مشوار امي

بدايه

بدايه
يمه رايحه للسوك موتفتحون لباب لكمن كان وصوتجن مايعله انتن شابات

حمودي يلا يمه امشينه نروح كبل الضهر

سدينه الباب وره امي وكعدنه بالطارمه فاطمه جاي تثرم بصل واحنه مخلين لعاباتنه ونلعب
محمد كاعد بحضن عبير جان منشول وخشمه يصب
والذبان ملتم على وجه وانه من الصبح كعدت ولهسه مامغسله حمت الجاي زهراء وخلت يمنه خبز مكله
امي مسويته وجاي والذبان هواي بالطارمه حاره
وكهرباء ماكو

شفت رقيه مدري شنو مخليه وراها وراحت تركض للحديقه

شوي وسمعناها تصرخ وتصيح على فاطمه

ولج فاطمه لحكيني لحكوني رحنه نركض
شفنه النار مشتعله بيه والتنور الطين مشتعل

كمنه نصرخ ومانعرف شنو نسوي زهراء جابت كدر
بي ماي من المطبخ وطفت النار الي بيه

ملابسه لازكه ويا الجلب طاحت وانغمه عليه خفنه
نطلع ونصيح لواحد خاف يعرف امي موهنا

جابت فاطمه بطانيه وغطته وبقينه بالطارمه نتاني امي

صحت رقيه وتحجي بتقطيع
والله ماردت خبز مكله اخذت روايه وردت اخبز والنفط انصب على ملابسي وحركني

.....يتبع