتها يحلها حلال ، خلينا فى دلوقتى كلم شادى خليه يجيب نرمين ويجى ،وهايدى عاوزة أقابلها وأحضنها وأبوسها وأغطيها قبل ما أنام كل يوم

طمئنها وهو يتناول سترته وهاتفه من على الطاولة الصغيرة بجدية:_
_ أعتبريه حصل يا ست الستات ثم استكمل بخبث:_
_بس لو طارق فكر مجرد تفكير أنه يهوب ناحيتهم ،أنا مش حخبيهم تانى أنا حخبيه هو حوديه وراء الشمس