امال وملاك (مكتملة) (سلسلة كوارث وخبائث المجتمع)

البارت 16

16

امال

كاعده بالصاله الي تقريبا بكد بيتنه واكبر والقنفات الراقيه العربية محاوطتني والريحه الطيبه مال بيتهم الي تخلي النفس ترتاح

جنت كاعده ابيت عمار بالبيت مال حبيب قلبي الي حبيته ومحد ملى عيني غيره هوه جنت متخبله بعشكه ومستعده انفذله اليريده بس يبقى وياي

اديه ترجف وكصتي تتصبب عرك وامسح بيها على العلم الصالة جانت ثلج بسبب التبريد المركزي الي مخلينه بيها بس جنت متوتره حيل وانا اباوع لعمار كاعد كبالي

احس بي مريض أو شي ووضعه مو تمام كاعد ومدنك راسه ماحجه وياي اي كلمة من دخلت قبل ربع ساعه لحد هسه

حايره شلون افتح موضوع وياه واقنعه يتزوجني  طلعت الكلمات كوه مني وكتله

-ااا عمار انته لو تدخل بگلبي وتعرف شكد احبك

نزلت دموعي بلا وعي مني وكملت كلامي

-انا عشقتك ومستعده اموت علمودك اقتل نفسي واتخلى عن احبابي بس أنته لاتعوفني ولاتبعد عني ماكدر على فراكك اني رايدتك زوج وصديق وحبيب وأهل رايدتك تكون حياتي كلها وانا قابله بيك شما كنت بس تكون وياي مارايده بعد اي شي اترجاك عمار لاتجرحني والله اقتل نفسي اذا تركتني والله شوفني كدامك عفت كلشي وره ضهري واجيتك وماهتميت لأي واحد ولا بالعواقب لان ردت بس اشوفك واطمن عليك

رفع وجهه وصارت عينه بعيني جان وجه احمر وعيونه تدمع وشعره مبعثر ونازل على كصته حجه بعصبيه بس بنبره هادئه

-ليش ليش انتي مو ملاك ليييييش

بده صوته يرتفع ذبيت نفسي كدامه ع الكاع ولزمت ايده

-لان ملاك ماتحبك ماتريدك تشوف دمها ولاتشوفك

-ليييش كليلي لييش لان حبيتها أكثر من روحي لان اتعلقت بيها وكمت ماشوف غيرها بالدنيا لييش

-لااا انته غلطان افتح عينك عدل وراح تشوف

راح تشوف اكو بنيه صغيره وحلوه وتموت بيك ومستعده اسويلك كلشي بس كون ترضى عليها بلااياك دنيتها ضلمه وبوجودك حياتها يصير الها طعم

-شنو شفتي مني وحبيتني هالحب هذا كله هااا  شنوو شفتي

-شفت كلشي حلو بيك اول مره شفت صورتك بيها بجهاز ملاك وانته دخلت گلبي وتربعت علي كلامك الحلو وحبك وجنونك عليه من كنه نتواصل

-بسسج كافي تعرفين كلش زين هالكلام ماجان الج ولا المشاعر ولا حبي كله جان لااختج

-ايي اعرف اعرف كولش زين بس جنت عايشه بأحلامي وطايره بيها مثل الحمامه وجنت اجذب على روحي واكول هوه يحبني الي انا يريدني انا

-لاااا

وكف بعصبيه ووخر عني وانا بقيت على كعدتي ابجي

-ومنو يكول مو انتي جذابه هااا منووو منو يكول مو ملاك تحبني وتريدني وانتي الي بعدتيني عنها حرمتيني منها