الجزء الثامن
shahadoflove
- يمة شنو هالحجي ،، مو وكتة
- جا شنو امك غشيمة ،، البنية صفرة ولعبانة روحهة وما تاكل معناتهة تتوحم
انوب اني من سمعت هيج خبطت بطني بالزايد ورجعت اذب من راسي
- ها اها شگلنة
- كومي مها جيبي عباية لجوري خلي اوديهة للمستشفى
ركضت مها جابتلي وكعدت بالسيارة ورحنة
للمستشفى
سوولي تحاليل وطلع عندي تسمم وضغطي مرتفع شوية
رجعنة واني اباوع على الشوارع اول مرة اطلع من يوم الي دخلت للبيت
صعدنة على جسر عالي
يمكن هسة جديد مسوي ،، حلو والمنظر من فوگ يرد الروح
- فهد خلينة ننزل فدوة
طبگ السيارة ونزلت اشم هوى ،، اخذ بالنفس واحاول اسحب العبرة الي لازمتني حتى لا ابجي
لازم اكون قوية
الي كدامي طريق طويل
وهالانسان بحر .. لازم اتعلم الغوص ويا
وااعبر على بر الامان
لازم اخلي يحبني ،، ولازم اكسر القناع الي محاوط بي نفسة
شفتة ورث چگارة وصافن
- ها ماارتاحيتي شوية
- اي احسن ،، اذا تحب نرجع ،، حلو المنظر يرد الروح ،، مچنت ادري هيج البصرة حلوة
- اي حلو هذا اسمة جسر التنومة هسة بنو بالجديد
- اها حلو
- والمنطقة الي انتو كاعدين بيهة شسمهة
- الجزائر ،، فد يوم اخذج تشوفين السوگ مالتهة مرتب
اكيد مو مثل بغداد ،، ويجوز ميعجبج بس هم ماشي حالة
- بغداد چبيرة وهواية بيهة مناطق
- البصرة صغيرة ومناطقهة محدودة
- بس اني سامعة اهل البصرة گلوبهم طيبة
وكرماء
- ليش شفتي عكس هالشي عدنة!!
- ها ،، منين اتحب ابديلك
عن رفضك الية بيوم زواجي ورغم اني الي جنت مغصوبة على زواج من انسان مسامعة عنة ولا اعرفة
- ليش الي جنت مخطوبتلة طابة وطالعة ويا
- لا ولله العظيم
مرتين شفتة مرة بالشارع صدفةومرة من اجة خطبني وبس حتى كعدة مكاعدين اني ويا
- لعد شعجب وافقتي
- الرإي رأي الوالد واخواني اني ماعندي اعتراض على الي يگولو
- بس اني سامع عن بنات بغداد گويات ومحد يگدر يمشي كلمته عليهن
- مو كل اصابعك سوة ،، والي سمعتة مو تعميم عالكل
- يلا جوري خلينة نرجع
رجعنة للبيت وصعدت لغرفتي واسمع عمتي تكول لفهد
- ومنين اجاهة التسمم بعد گلبي !!
اوف ياحظك يافهد عبالنة يجيك وليد نفرح بي
بس كلمن وحظة
- شنو السالفة يمة ! ماصارلنة شهر متزوجين
الظاهر تسممت من الكباب مال بارحة
- جا مو كلكم اكلتو منة ، ماتسممتو !
- يمة مرات الجرثومة تصير على قطعة وحدة مو شرط كلة ملوث
صعدت تمددت وتوقف عندي التقيء وحسيت نفسي احسن لكن كلت ابقى ادلل علي
اجة كعد يمي
- ها شنو الاخبار
- بطني تلويني ،، اخ ماما لحگيلي
- ماما لحگيلي شنو طفلة انتي !! منين اجيبلج ماما
- فهد !! اطلب منك طلب
- اهلج اسبوع الجاي اوديج كتلج
- لا مو هذا طلبي
- چا شنو
- اكعد وخليني انام بحضنك والعب بشعري ،،،
هو فتح عيونة !!!!
هيج امي چانت تسويلي حباب
- يلا تعاي
كعد عالچرباية واني حطيت راسي بحضنة وظل يلعب بشعري
مااعرف شنو من احساس حسيت
- شعرج حيل ناعم ،، انتي صابغتة لو هذا لونة
- لا ولله العظيم هذا لونة الطبيعي
- هسة شبيج تحلفين ،، مجرد سؤال
- جوري حرامات تگصي ترى حلو شعرج
- شكرا
بقة يلعب بشعري واني مغمضة عيوني
حسيت نفسي غفيت
فتت بحلم حلو
نفس الكعدة كاعد فهد واني نايمة بحضنة وهو يلعب بشعري ويبوس بي
وعيونة بعيوني
وواحد صافن عالاخ
- جوري تحبيني ؟
- اي
- شنو اي كولي ،،جوري شنو اي احجي!!!!!!
- فهد احبك ،،،،،،،
كلتهة بصوت عالي ووعيت على نفسي
لكيت فهد يباع علية وصافن
- اني حجيت شي واني نايمة
صفن بوجهي شوية بعدين كام
- يلا كافي دلال كومي ،، اريد انزل يم سعد اليوم لعبة الريال وبرشلونة
- وانت شتجع طبعا الريال
- وسعد برشلونة اكيد
- اي غبي مدري على شنو يحبهم
نزل واني بقيت اكل بروحي ساعة اكول بالحلم وساعة اكول لا مستحيل اني حسيت حجيت
نمت ،، هناك وحسيتة اجة ونام بصفي
- ها بشر !! منو فاز
- يمعودة الحكم هواية تحيزلهم ،، ولة همة كفيلج الله ميعرفون يلعبون
بس الحظ ساندهم اليوم
انتي شلون صرتي
- الحمد لله
- مجعتي !! متاكلين شي ؟
- بصراحة ،،، ميتة جوع بس اخاف اكل وارجع اتقيء
- لا راح اجيبلج لبن وصمونة واكلي
- لا تفاحة كلش كافية ،، مااحب اللبن
راح جابلي واكلتهة وبقيت كاعدة يمة اباوعلة وهويگلب بتلفونة كمت غسلت اسناني ولبست دشداشة خفيفة وباردة وحطيت عطر هادئ واجيت نمت بفراشي
هو حط تلفونة عالميز واجة تمدد بصفي انتظرت ربع ساعة تقريبا لحد ماانتظم تنفسة عرفتة نام
تقدمت شوية وانتظرت ردت فعلة ..... ماكو شي
رجعت تقدمت شوية لحد ما صرت بحظنة حطيت راسي بصدرة وحسيت بالامان
چنت يومية افكر شنو شعوري لو اتقربلي
لكن قررت اني الاتقربلة لازم اخلي يحبني
تحرك هو واني جمدت وسويت نفسي غافية
حسيت فز من نفسة الي صار عالي
ظل جامد بدون حركة
بعدين شوية وحسيت حط ايدة جوة راسي وشبگني
هنا اني دگات گلبي گامت تركص من الفرحة
لكن حاولت ماابين وتفشل الخطة
مااتذكر شگد مر من الوقت لحد ماغفيت
واجتي شمس الصبح تركض تبشرنة بيوم جديد
فتحت عيوني على كيف واحجي وية نفسي
اكيد بعدة نايم
فجأة شفتة فاتح عيونة ويباوعلي بعد مكدرت ارجع اغمض انلگفت وانثولت بقيت صافنة
وهو يباوعلي
- مناوية اليوم تعتقين ايدي
- ها !!!!
اشر على ايدة الي جوة راسي
- ايدي خدرت اذا متصير زحمة تنامين على مخدتج وترجعيلي ايدي
عزةةة باع الفشلة وخرت بسرعة ورجعت على مخدتي وادردم
الناس تكول صباح الخير ،، قابل اني متعمدة انام على ايدك ،، غير مريضة وماادري بروحي
- صباح النور ست المريضة شلونج اليوم
- زينة
- يلا بشرفج جوعان كعدي خنروح نتريك
- ماشي انزل هسة انزل وراك
غسلت وجهي وبدلت ونزلت
- صباح الخير
جابو كلهم
كعدنة على الميز نتريگ
- اااخ ،،،
- شبيك اليوم بس اخ واخ
- اسكت وخليهة البارحة حلمت راس شكبرة نايم على ايدي ،،،
اني رفعت راسي وباوعتلة 😦
- تالي فزيت ولكيت ..... روحي نايم على ايدي
يحجي ويباوعلي
متت بدمي
- شلون صرتي عمي
- الحمد لله عمو احسن
- رجلچ داير بالة عليج !!
باوعتلة اريد اشوف تعابيرة
وردت فعلة
- اي عمو ممقصر
ردت عمتي
- وليش هي وين تلگة مثل فهود ودلالة
بس تصبح بهالعيون الحلوات كافي
رد عليهة سعد
- شدعوة ماخذة توم كروز ومندري
- يروحلة فدوة هالكروز مدري كرزات
چا انت بحلاتة وتقلد علي
بقيت جوة انظف ووعمتي تسوي الغدة هي ومها
كملت وصعدت لغرفتي دااغير ملابسي
وية ما داانزع دشداشتي انفتحت الباب
بقيت مغطية روحي بيدي وصافنة وهو صافن علية وعيونة افترت علية من فوگ ليجوة
تالي حسيت على روحي وركضت للحمام وسديت الباب بقيت ارجف
عزةةةة شلون شافني هيج يبو علية معرفت اقفل الباب
معرفت افوت للحمام ابدل هسة شيگول ياربي
بقيت تقريبا ربع ساعة جوة و يمكن اكثر
اندكت باب الحمام
- شنو جوري نمتي بالحمام ،، يلا طلعي
لبست البرنص وفتحت الباب ووعيني بالگاع
- ولج شصاير بحالج صايرة طماطاية
قابل شصار .. يعني رجلج وشافج عيب لو حرام
- رجلي !!!!!
- ها شنو مو بعينج
- لا حشاك ....بس....
- بس شنو .. احجي
- ها لاهيج ماكو شي
اتقدم الية وصار قريب كلش مني يمكن اذا ارفع راسي انطخ بي
- رفعي راسج
لزم حنكي ورفع راسي ليفوك
اتلاگت عيونة بعيوني
وحلگة قريب من شفايفي
حط شفتة على شفتي وباسني اذا جانت هاي تتسمى بوسة
- رجلج وغصبن ماعليج
وديري بالج تنسين هالشي !!!!!!!!
يتبع
أنت تقرأ
جوري
Roman d'amourقصه منقوله للكاتبه shahad of love تحكي القصة عن الزواج بالاكراه بسبب العادات التي مازالت الى الان في مجتمعنا لكن !! هل جذور الكراهية تنبت وتنتج ثمار الحب
