جوري

البارت الثالث

الجزء الثالث

صاحوني اروح اكل كعدت واني دمعتي مناشفة اجة رجال ينطي شبه لابوية بس اكبر منة والشيب الي براسة اكثر الي عرفتة هذا عمي
- بنيتي ليش تبجين انتي موبيت غريب انتي ابيت اهلج
-اهلي !! همة وينهم اهلي ؟؟ اكيد قلقين علية هسة اروحلك فدوة رجعني الهم الشي البينك وبين ابوية مو ذنبي
- ميخالف بنتي هسة اكيد ابوج جاي ونتفاهم ويا
اكليلج لگمة وارتاحي ويجيج الصافي
شوية وسمعنة هورنات وهوسة وعرفت اهلي واخواني اجوي
اريد اگوم من مكاني گال عمي كعدي وسكتي مااريدج اطلعين
كعدة زلم متدخلهة ولامرة منچن
كعدت واني على نار انتظر ،، مرت عمي كل ساع تذبلي حچي وكل ساع تسمعني كلام مسموم
اجتي بتهم وحجت على امهة
- يمة شبيج چلبتي وية البنية ،، چا شلقصة هي شعليهة
- من ريحت ابوهة ابو المصايب يومية مدهربنة طلابة شكل
شوية واجة ولد يشبه الولد الي جابني من بغداد بس اصغر واضعف كال
- يمة حطو على راسهة شي وخل تدخل يم الزلم يردوهة
ركضت مها وجابتلي شال لبستة وفتت للاستقبال مالتهم واني فرحانة واحمد الله لان خلصت السالفة
- بابا ،، بابا اجيت علية ،، جنت حاسة انو انتو مراح تعوفوني يلا بابا اخذني منا بسرعة بعد مابية حيل انهد حيلي من البجي
اباع على ابوية راسة بالگاع منتبهت اكو رياجيل ثنين كاعدين واربع ولد شباب من ضمنهم الولد الي خطفني
واخواني كاعدين يم ابوية مدنجين روسهم
اجة اخوية سالم وگال
- جوري حبيبتي عمي يريدج لواحد من ولدة واحنة منكدر نعترض لان ابن العم اولة من الغريب والوالد الله يحفظة منطيهم وعد
لكن .... اخذ حسرة وباوع لابوية وكال
المهم اريدج قوية واحنة مراح نعوفج ويومين نجيب امي وزهراءونجي نسويلج عرس هنا
ماشي حبيبتي
- سالم اخوية انت شدتحجي ،، شلون يعني تعوفوني وترحون
بابا انت ليش ساكت
اني مو هذا مكاني ،، اني المفروض مخطوبة زين خطيبي وين ؟؟
- خطيبج كال هاي امور عائلية حلوهة بيناتكم وطلعوني منهة واخذ اختة وراح
- اوكي مااريدة خيروح بس رجعوني وياكم ماابقى هنا ما،، ما اريد بابا فدوة احجي
اندار علية ابوية ،،
- بنتي اترجاج سهلي الامور هذا بيت عمج ومراح يقصرون وياج مو ابو فهد شتكول
- مكانهة عالراس وفهد ابني شاب الناس كلهة تعرف اخلاقة وتعرفة هو شنو وان شاء الله ننتظركم ونسويلهم عرس حسب الاصول
راحو اهلي بعد ماتعبت من التوسلات والبچي لكن بلا فائدة لااهلي قبلو ياخذوني ولاعمي قبل ينطيني الهم
صعدتني مها وياهة لغرفتهة جانت غرفة مرتبة بيهة سريرين وميز تواليت وملحقات
الي عرفتة جانت اخت مها الي تزوجت قبل سنة يتشاركون بنفس الغرفة وعمي عندة ٤ ولد ثنين متزوجين وكاعدين ببيوت وحدهم
وثنين ممتزوجين فهد الچبير وسعد الصغير
عطشت ونزلت اشرب مي وفجأة سمعت صوت واحد يحجي
- حجي احنة متفقنة هيج ،، انت كلت تزوجهة لسعد ليش بدلت كدامهم وكلت فهد وانت تعرف اني رافض فكرة الزواج
- ابني سعد بعدة يدرس وشاب طايش مو مثلك رزن وبت بغداد يرادلهة شاب حوك مثلك مو سعد الي تكدر تسيطر علي وتمشي مثل متريد
- حجي جا بت بغداد تختلف عن نسوانة الله خالقلهة ايد لو رجل زيادة
هي كلهة خلقة ربك والنسوان كلهن نفس الشي
- ميخالف يافهد اني ردتهة الك
- يابوية هذا مو حجي يعني انا رافض الزواج من زمان وانت تدري بيه ويوم الي اريد اتزوج اخذ وحدة صغيرة وغصب !!
- شنو الي صغيرة الفرق البيني وبين امك اكثر من الفرق الي بينكم
والبنية الصغيرة تربيهة انت شلون متريد
نصة الصوت وبديت مااسمع قربت راسي عالباب اريد اسمع بافي الحجي
وفجأة !!!!! انفتحت الباب وصار فهد بوجهي !!!!!!!!!!!!!----------------
شنو رأيكم وتوقعاتكم شاركوني ارأكم
وساندوني بالضغط على علامة النجمة ⭐️⭐️

يتبع