امال وملاك (مكتملة) (سلسلة كوارث وخبائث المجتمع)

البارت الاول1

احنه خوات اثنين ملاك وامال

انا ملاك الصغيره عمري 18 سنه بس جسمي متناسق ومرتب وبي انوثه وجاذبيه يعني شكلي اكبر من عمري بهواي

طويله شويه وسمنتي معتدله يعني لاضعيفه ولاسمينه عيوني كبار ولونهن اسود ورموش كثيفه بس حلكي صغير ومنفوخ من وحده وشعري طويل ومجعد عكس شعر اختي طويل وسرح

بشرتي بيضه صافيه عبالك حاطه بودر دائماً يكلولي لحد ماضليت امل من هالسؤال ...

انا واختي اليشوفنه ابدددد مايشبه علينه احنه خوات حتى اقاربنه يكولولنه ولاعبالك طالعات من بطن وحده...

امال اختي الجبيره عكسي تماماً نحيفه وكصيره بس نحفها ورشاقتها مو طبيعيه بحيث حتى عظامه مبينه من كد الضعف شكد ماتاكل ماتسمن عيونها صغار ولونهن جوزي وجه صاير بالطول وشفايفه عراض شويه عدها فرگه بين سنونه ولون بشرته حنطي احلى شي بيها شعرها طويل وسرح عكس شعري المجعد..

هيه اكبر مني بسنتين عمرها 20 سنه بس مبين انا اكبر منها بسبب بنيتي الجسديه

بطلت. وتركت الدراسه من الاول متوسط لان البنات يضحكن على جسمه ويصيحلها عود البخور وهيه هواي تضايق وتنجرح بس تكابر وماتضعف كدام احد الوحيده الي جنت احس بيها انا

بحكم انو انا وياها غرفتنه مشتركه دوم اسمعها تبجي بليل واعرف من شنو تبجي

تبجي من شكلها بس ولايوم غارت مني ولاانا ابد احسسها انو انا احلى منها انا وياها نحب بعض هواي

من انا صرت بالاول متوسط وصارت الخطاطيب تتوافد عليه عكسها هيه دخلت المتوسطه وبطلت ومحد اتقدملها وهذا الشي دائماً يخليها حزينه ومنكسره

اي مره تجي وتفتح موضوع الخطوبه الكل يتأكد انو هيه جاي تخطبني ماتخطب اختي

كبرنا انا وياها سوه وجانت بيدها توديني للمدرسه وبيدها ترجعني جان اليشوفني امشي وياها بالابتدائيه يكرصني من خدودي لان اخدودي ورديات ومتفحات ويسئلوها هاي اقاربج تكلهم لااختي....

هواي جنت انزعج من واحد يكلي انتي احلى من اختج لو يكولون لاختي اختج الصغيره احلى منج واتعارك وياهم لان اعرف هالشي راح يضوج اختي وحبيبتي اكثر وحده اعرفها انا تبتسم وتسكت وتروح لغرفتها تبجي وتغسل وجه بلاايه ماحد يشوفها بس انا جنت اعرفها باجيه وانقهر ومرات اكوم ابجي اكول خاف اختي تضل تكرهني وتغار مني...

جنت سادس اعدادي وهاي اخر سنه اليه بالاعداديه بعدها راح اروح لمرحله جديده ومختلفه واختي امال دائماً تشجعني بما انو السادس صعب وانا احيائي وراسي مشيب من التعب بس اعرف الله ميضيع تعبي..

كعدت الصبح صليت واتريكت واكيد امال كاعده قبلي من السته هيه وامي لان بابا يشتغل موظف بمكان بعيد عن بيتنه ويحتاجله وقت حتى يوصل لشغله امي واختي يكعدن وياه من وكت