جوري

البارت التاسع

الجزء التاسع

بعد الموقف الي صار
بقيت ارجف ومن جمال الاحساس الي حسيتة تمنيت الموقف يطول اكثر
بقة يباع بعيوني
واني بقيت عيوني بالگاع مگدرت احط عيني بعينة
- وين لسانج شو بلعتي
- فهد بالنسبة الية اني مناسية انت رجلي
بس انت لاتنسى اني مرتك !!
ابتعدت عنة ورحت للكنتور اطلع ملابسي
- ها يعني اني ناسيج ،، واني اكول ابوية يسئلج شلون رجلج وياج !! لازم مشتكيتني عندة
- لا ولله حرام ،، اني همين تفاجئت من سئلني عمي
- هااا .... جوري !
- نعم !!!
حر حسرة چبيرة وباوعلي وطلع
بدلت ملابسي ونزلت ورا
دنصب بالغدة واشوف مها كل ساع تصعد لغرفتهة شوية وترجع وعيونهة مال وحدة باچية
كعدنة عالسفرة وبدينة ناكل عمي جان معزوم ومموجود
فهد ياكل ويباع علية
كل ماارفع عيني الگا يباوعلي
- فهد بشرفك اريد سيارتك
- خير وين رايح
- مشوار صغير وية والولد
- بس لتتأخر نريد نطلع
- انت ويامن
- اني وجوري
اني رفعت راسي وباوعت علي
ردت عمتي
- خير وين رايحين
- محتاجة شغلات ونروح للسوگ نشتريهم
- اي خوش شكو بيهة اخذو مها وياكم ،، سودة علية راح يصيرلهة شهر مشايفة الباب
- لا ماما مااريد اروح
- روحي يمة شوفي الدنيا ،، مثل البنات چا وحد انتي
وتباع علية من تحجي
- جا هو بالغصب كلتلج مااريد اروح لتحلين ياامي
كمنة لمينة الاكل وصعد فهد
اني رحت لغرفة مها
- مهاوي الله عليج بيج شي
ليش هيج مهمومة وصافنة ،، وعيونج بيهة هواية حجي
احجيلي الله عليج
- لا حبي مابيه شي
- براحتج على العموم اني اختج وشتحتاجين اني موجودة
رحت دخلت لفهد شفتة صافن وجگارة بحلگة انطيتة استكان الچاي ودااروح للحمام وجان يصيحني
- تعاي جوري
- نعم
- شوكت مخابرة اهلج اخر مرة
- ها ،، قبل يومين يمكن
- يعني قبل يومين مشتكية يم اخوج وخابرني يهد وينثني وبتنة وبتنة وهسة نجي ناخذهة اذا معاجبتك وشيصير خلي يصير
بلله ممكن اعرف حضرت جنابج شگايلتلهم !!!!
- فهد ،، اسمعني ،،،
جتي رسالة على تلفوني والتلفون جان قريب يمة باوع على الشاشة طالعة جزء من الرسالة الي راسلتهة زهراء
- ها حبي شلونج ،، شلون هسة خابرلج سالم على رجلج ولعب بي لعب و.......
- فتحيهة الرسالة كمليهة لعب بية لعب
ولج لا انتي ولاغيرج يلوون ذراعي افتهمتي
لتخليني حتى من التلفون احرمج
افتهمتي لو لا
ولله لو ما بت عمي وعيبة من العالم جان ذبيتج ابابهم وماهمني
بس ماصارلنة شهر من تزوجنة ومااريد اكسر بختج
مهما يكون محسوبة علية
عافني وطلع
بقيت اكل بروحي اكل يعني خرب حظي صار يومين مدري اكثر من خابرت زهراء وسالم مخابر الة هسة
شلون حظ !!!
اويلي عليج عمة .. عينج بالمكان ،، حرگتيني حرگ
صار المغرب وفهد ماكو
دزيتلة رسالة
فهد اني اعتذر .. ماردتك بهالموقف ،، بس والله العظيم جنت منهارة وتعبانة من خابروني ومعرفت شنو احجي
امسحهة بية ولتزعل مني
بقيت انتظر وماكو رد
شوية وانفتحت الباب دخل فهد
- فهد
- اش ولا كلمة
- عفية بس اسمعني ،،،،،،
- كتلج اسكتي ،، سكت شوية بعدين كال
حفوت اسبح واطلع الگاج مبدلة ومكملة
ابتسمت
- ماشي
معرفت هو شنو يحب البس وشنو المفروض بمنطقتهم يلبسون يعني اني لبسي عادي ابغداد يعني مناسب
جريت تنورة عدلة نيلي وسترة ليموني وبالردن تقليمة سمائي وابيض ولبست شال مقلم
حطيت مكياج بس حاولت يكون طبيعي
داالبس بالحذاء وطلع هو من الحمام لاف نص جسمة والجزء الفوگاني مكشوف اول مرة يسويهة كل مرة يبدل جوة بالحمام ويطلع
عيوني بقت تتئملة بدون مااحس
مكدرت اوخر عيوني
فهد حلو وجسمة مقسم وحلو
رفعت عيني شفت على طرف شفتة ابتسامة
خجلت من نفسي ورجعت البس بحذائي
- ماعندج غير هذا الحذاء
- ليش شبي
- عالي ومحتگدرين تمشي بي
لبسي فلات اريح
- ماعندي فلات ،، اني متعودة على العالي عادي اكدر امشي
- روحي على مها لبسي منهة اكيد انتو تتلابسون
رحت على مها وطلبت منهة
طلعتلي اخذيتهة اختاريت واحد شوية بي علو
فهد كلش طويل اذا البس فلات اطلع قزمة يمة
رجعت لغرفتي شفتة مبدل وديرتب شعرة
- شو هم عالي
- لا زين ،، مااعرف امشي بالفلات
- گوة تسوي روحهة طويلة ،، القزمة
- عزة اني قزمة !!
لو انت هواية طويل
ضحك ههههههههههه
حلوة مال هواية طويل ،، يلا بنتي يلا
- اوكف لحظة
رحت عالميز رشيت عطر وطلعنة
كعدت بالسيارة وهو كعد وبدت السيارة تمشي بينة
- لج جوري اذا حطيتي من هذا العطر مرة ثانية اعدمج
- ليش مطيب ؟؟؟
- سطرني سطر
- يا ،، ولله ماركة هو من ارجع انطي لمها
- حتى اشنقج
- لعد شنو ولله احتاريت وياك
- لو تشغلين دماغج چان افتهمتي !!!!!
طخت عندي بس تعمدت اسوي نفسي ممفتهمة احب اشلع گلبة
دخل السيارة بكراج المول ونزلنة نتمشى واحد بصف الثاني كأنما اصدقاء
مو عرسان زوج وزوجتة
صرت اباوع على كل ثنين يتمشون وهو گايد ايدهة وهي گايدتة واتأملهم
فجأة كأنو حس بيه مد ايدة ولزم ايدي باوعتلة ابتسم
بقينة نتمشى واني طايرة من الفرح
وصلنة لمحلات الملابس بالمول
جرني وفتنة
- يلا جوجو اختاري الي يعجبچ
- اختاريت بنطرون مقلم وقميص طويل فوگا سادة
راويتهيا گلب وجهة
- جوري مااريد بنطرون
- اوكي ،، معارضتة مااريد اعكر مزاجة رجعتهم واختاريت تنورة بيجي وقميص زيتوني
وتنورة ماروني وقميص اوف وايت وبي ورد زيتوني وماروني
فتت اقيسهم لگيتة جايب ملابس بيت وعطور وشغلات
- اكلج انتي شگد قياسج
- ٣٨
- اوكي
انطيتة الاختاريتهم فات هو ديحاسب طلع بكومة علاليگ
- هاي شكو هاي شجايب
- استغليني مدام مستلم راتب شبيج مو كل يوم تصير وغمزلي
- الله يرزقك
راحت رجلية من الفر صعدنة فوك للطابق الاخير نطلب اكل وكعدنة ننتظر الطلب
- كلش حلو المول متوقعتة هيج چبير
اكبر من مول المنصور
- اي اكبر من مولات بغداد
- انت رايحلهم
- ليش استغربتي يعني
- متوقعتك تحب الطلعات والونسة
تخيلتك من الشغل للبيت
- تعرفين اني چم دولة رايح ؟
- كم وحدة
- سبعة
- ولله ؟؟؟ شنو هي
- ايران وتركيا وماليزيا وتايلند وعمان ودبي
- الله انيالك شايف تركيا
امنية حياتي اشوفهة
- بلا هاي الدول العددتلچياهة بس تركيا حسدتيني عليهة
- مو هاي العشق
- هههههههههه فد يوم اوديج الهة
بدون شعور لزمت ايدة الممدودة عالميز بثنين ايدية
- الله عليك
باوع على ايدي حط ايدة الثانية عليهم
- عوفيهة للايام
اجة الاكل واكلنة وطلب للبيت ورجعنة نفتر بالسيارة وعالگ اغاني
- شكرا على كل شي
كلش تونست اليوم
مد ايدة ولزم ايدي وظل لازمهة ومبتسم
وصلنة للبيت
انطيناهم الاكل وصعدنة لغرفتة وعمتي تباوع على العلاليگ
وگلبت خلقتهة
هالمرة ابد مجارعتني
شگد حاولت وياهة ماكو فايدة
فتنة للغرفة
كعدت عالسرير داانزع ربطتي
بدل وكال يلا اني نازل جوة
رتبي الاغراض ونزلي وراية نكعد يمهم
- ماشي عيني
اخذ علاگة ونزل
ظليت افتح بالعلاليگ تخبلت على الاشياء الجايبهم
تراكات ودشاديش ميدي
تجنن
بس كلهة گصيفة ومشلحة هههههه
رتبتهم واخر شي وگعت بيدي دشادشة بس هي تشبه مال النوم
يعني دلعة ومخصرة وردنهة نص واچتاف ماكو
وبيهة چاكات منا ومنا
اجتي ابالي البسهة اليوم الة
ماكو اكثر من هالتلميح
حطيتهة على صفحة ونزلت يمهم شفت العلاكة بيد مها
- حياتي جوري مشكورين على التراك يخبل
- بالعافية حبيبتي بس اشكري فهد هذا ذوقة
- فديتة حبيبي دومة يتذكرني ابو نفس الحلوة
ظلت عمتي كل سا تبسمر بحجاية ضجت ترخصت وصعدت سبحت وسشورت شعري وحطيت ميك اب وطوخت الحمرة
ولبست الدشداشة الي جابهة
اباع بالمراية مخصرة وتخبل طلعت معالم جسمي كلهة
احجي وية نفسي عزة اخاف يضوج من يشوفني لابستهة
خاف عبالة ذابة نفسي علي
اباع على روحي واحاجي نفسي
زين هسة شلون
انزعهة احسن
دااريد انزعهة وفات فهد
صفن واني ايدية باطرافهة اريد انزعهة
- شدسوين
- ها ردت اشوفهة على قياسي وهسة حنزعهة
- اموتج
- شنو
- اموتج اذا تحركتي خطوة
- شلون يعني ابقى واكفة بمكاني،، تمثال
- علوا تصيرين تمثال حتى اباوعلج على راحتي
ولسانج الرشاشة ميقاطعني
- ها
- وجعا
- صدك تحجي
بدة يتقرب مني واني اخاف اتحرك
كأنما قرة افكاري
- اذا تحركتي متعرفين شسوي بيج
لزمني من زنودي وعصرهم حيل
بدة يتقرب مني
غمضت عيوني
بقيت انتظر ماكو شي ،،
فتحت عيني شفتة صافن بوجهي
- راح ابوسج
سكتت
چان احلى شعور حسيتة بحياتي
اخذتنة العاطفة ومحسينة على نفسنة الة على السرير
هو فقد ومااعرف شصار بي
ظل يتلمس بجسمي مثل السكران
- موتيني شنو هالجمال ،، شنو هالجسم اليجنن
لج اخخخخ مشتاقلج
احبج ندى
مثل الخنجر واخترق گلبي وخرت عنة بسرعة
- هاي شبيج ؟؟؟
- اسمي جوري مو ندى !!!!!'
----------
اعرف اني دااتأخر عليكم بس صدگوني مو بيدي
حتى تكونون على علم
اني مااكدر اكتب يومية ولا بين يوم ويوم
يعني حسب وقت فراغي
لان عندي هواية مسؤوليات
تعليقاتكم تفرحني
لكن صدگوني مو بيدي
والي يضوج من تأخري يكدر ينتظرهة تكمل ويقراهة
💕💕💕💕💕