امال وملاك (مكتملة) (سلسلة كوارث وخبائث المجتمع)

البارت 11

11
خلص الدوام تقريبا واني مرتاحه على الاخير ونفسيتي تمام واجت بنيه كالتلي

-اكول ملاك استاذ عمار يريد يشوفج بالاداره

عصبت وعكدت حواجبي

-وشيريد مني!؟

-ماعرف كالي صيحيلي ملاك احمد سادس احيائي شعبه ب وسئلت البنات ودلوني عليج

شفت البنيه تباوعلي من فوك لجوه ونظراتها استفزازية

عوجت حلكي وكلتلها

-روحي كوليله مالكيتها

وقبل لاتحجي خذيت ايد شمس ومشيت وشمس على وجهه علامات استغراب

-ليش ماقبلتي ترحين يجوز يريد منج شي ضروري

-هااا مو تدرين بيه اني استحي اقابله بوحدي

-اممم بس تعرفين البنيه هاي اني مارتاحيتلها تباوعلج بعين الغضب

-شنو عيني قاتله ابوها اني

-هههه والله ماعرف

دك الجرس وصار الدرس الاخير وخلص ورجعت للبيت

وتلكتني امال

-هلااا حبيبتي فوتي غسلي وبدلي وتعاي مسويتلج برياني تاكلين اصابعج وراه

حضنتها وكتلها

-شكراا حبيبتي اموواح

وماما فرحانه لان اتصالحنه وتكول ربي يبعد عنجن العين ويحرسجن

رحت لغرفتي بدلت ملابسي وصليت وقبل لا روح اتغده رحت ع تلفوني استغربت مابي خط والفايبر محذوف عجييب معقوله امال بعدها شاكه بيه

طلعت وانا مزعوجه شفتها جاي تصب وماما بغرفتها منتظره بابا يجي من الشغل ويتغدون سوه عادتهم مثل كل يوم

كعدنه انا وياها ناكل وهيه ابتسامتها من الاذن للاذن

-اكول امال انتي ماخذه خطي وماسحه الفايبر

-هاا اي اني

-طيب ليش امال انتي بعدج شاكه بيه صدكيني بعد ماعيدها ليش فقدتي ثقتج بيه

حجيتها ودموعي نزلن

-حبيبتي اني ماشاكه بيج صدكيني بالعكس اثق بيج ثقه عمياء بس استاذج القذر هذا أريد انتقم منه شر انتقام وانتي عندج بكلوريا وامتحانات ماحبيت اشغلج بهالمواضيع

وحتى ماتشغلين بالج خذيت شريحتج وخليتها بجهازي ونقلت الفايبر هم وحذفته من يمج أفضل الج والله

الا اذا انتي ماتردني أادبه واسويله كرصة اذن حتى مايحتك بيج بعد

كدرت تقنعني بكلامها وجاوبتها

-لا حبي سوي اليعجبج واذا تردين اخذي جهازي كله واأدبي لهذا الحقير

شفتها ابتسمت ودنكت تاكل