10
امال
رجعت للغرفه ولكيتها مقفوله دكيت الباب وفتحته الي ملاك وهيه حالتها يرثى لها واجت توكع ولزمتها
-لج هاي شبيج سندي روحج
وصلتها للجربايه وكعدتها عليها وكتلها
-انتظريني اجيبلج ماي واجي
حجت بصوت كوه ينسمع
-لاماريد شي
-شمالج ماتكليلي شنو يوجعج قبل شويه ماجان بيج شي شجاج
-كلبي امال كلبي يدك بسرعه احسه راح يوكف
-مابيج شي بس اهدي شويه وخلينه نفكر بحل لهالمشكله الورطتينه بيها
-امال فدوه اوكفي وياي لاتركيني ماعندي شخص غيرج انسند علي فدوه رحتلج
-ماشي ماشي نامي هسه لانوب يوكف كلبج ونحير بيج
غمضت عيوني ال نشفت من الدموع كوه ومخليه ايدي على كلبي وسمعت امال تكول
- هوه هذا استاذج الشفيه ع الفايبر اسمه عشك اخضر
فتحت اعيوني كوه وشفتها تكلب بتلفوني هزيت براسي اي
امال
شفت المراسلات كلها بين الاستاذ وملاك وشفت صورته فد حلو بشكل وانيق كلت بكلبي والله حضج يملاك كاعد
راسلته على اساس اني ملاك ماعرف ليش بس شعور بداخلي كال راسلي وراسلته
💬الوو
وره ثواني معدوده رد
💬الوو هلا ملوكتي
امم النوب يكلها ملوكتي الفاسق سكتت وحرت شرد علي رجع هوه كتب مره ثانيه
💬الضاهر هدت اعصابج وفكرتي زين بكلامي
ملاك حجتلي كلشي عن الكلام الكاله ف حبيت اسايره
💬اي استاذ فكرت وشفتها هواي صعبه
💬ملوكه وداعتج مو صعبه وعيونج الحلوه اني رايدج بالحلال وبس تخلصين امتحانات اخطبج ونتزوج واعيشج ملكه
💬لعد ليش منخلي هالسوالف وره العرس وهسه نكضيها تعارف على بعض
💬اممم ماعرف شكول ملوكتي اني اعشقج وماكدر الزم روحي عنج صدكيني مشاعري مو بيدي
💬لاتكدر انته بس جرب وبعدها صدك راح تمل مني
💬ههه ولج اني امل منج امل من روحي وماملج كبدي انتي
ارتاحيت هواي بالكلام وياه وصدكت روحي اني ملاك وعشت لحظات الغزل والكلام الحلو الي يكوله عبالك اليه مو لأختي
كلماته أبالي وحفظتهن كلهن(ملوكتي كبدي حياتي فدوه لوجهج اموت على ربج خدودج الكيمر ارد اكل منهن ...)
أنت تقرأ
امال وملاك (مكتملة) (سلسلة كوارث وخبائث المجتمع)
De Todo(سلسله خبائث وكوارث المجتمع) بالهجة العراقية ملخص القصة (فتاة تتعرض للأبتزاز والتحرش من قبل أستاذها بالمدرسة وتقرر أختها الكبرى الانتقام منه من خلال إنشاء علاقة غرامية معه وتتوالى الأحداث....) مجموعة قصص منقوله من واقع المجتمعات وشخصيات خيالية اول ا...
