امال وملاك (مكتملة) (سلسلة كوارث وخبائث المجتمع)

البارت 23

اريج

جنت كاعده بغرفتي كالعاده اكلب بالتلفون ودخلت عليه امينه

-اريج اني رايحه لنوره

-شكو خير ماصار يومين من شفتيها

-اي اعرف بس هيج ضايجه شويه ليش ماتجين انتي وياي

-طيب عوفج من نوره وخل نروح لبيت عمي ابو رامي نشوف فطومه هواي مشتاقتلها

-اففف والله مالي خلك اشوف رامي الغثه معدتي تكوم تكلب بس اشوفه

-ههههه ليش ولج الولد شمسويلج بس أريد اعرف

-هيج مامسوي شي بس مااطيقه

-لاتخافين مسافرين هوه وابوه وبس فاطمه وعمتي سعاد بالبيت

-اممم اوك يلا لعد نروح نشوفهم نكعد ساعه ونرجع

-لا عيب نتعشه عدهم ويجوز نبات هم

-عشه اي بس نبات لا ام كمال نعوفها بوحدها يعني

-ماعليها شي الحراس موجودين داير البيت وهيه ليله وحده

-اووك ماكو مشكله يلا بدلي وانا جوه منتظرتج بالسياره

-اوك

كامت اريج بدلت وسلمت على أم كمال وطلعت ركبت بسيارة امينه وانطلقن لبيت عمهن...

ملاك

كاعده بغرفتي بنفس ملابسي الي اجيت بيهن مابدلتهن وصافنه بالفراغ بعد الي صار اواجهه امال لو لا؟؟

اذا واجهتها هسه راح تبررللي وتكول يحبني واجه خطبني

واذا ماواجهتها راح يبقى الموضوع ياكل ويشرب وياي وما راح ارتاح

راح اواجهه واليصير خل يصير

رحت اتصنت يم باب الغرفة سمعت اصواتهم طلعو

رحت بدلت ملابسي بس بنرفزة وروحي ماطايقتها واندك الباب جنت مخلصه تبديل وشايله ملابسي الي نزعتهن كلت اتفضل دخلت عليه امال

-شنو ماكو مبروك مو انتي اختي ولزوم تفرحيلي بهيج مناسبه

ذبيت الملابس الي جانن بيدي ع الجربايه

-على شنو افرحلج ست امال

-على خطوبتي من استاذج عماار

-اها اممم والله يااختي المصونة انا جنت راح افرحلج لو جانت خطوبتج طاهره وشريفة

-شتقصديين؟؟!

كعدت ع الجربايه وخليت رجل على رجل

-قصدي واضح

-لا مو واضح وضحي أكثر اها عرفت تقصدين لان جان بينه انا وعمار رسائل ومكالمات تره الحب لاعيب ولا حرام وشفتي بعينج اجه خطبني وراح يصير كلشي بينه رسمي وكدام الناس