7
دخلت للبيت وهم لاكتني الورده اووف الضاهر هالورده صارت جزء من يومي كل يوم اسقيها واحاجيها بس هالمره كلمتها بعيوني عيوني المليانه الم ودموع وخذلان ماكدرت احجي احس كل الكلام طار من لساني نزلت دموعي بحرگه على خدودي وهيه تحجي كلشي تحجي الي عشته اليوم الصبح بالمدرسه من الم وخوف ورعب كان كفيل بأن ينهي حياتي استاذ عمار بكل بساطه راد يغتصبني بس رب العالمين نجاني من عنده واقتصر بس على التحرش اووف تاليتني هيج يصير بيه من وره غبائي
امال
طبخت الغده وخلصت كلت خل اروح للحديقه اسمع الاذان مال الضهر اذن لو بعده وشفت ملاك بهدوم المدرسه واكفه كدام الحديقه مالتنه وعيونها على الورده وتبجي شبيها هاي اكيد صاير وياها شي اجيت اروح احاجيها بس وعيت على روحي انا متزاعله وياها وبقيت واكفه اراقبها بهدوء
.
.
.
حسيت على روحي من وجع رجليه صار هواي واكفه اجيت ادخل وتفاجأت امال واكفه يم الباب تباوع علي بأستغراب تبلعمت بس ماهتميتلها رحت دخلت لغرفتي وحتى امي ماشفتها قفلت الباب وبدلت هدومي وغسلت وجهي ورحت كبل للجهاز شفت استاذ عمار دازلي رساله على الفايبر قريتها وكمت ارجف من الخوف ودموعي تجري انا شسويت بروحي وشراح يخلصني من هاللانسان
امال
الفضول كتلني وموتني اريد اعرف شبيها ملاك؟!
رحت كلت لامي ماكو غيرها تحجي وياها وتعرف شبيها رحت كلتلها على الشفته بالحديقه
-شنووو يمه شبيها اختج ماعرفتي من عدها شبيها
-لا والله يمه تدرين بيه مااحاجيها وحتى لو حاجيتها متأكده راح تفشلني وتجرحني بالكلام
-اووف ماشي خل اشوفها اني
فرحت من شفت امي راحت لغرفة ملاك واخيراً راح اعرف شنو السالفه كمت توضيت وصليت
.
.
.
دموعي تصب من الرساله القريتها الضاهر هذا ماراح يتركني بحالي وين اروح يالله مالي غيرك اتجهله واشكيله همي استاذ عمار ناوي يستغلني ابشع استغلال اااخ وين ذبيت روحي انا
حسيت امي دخلت عليه ضميت الجهاز بلمح البصر وكمت امسح بوجهي على اساس ماكو شي
-هاا يمه شبيها عيونج شو جنها باجيه
-لالا يمه مابيه شي هيج
-شنو يمه هيج اختج شايفتج تبجين بالحديقه وهسه هم دفهميني شصاير
اووف منج ياامال ماتضمين سالفه
-يمه الاستاذ كال اغلب الطلاب مال الشعبه ماراح يدخلون وزاري السنه وانا هواي خايفه خاف انا وحده منهم
-يااا كولي ياالله يايمه شنو هالحجي انتي مجتهده وشاطره وكل المدرسه تشهد وان شاءالله تدخلين وزاري ماكو داعي للخوف والبجي يايمه
أنت تقرأ
امال وملاك (مكتملة) (سلسلة كوارث وخبائث المجتمع)
De Todo(سلسله خبائث وكوارث المجتمع) بالهجة العراقية ملخص القصة (فتاة تتعرض للأبتزاز والتحرش من قبل أستاذها بالمدرسة وتقرر أختها الكبرى الانتقام منه من خلال إنشاء علاقة غرامية معه وتتوالى الأحداث....) مجموعة قصص منقوله من واقع المجتمعات وشخصيات خيالية اول ا...
