حبيبتى المشاكسة بقلم أميرة السمدونى

الفصل 18

لفصل 18

ظلام الليل تزينه النجوم المتلألأة فى السماء يكتنف الغموض الملازممنذ خروجهم من الكافيه فى إصرار عجيب على القيادة بالرغم من ثورته وغضبه الجارف اللذان يكادان أن يعميانه .تطالع نرمين صور الناس المتنقلة ما بين حزن إلى رجاء إلى فرح المبثوثة عبر النافذة الزجاجية وهى تلوى شفتيها بإنزعاج ،بينما يزفر فى ضيق من تعطل الحركة المرورية وهو يسقط كفه بحدة على المقود ،يود لو أن يطير ليوصلها إلى أهلها لينطلق فى رحلة البحث عن والدته ،لتضيف وهى تضييق عينيها لفتح الموضوع مجددا:_
_ بس أنا مش عاوزة أروح يا شادى ، عاوزة أجى معاك

أردف وهو ينفخ بإنفعال بإستهوانها بالأمر:_
_ تيجى معايا فين ..؟ إذا كان أنا نفسى مش عارف مكانها

علقت ببساطة وتلقائية وبثغر تشع إبتسامته المشرقة:_
_ مش مهم ،لازم نركز على هوية الفاعل دلوقتى ،ومنها نشوف الاماكن ال بيتردد عليها .

سأل بإستهجان وهو يأخذ نفسا عميقا بسخرية ممزوجة بالمرارة:_
_ نركز..!، ومين قالك أنك حتروحى فى حتة ..؟،أقعدى فى بيت أهلك يا نرمين أنا مش ناقص مصايب .

أجابت بتغنج وعتاب وهى ترمقه بخفة عائدة بنظراتها مجددا إلى النافذة:_
_ بقى أنا مصيبة ،مكنش العشم

فتح فمه بإستنكار وقد داعب مرحها قلبه ولامسه:_
_ عشم أيه يا بنتى ده أحنا مكملناش شهر نعرف بعض ،وشكلها معرفة السواد مش هتهدى غير لما تلبسينى فى الحيط

قوست فمها بضجر، وهى ترفع حاجبيها برفض:_
_ حيط عشان عاوزة أبقى جنبك فى الشدايد ومسبكش عشان متنهارش

ضحك بسعادة على سذاجتها وعقلية الفتيات المنصبة حول الإهتمام دائما والتركيز فى التفاصيل:_
_ أنهار ...! الكلام ده كان زمان عند أسامة منير يا حبيبتى ،مينفعش مع ملازم فى الداخلية وبعدين لو مش حعرف أحمى نفسى أستقيل أحسن

عقدت ذراعيها أمام صدرها مقوسة بغضب فمها الوردى وهى تهتف:_
_ حنشوف موضووع الإستقالة مع بابا ما هو أنتوا كده مبتجوش غير بالعين الحمراء

تبادلا الضحك بينما تمسك هاتفها لتحادث أبيها عاد شادى إلى وجومه

بالطابق العلوى من الصرح الطبى

قبضت رنا يديها بشدة وهى تفتحها بإنفعال ،تطالع خطيبها المحترم بغير تصديق ،أيعقل أن أخيها "طارق " كان على صواب ...؟، لاتدرى لكن تلك الإشارات ولغة الأعين بينه وبين ممرضته غير مريحة، بينما يهرب منها بمقلتيه متظاهرا بالإنشغال فى بعض الملفات الطبية العاجلة لحين إنقاذ صالح لهم ،لتمنحه نظرة باردة وهى تجلس قبالته قائلة:_
_ لو أكتشفت أنى بناغش شاب هتعمل أيه..!

رد بإستاء وقد أحس بالصفعة على وجنتيه وهو يثنى الأوراق بحدة:_
_ هفسخ الخطوبة أكيد مش عاوزة كلام .