امال وملاك (مكتملة) (سلسلة كوارث وخبائث المجتمع)

البارت 24

24
سمعنه صوت الباب يندك بس عود شنو انهبطنه عبالك جايه مداهمه على بيتنه الباب أتفلش تفليش

وامي خافت كامت تصيح ياربي سترك منو هذا الفلش الباب

ركضت ام تيم فتحت الباب ودخل عمار عيونه بكصته انطته ام تيم غمه بكصته

-امداك اي والله شمالك كسرت الباب هم حاسب روحك عريس طاح حضك

-وخري عني

دفع ام تيم ودخل علينه كنه انا وشمس لابسين حجاب

جان داخل متحامي على امال بس من شاف بابا رجع ليوره

-خير ابني شكو

-جاي اخذ مرتي

-ماعندك مره عدنه امشي اطلع بره

انصدمنه كلنه من ردة فعل بابا بس حقه هذا مو اسلوب مال مدرس مثقف وين عايشين احنه اكو عريس هيج يسوي بيوم عرسه بقينه انا وشمس وامي وام تيم وحده تباوع بوجه الثانيه وامال بس اتباوع ماكدرت افسر نظراتها بابا جان بقمة عصبيته اول مره اشوفه هيج

-شنو انته ماخذ فصلية مو بنت ناس وعالم محترمين اهلك ماعلموك الاصول ماربوك زين ماتشرف انطي بنتي لواحد مثلك همجي وعار امشي اطلع بره وقبل لاتمشي ارمي يمين الطلاق على بنتي والشكم فلس المنيت بيهن علينه تاخذهن ع القندرة

عزززه بابا طلع من طوره وعمار عيونه تجدح خفت لايحجي شي وكمت اعصر بأيد شمس من الخوف والتوتر وشمس تهمس بأذني اهدي ولج شمالج والي خفت منه صار

-لا صدك خاف احجي وماتقبل وانا هم مااتشرف بيكم ولا ابنتك العايبه خل تضل على گلبك

-احترم نفسك لك بنتي أشرف منك ابميت مره ياسافل

اعتلى صوت بابا كلش وكام يرعد وعمار مبتسم لان استفزه قررت اتدخل قبل لا عمار يوضح السالفه اكثر ويصير على بابا شي

- بابا فدوه اهدى هالحقير مايستاهل عصبيتك هاي كلها امشي طلع بره ووووللك

شمس: استاذ عمار لو سمحت اطلع بره

-هههههه طالع لسانج ولله شمس

-انجب وامشي اطلع بره

-لا وتجاوزين هم لج هذا لسانج الا اكصه

رفع ايده اجه يضرب شمس بس بابا لزمه وشمس رجعت ليوره

جان اقوى من ابوي ودفعه ووكعه بالكاع ركضن على بابا امي وام تيم وامال كومنه

وانا كمت اضرب بعمار على صدره كل قوتي

الا ابوي هان كرامته وذله وبنص بيتنه

-اطلع بره ياسافل ياحقير اطلع بررره

لزم اديه وكام يتلاوه وياي وشمس كامت تضرب بيه وتخرمش بوجهه