امال وملاك (مكتملة) (سلسلة كوارث وخبائث المجتمع)

البارت 15

مرحبا احبابي اعتذر عن التأخير هالبارت كاتبته من زمان بس ما نشرته بسبب قلة التفاعل بس هسه اجه وقته

انتظروني بالأيام الجايه وتحملوني بس بهالاسبوع وراها راح ارجع التزم بالنشر وكل يوم بارت لحد مانكمل القصه بتفاعلكم طبعا❤

#حوراء_علي
.
.
.
.
.
.
.
.
.
.
.
.
.
.

15
شمس

بعد ما رجعت البارحه بليل من المستشفى جنت حيل تعبانه سبحت ونمت وماحسيت على روحي الا مرت ابوي فليحه تكعد بيه

-شميسه ولج شمس لو اعرف منو سماج شمس وانتي سوده مصخمه

رفعت راسي كوه من المخده احسه يريد ينفجر وهاي جايتني من الصباحيات بكرشها الطالع متر ليكدام ووجهه الاسمر الي كله دكات خضر اليشوفها يكول عجوز بالخمسين بس الحقيقه هي عمرها نهاية الثلاثينات اجيت انفجر عليها بس مالي خلكها

-شرايده ماتخلين واحد يرتاح

-الراحه منين تجي منج من امج

من سمعت طاري امي عدلت كعدتي ولميت شعري الجان نازل على وجهي ورديت عليها

-ليش شبيها امي

-حريشي مابيها تخربط ضغطها وبهاء خذاها للمستشفى

-شنووو

فزيت من الفراش رحت ركض لغرفة محمد وگلبي احسه راح يوكف من الخوف على امي

بس لكيته ما موجود طلعت من الغرفه ورجعت لفليحه لكيتها رايحه للمطبخ تسوي جاي

-فليحه كليلي يامستشفى خذيتوها

-ولج فليحه شنو اوكفي اعوج واحجي عدل الف مره كتلج لاصيحيلي بأسمي

اووف هسه انا بيا حال وهاي تتفلسف براسي

-خلص خاله فدوه روحلج كوليلي يامستشفى خذاها بهاء

تخوصرتلي ووعوجت حلكها
-يامستشفى عيوني هوه ضغطها صاعد ماعرف نازل واكيد تلكيهم بالمستوصف 

اول ما خلصت جملتها انفتح الباب ودخل بهاء وهوه لازم ايد امي وكوه يمشيها وبيدها مغذي

رحت على السريع حضنتها وابجي

-ماما فدوه رحتلج بيه ولابيج

بهاء:لاتخافين مابيها شي خل ندخلها لغرفتها

دخلنها لغرفتها ومددناها على الجربايه عمت عيني ماحجت ولا حجايه من طلعنه من الغرفه حتى نخليها ترتاح سألت بهاء

-بهاء شبيها امي ليش ماتحجي

-مابيها شي بس تعبانه شويه خليها ترتاح ولحد يزعجها بعد شوي من ارجع من الشركه اجيبلها العلاج حتى تتغده وتاخذه ديربالج عليها

-ماشي

طلع بهاء وباوعت للساعه جانت ب١٠ اوو اول مره هيج اتأخر بالنومه بالعاده فليحه بالسته تكعدني عبالك نسرح بالصخول