امال وملاك (مكتملة) (سلسلة كوارث وخبائث المجتمع)

البارت 25 والأخير

25
اريج

كاعدة ع نفس الطاولة الي كعدنه عليها قبل سنتين صح الطاولات مال الكافيه مغيريها كلها بس على حطتهن

ونفس المكان الي بجانبه نخله وكعدت انتظر محمد

جنت متوتره هواي وخايفة من ردة فعله على قصتي القديمة

شي اكيد ماراح ابدي علاقة جديدة بحياتي بالكذب مستحيل

راح اسولفله كلشي وادوس على مشاعري واذا ماتقبلني مثل ما اني ف هوه من الأصل مايحبني

مو يكولون العاشق مايشوف عيوب معشوقه ؟؟

وانا زواجي السري قبل سبع سنوات وانا طفله مراهقه هوه هذا عيبي الوحيد

وره شويه وانا غاركه بتفكيري شفته من بعيد دخل بزي رسمي اسود ولابس نظارات

هيبة وشخصية على كولت امينة هههه يمه ودي اكوم افكس اعيونهن الكاعدات بالكافيه اكلنه اكل بعيونهن

تقرب مني وسلم عليه ريحت عطره مميزه جدا

على العلم عندي مجموعة عطور فرنسية وايطالية بس هالرائحة مميزة ومختلفة عن كل العطور

خجلانه هواي من نظراته وغمزاته عززه شكد جريئ واني ميته بدمي منه

-شلونج اريجتي شخبارج

-هههه زينة الحمدالله

-عساج بخير

-انته شلونك محمد

-من شفتج الا صرت زين ياراحتي النفسية

-ههههههه تعرف هواي احب غزل كلمات الأغاني هذا

-اها بس ماتصدكين اذا اكلج اني بحياتي ماسامع اغاني الا مرات قليلة بالصدفة وهالحجايه جانت طالعه من گلبي

-يدووم نبض گلبك

-يدوومج الي

لمس ايدي بحنية اول مرة بعمري احسها ولمن باوعت بعيونه شفت صدق مشاعر بيهن لذالك ماترددت ولا لحظة انو اني هم اكون صادقه وياه

سحبت ايدي منه وباوعت بيه بجدية

-محمد اني وياك علاقة جدية ونهايتها زواج مو علاقة لعب وشكم يوم مو صح

-طبعاً اريج لعد شحسبالج اني حجيت وي اهلي ونهاية هالاسبوع ان شاء الله راح اتقدم لخطبتج ونعقد عقد شيخ بس الزواج راح نتأخر بيه شويه

-دقيقة محمد انته هالشغلات مالزوم تقررهن وحدك الصحيح انو تناقشهن وياي

-اي صح بس يعني هاي شغلات استثنائية وشما استعجلنه بالخطوبة والعقد يكون احسن

-اي صح واني ماعندي مانع بس لزوم نعرف كلشي عن بعض قبل هيج

-ههههه شنو اريج انتي ماتعرفيني يعني لو اني ماعرفج حبيبتي احنه نعرف بعض كلش زين وان شاء الله راح نتعرف اكثر واكثر عن بعض بالفترة الجايه