Hunyo 29, 2014
Pasado alas-siyete y medya, umalis na ako sa Bautista. Nag-worry ako sa alaga ko. Baka hindi pa nag-almusal. Di rin kasi nag-aalmusal si Epr bago umalis. Pagdating ko naman, alas-nuwebe na, nag-almusal na raw siya.
Nag-update ako sa Wattpad ko. Natutuwa ako dahil malapit na naman mag-3000 reads ang 'Red Diary' ko. Ang 'Pagsubok' naman ay may humihingi ng next chapter, kaya sinisimulan ko na ang Chapter 10. Tinuloy ko rin ang Chapter 9 ng Dumb Found para naman sa RED_PEN blog ko.
Umalis si Eking kaya nasolo ko ang bahay. Gabi naman dumating si Epr, kaya nakapaglinis din ako ng konti at nakaidlip. Very productive na ang araw ko.