جوري

البارت الثاني عشر

الجزء الثاني عشر

بقيت يومين عند اهلي وخابرت مها
- ها ولج بذات من لگة احبابة ،، نسة اصحابة
- مهاوي عمري لا ولله مو هيج بس ملتهية ناس تجينة وتروح تصدكين لحد الان مطالعة ولاشايفة الباب
- اي صحيح مشتاقتلج ولله البيت فاهي بلياج
خو فهود حتى الغرفة ميكعد بيهة من يوم الي رحتي
وبس عصبي ويدخن
رجعي يمعود حيصير بأخوية شي من وراج
- ههههههه لا اسم الله هو كم يوم وراجعة .
اجتي زهراء
- جوري ترحين ليوم نروح للمول ونتعشى ونرجع اني وياج وسالم
- ماشي بس خلي استأذن من فهد
- يلا براحتج ،، اني حبدل ؟
دكيت علي دك دك ومشالة ورة شوية رجع دك
- الو
- هلو فهد شلونك
- هلا بيج
سكتت وهو سكت
- ها شنو نسيتي الدرس
- شنو !!
- شبيج ساكتة متحجين
- مو انت مت .....
- شنو اني !! منو مخابر اني لو انتي
- بداعت والدك يعني متكدر تكون سهل مثل الناس الطبيعين وتخليني اخذ راحتي وياك بالحجي
- چا شنو انا مخبل !! نعم الله عليج !! احجي بت خليل شرايدة
- حطلع وية اهلي للسوك
- عرفت الموضوع بي انة
ياسوك هذا !! وويامن تروحين
- للمول اني واخوية ومرتة
- لا ماكو روحة .
- ليش يافهد قابل طالعة وحدي
- انتي رايحة تشوفين اهلج لو تفرفرين
- ولله ممفترة بس هسة عزموني وكالو خلي نونسج
- ماكو متروحين
- على فكرة اني اكدر اروح بدون مااكولك ،، بس اني گلت من باب الاحترام والذوق ومخافة رب العالمين
بس انت الظاهر مسويهة شغلة عناد وبس
سكت
- يلا مع السلامة
- اوكفي
- نعم
- ترحين بس تلبسين جبة وشالج تلفي عدل وماكو مكياج
ومن تلبسين وتكملين طكيلي صورة ودزيهة
ضحكت
- ها بت خليل شو تضحكين
- لا ماكو شي صار تأمر بس اني مجايبة جبة وياية بس جايبة قميص طويل وبنطرون وجايبة تنورة وقميص !
- لبسي التنورة والقميص اهم شي يكون طويل
رحت لبست تنورة نيلي بينسل وفوكاهة قميص شذري عدل وعالخصر حزام وبي لولو على الردان
ولبست شيلة اوف وايت
خليت زهراء تاخذلي صورة ودزيتهة
- ها شلوني
- لتتأخرين رجعو من وكت واياج تعوفين اخوج وتفترين وحدج
- صار .
رحنة للمول افتريتنة واشتريت كم شغلة عطورات ومكياج وملابس طلعة واخذت لمهاوي علبة مكياج وعطر واخذتلة قميص وعطر وساعة
مشينة فتنة من يم محل مال ملابس نوم
اختارتلي زهراء شغلات كلهة مشكشك ومدري شلونة وشغلات لو اموت ماالبسهة
رحت رجعتهة كلهة واختاريت شغلات ناسكة والوان تلوگلي
- ديلا باع شتختار هاي من ايام سعاد حسني يمعودة
هذني شنو اختاري شغلات تخبلة اويلي على حظي
الله يساعدك يافهد
اخر شي كوة قنعتني بسيت نوم عبارة عن قطعتين والطالع اكثر من المتغطي
اخذتة بس حتى اخلص من لسانهة بس مجان ابالي ابد فد يوم البسة
صعدنة تعشينة وكملنة ورجعنة للبيت
داابدل واتذكرت تلفوني بالجنطة رحت احطة عالشحن شفت كومة مكالمات ومسجات
عزةةة هاي شوكت وليش مسمعتة
اتصلت على فهد طلع مغلق
رجعت دكيت اكثر من مرة وهمين طلع مغلق
رجعت التلفون عالشحن واخذت ملابسي وفتت للحمام
ورة شوية تمددت وبدون مااحس غفيت
سمعت زهراء تحجي
- لجوشنو نايمة لو مغمى عليج يمعودة
- ها زهورة شبيج
- كومي وصحصحي زين
- شكو
- رجلچ
- شبي يمة گلبي
- على كيفج عيني شبي گلبج
رجلج بالهول كاعد وية عمي والولد
- كذابة ،، صدك تحجين لو تتشاقين
- جوري لبسي هذا الثوب القصير الوردي وتعالي احطلج مكياج خفيف همزين شعرج مرتب وميحتاج شغل يلا اريدج تخبلي
لج متحمل فراكج اجاج ركض
سويت الي كالتلي علي وطلعتلة واني گلبي مشتغل فرقة موسيقية
شفتة كاعد يم ابوية لابس قميص نيلي مقفل وبنطرون جوزي
شافني وكف ورفع حاجبة
من فدوة رحت لطولك
- هلو شلونك
- هلا بيج تقدم مني وباسني من خدي
اني باوعت على ابوية واخواني عزة ردت اموت من الخجل
رجع كعد
- صارت عندي شغلة ابغداد عاجلة واجيت بالطيارة
- ها مو دااكول من خابرتك الظهر مكلت راح اجي
وقبل ساعة ادك عليك مغلق
- اي جنت معلك فوك السمة وين اكو شبكة
دخلت زهراء
- يلا تفضلو عالعشة
رحنة للمطبخ كعد ابوية وفهد وسلام و امي
ظليت اني واكفة يم السنگ اغسل المواعين الزايدة من الطبخ
بس ردت الهي نفسي بشي لان اموري كلهة مو تمام
انداريت صارت عيني بعينة
- متتعشين !
جاوبت امي
- متعشية وية اخوهة ومرتة اخذوهة للمول وفروهة وونسوهة خطية ضايجة
باوعلي ورافع حاجبة
الي مخبلني حركاتة ولا كأنما احد يمة
- ها بالعافية
كملو عشة وجبت الچاي وسوالف تجر سوالف لحد ما امي گالت
- يلا ماما جوري روحي فرشي لرجلج بغرفتج
- صار ماما
صعدت وفرشتلة بالگاع لان سريري ابو نفر ميكفي
سمعت صوت خطوات تصعد الدرج
- جوري
- هياتني بالغرفة المقابيلك
- فتح الباب ودخل
- ها ست الحسن والجمال
- ههههههه ها مولاي
- شبيج مخروعة من شفتيني لحد هسة چنچ شايفة جني
- لا مستغربة متوقعت هيج حتشتاقلي بهالسرعة ومتتحمل فراگي
- ايبا ههههههههههه ولله ضحكتيني
مصدكة روحج حضرتج
تقرب مني حيل وجرني اوكف مقابيلة
- ليش متكولين انتي الي هلكد ممشتاقتلي عقلج ديصورلج هالشي
- غلطان
- يعني هسة انتي ممشتاقتلي
- ها .... اي .. لا
قرب نفسة حيل مني وقرب شفتي على شفايفي وعضهة
جسمي كام ينتفض ويرجف وكلبي الف سمفونية عنوانهة
الاشتياق
اي ياروحي مشتاقتلك مشتاقة لريحتك لحضنك لملس شفافك
بس مااكدر انطي بروحي واحجي هالشي
رجعت للواقع وهو هجم على شفايفي مثل العطشان
الي شاف المي كدامة بعد صبر طويل
لزمتة من قميصة حيل
طولنة بالبوسة لحد محسينة انكطع نفسنة ابتعد عني وهو يتنفس سريع واني غمضت عيوني ولزمت شفتي بيدي
رجع اقترب مني وهو يبتسم
ولزمني من زنودي كوقرب شفايفة على شفايفي وكال
- هسة اخذت جوابي ميحتاج بعد تحجين رجع ديبوسني سمعنة الباب اندگت !!!
وخر عني بسرعة
و تمدد على فراشة
-جوجو حياتي هاي ملابس لفهد
- اوكي حبي تسلمين
شاورتني
- الله عليج لبسي من سيتات النوم الاشتريناهم وعطري نفسج وشعللي الولد لتصيرين ثولة
طلعتهة برة وسديت الباب
رحت عالكنتور وطلعت البرنص
دااطلع وصاحني
- وين رايحة
- حفوت اسبح واجي
وهاي ملابس الك اخذ راحتك
رحت للحمام سبحت ونشفت نفسي ولبست ثوب نوم قصير وبلة ردن لونة اسود ولبست البرنص فوگا وطلعت
طبيت للغرفة وقفلت الباب
لكيتة كاعد على فراشي لابس البرمودا ومن فوك ملابس شي
وكفت مقابيلة وبديت افتح شريط البرنص
فتح عيونة وصفن
وحسيتة ارتبك واني بداخلي ميتة ضحك
داافتح البرنص
وهو وكف على حيلة وصاح
- شدسوووووين !!!!!
بدون مااباوعلة نزعت البرنص وشمرتة عالقنفة
كتلة
- شنو اكو شي
- ها لا ماكو بس ،، السبلت معلوگ لتنشلين
- لا لتخاف متعود ة
كعدت على فراشي امشط بشعري وهو تمدد  يباع علية بام عين
- وتالي !!
- عفوا مسمعت
- شناوية علي بت خليل ،، وين تريدين توصلين بهالحركات هاي
- شلون يعني
كام على حيلة وكعد يمي لزم شعري وكال لابسة هاللبس وشعرج مبلل وريحتج ترد الروح واني مو النبي يوسف حتى الزم نفسي
عاف شعري ولزم فكي وعيونة على شفافي تقرب علية وباسني حيل ومستمر يبوس واني وكمت ابادلة البوسة
بدة يتقرب اكثر ويقربني منة اكثر رفع شعري وبدة يبوس برگبتي وباذاني وبدة يعضني ونزل على فتحة صدري
جنت فاقدة ومدااعرف شديصير بية
دفعني وصار فوگاية ويوزع لثمات وبوسات بكل مكان بجسمي واني مغمضة مااكدر افتح عيني
هناك وحسيت بالبرد فتحت عيني لگيتة موخر مني
- مو هاين علية اعوفج بس مااكدر هنا
هناك ابيتنة بغرفتنة الي عفتيهة واجيتي تركضين هنا
راح اسوي بيج الي مكدرت اسوي هسة
عافني وراح لفراشة تمدد
بقيت بمكاني فترة مااكدر اتحرك مثل الغافي وانچب بوجهة مي بارد
- جوجو تعالي
- ها
- شبيج ولج فهيتي
تعالي يمي نامي
نزلت نمت بصفة بقى يشم بشعري
- اووووف لو تدرين شكد اشتاقيت لهالريحة
اني مثل الطفل الي لگة حضن امة
غمضت عيوني وغفيت
- جوجو يلا حبي كعدي ورانة طريق
لميت غراضي ورحنة للمطار سافرت بالطيارة ورجعنة للبصرة
تلگتني مهاوي حضنتني وباستني
وخالتي هم بوستني
وبعدين رحت لعمي بست ايدة وراسة
- ولله ياجوري اخذتي البيت ورحتي
- حبيبتي تسلمين
- يلا جوري صعدي ارتاحي وسبحي حتى تنزلون تتغدون
- اوك
صعدت لغرفتي صدك اشتاقيتلهة لكيتهة نفس ماعفتهة حتى الزينة مال الميلاد مشايليهة باقية مثل ماهي بس الكيكة شايليهة
انتبهت على شي يلمع شفت هدية
- اوي حبيبي جان جايبلي هدية واني منتهبت عليهة من خبصتي
فتحتهة وجان الكة سلسلة ذهب وبيهة مدالية على شكل وردة جوري
انفتح باب الحمام وطلع فهد لاف الخاولي باوع على السلسلة
- هاي وردة جوري لاحلى جورية بحياتي

يُتبع...