امال وملاك (مكتملة) (سلسلة كوارث وخبائث المجتمع)

البارت الثاني 2

اخذنه استاذ عمار بالدرس الاخير هم بحكم انو احنه بكلوريا ومتأخرين كلش كمت مركزه وياه وعلى حركاته يالله هذا صدك عينه مني شو يباوعلي ويبتسم خلص الدرس كله

والبنات يباوعلي بطرف عينهن كام العرق يكت مني امسح بي وماكو رجعت للبيت كلش متضايقه وبودي ابجي اول مادخلت للحديقه شفت الورده وكلتله

طلعت منج متفائله ورجعت حزينه اوووف ياربي

دخلت لجوه لكيت امي واكفه بالمطبخ داسوي غده وامال بغرفتنه دخلت شمرت الجنطه على سريري بعد ماكلت السلام عليكم وامال جانت تخيط بملابسها

شافتني مو على بعضي كامت وكفت يمي

-خير لج شكو

-شكو يعني ماكو شي

-يااا مو من عوايدج اول ماترجعين للمدرسه تتمددين الي اعرفه تسبحين وتصلين وتغسلين ملابسج وتتغدين مو هوه هذا نظامج شعجب اليوم

اي والله جنت يوميه هيج اسوي بس اليوم رجعت ضايجه ومالي خلك

-هاا اي صح هسه اكوم

-للج ملوكه انا اختج الجبيره يولي مستودع اسرارج احجيلي ولاتحاولين تظمين عني شي دارختج انا

هيه حجت هيج وانا شمرت روحي بحضنها وكمت ابجي واشهك

-لالالا هاي شنو شبيج ولج احجي شصاير خرعتيني

حجيتله كل الصار ضحكت وكامت تصفك بأديها وانطتني غمه بالكصه👐

-ههههههه هوه هذا الصار من امدداااج

-ليش هيج تغميني يعني هالشي قليل

-لج ياثوله جاي تكولين الاستاذ سنه ونص يدرسني وهوه عينه مني يعني اجه حاجاج وصارحج كلج انا معجب بيج

-لا

-زين فد يوم سوالج شغله مو راحه لو سمعج حجي

-لا ابد

-زين فد يوم اتحرش بيج لو طلب يختلي بيج

-لا والله

-لعد ياغبيه شمالج مكبره السالفه وجاي تتبكبكين يمي يعني بس لان سمعتي البنات يحجن انتي تعرفين حجي الناس مايخلص وهذني مقهورات منج شمالج تبقين طول عمرج ثوله

-زين اسمعيني صح هوه خوش استاذ ولااعترفلي ولاصارحني ومافد يوم سمعني حجايه لو اتحرش بيه بس افرضي طلع كلامهن صحيح شلون ويطلع صدك رايدني النوب يتقدملي وانا ارفضه اكييد راح يتعاده وياي ويرسبني ويحجي براس المدرسين ويرسبوني

-اففف من امداج وانتي شمدريج يعترفلج بالمدرسه ويجوز بعد متخلصين امتحانات يجي يتقدملج وانتي راح تكونين بغير مرحله ومخلصه امتحاناتج وحتى لو اجه واتقدملج قبل الامتحانات ابقي سايري لمن تخلصين امتحاناتج وعود نتصرف وياه وحتى لو خطبج قبل الامتحانات على حسب كلامج انتي مدرس وحلو ومثقف وماينطي مجال للبنات ليش متقبلين بي وهوه مدرسج وابد مافد.يوم اتعده حدوده وياج....

كلام امال طمني هواي صدك والله الكالته صح كمت سبحت واتغديت وخلصت صلاتي وخذيتلي قيلوله كعدت العصر لكيت امال معدله روحها وخليه مكياج خفيف على غير عادتها يعني

-هاا ولج راح يجوج خطابه وانا مدري شعندج عادله روحج

-هخخخ لاولج مو هيج بس جوارينه الجدد هسه العصريه حابين يسيرون علينه ويشربون جاي يمنه تعارف يعني

-اممم اوك خل اكوم اعدل روحي لعد

حسيته تضايقت مبين متريدهم يشوفوني اكيد عدهم ولد بعدهم عزابيه افهمها لاامال اختي كولش زين خطيه مفكره روحها انو هيه عنست وهيه بعدها عشرين سنه وانا كمت مشطت شعري واتعطرت وكعدت بغرفتي اراجع عرفت جوارينه اجت بس مارحت كعدت وياهم علمود امال

كعدت اقره واشوف امال كلساع جايه عادله روحها بالمرايه وطالعه تركض هههه يالله هالبنيه تخبلت

وشويه سمعت امي صاحتني تعاي يمه ملاك

-افف ياربي والله ماودي اطلع بس عيب افشل امي رحت لكيتهم فارشين وكاعدين بالحديقه وامال ابتسامته من الاذن للاذن

اول ماوصلت اكو مريه شويه جبيره بالعمر وياها بنيه تقريباً بالثلاثينات كامن يصلن على النبي من شافني خجلت سلمت عليهن وامي عرفتهن عليه كالتلهم هاي بنتي الصغيره ملاك يمه ملاك هاي جوارينه ام مهدي وهاي جنته ام زينه

كلتلهم اتشرفت بمعرفتكم كالت ام مهدي صلوات اسم على مسمى صدك ملاك شفت امال عقجت وجهه اتشكرت من المره وكعدت جوه اقره وره ربع ساعه اجت امال دخلت للغرفه وكامت تتأفف عرفته ضايجه مني

-خير امال شبيج حبيبتي

-يعني على اساس ماتعرفين شبيه كان لزوم تطلعين يعني؟؟؟! مو جنتي كاعده بغرفتج لويش طلعتي!!!؟

استغربت حييل من ردت فعلها معقوله هاي امال الي جاي تحجي وياي

-امال ليش هيج تحجين وياي بنتر عبالك انا عدوتج تره انا اختج واحبج ولاممكن فد يوم اوكف بوجه قسمتج انتي اكبر مني لزوم يكون تفكيرج راقي ومثقف لاتنسين الزواج قسمه ونصيب مو بالغصب وتره انا ماطلعت حتى اعرض روحي كدام ام مهدي حتى يكون بعلمج امي صاحتني وماحبيت افشله وطلعت وانتي شدعوه عليج هيج ذابه روحج عليهم تره ثكل البنيه واخلاقها ابد مافد يوم جانن سبب بتأخير الزواج لابالعكس خل يكون بعلمج الخفه ابد مو حلوه

-انتي جاي تعلميني الاخلاق شوفي تره احنه تربينه على ايد نفس الام فـ ماكو داعي ياحبيبتي تسوين روحج احسن مني وانا مو متضايقه لان انتي احلى مني وماردتج تطلعين حتى ام مهدي لاتشوفج وتنعجب بيج لاعيني انتي غلطانه اني تفكيري اكبر من هيج بهواي

ضحكت ضحكه استفزازيه

-طيب اذا كلامج صحيح شنو لازمته هالحجي وهالعصبيه مالتج وكلساع جايه معدله روحج وطالعه

-هذا الشي ميخصج ابداً خليج بدراستج وبس.....

خلت وطلعت هزيت ايدي وحتى الكتاب شمرته وضاع واهسي اقره من وراها عود صدك تحجي ؟؟! هاي مو اختي امال اختي امال طيبه وحنونه وابد مافد يوم غارت مني وهاي انسانه ثانيه اووف ليش هيج امال ليش تخلين كل خوفي يصير حقيقه

جنت دائماً اخاف انو يجي يوم واختي تضل تكرهني وتغار مني والضاهر هاليوم اجه

قطعت سلسلة افكاري امي فتحت الباب ودخلت واجت كعدت يمي عرفتها تريد تحجي شي ...

يتبع......