الجزء العاشر
فهد
من اول يوم شفت جوري وانبهرت بجمالهة ونزاكتهة
لكن طگت روحي من ابوية غصبني اتزوجهة
اني توقعتهة راح ترفض
لكن هي عناداً بية وافقت متت منهة
تمنيت اشرب من دمهة
وبيوم زواجنة چنت كارهه ورغم چانت طالعة حلوة لكن محسيت بأي انجذاب ناحيتهة
من يوم الي صار الحادث الخطيبتي واني كرهت النسوان كلهم
مرت الايام وياهة شفتهة عكس الي چنت مخلي ابالي عن بنات بغداد وسوالفهم
شفتهة فقيرة مؤدبة خلوقة
عمرهة مااجتي اشتكت من امي .. رغم انا ادري امي مئذيتهة وذابة الشغل عليهة
حتى من طاحت ماحجت ولا اشتكت
تصلي الصلاة باوقاتهة
ومن احجي وياهة تجاوبني بهدوء
تفاجئت من نفسي كمت اراقب حركاتهة بدون مااحس
كمت اباوع لتفاصيلهة بدون مااحسسهة
وبيوم الطاحت وشلتهة وصار راسهة قريب على گلبي
انتفض گلبي ورجعت دگاته
كأنما رجعت الحياة بي
بعد ما مات بالانفجار وية ندى
حسيت گلبي رجع للحياة مثل الميت ويسوولة صدمات كهربائية ويرجع يدگ
خفت من احساسي وطلعت رحت للشط افكر
معقولة هاي البنية نستني ندى
ودخلت بگلبي مكانهة
معقولة رجعت احب من جديد
صرت حذر بتعاملي وياهة
وبيوم رجعت من الدوام لگيتهة مسوية غرفتنة جنة
معدلتهة ومبخرتهة ومسوية اجواء رومانسية
دوختني
شنو المغزى من الي مسويته غير جاي تحاول تتقرب مني
جاي تبينلي ان هي تريد اتمم زواجنة
دخت وردت انزللهة واصيحهة والبي الي تريدة
وصرت بين نارين نار عقلي الرافض ونار گلبي العاشق
معقولة هالطفلة هاي شلت حالي
صعدت وسويت روحي نايم
مااريد استعجل ،، هاي بعدهة طفلة ومتعرف شنو حب وماحب
ومن اشوف تصرفاتهة وعقلانيتهة اكول لا هاي مرة كاملة مكملة
اوف ياجوري
وصار موقف چان مثل القشة الي قسمت ظهر البعير
دخلت للغرفة وجانت دتبدل اويلي الله
شفت الجسم المربر والبياض والخصر المنحوت
انهزمت للحمام واني بقيت ارجف بمكاني
لك هسة منو يصدك هذا الگيمر مالتي واني مضايگة
تحرشت بيهة وخليتهة تطلع هالنوب طلعت لابسة البرنص وفتحة صدرهة مبينة
دخت ماحسيت الة واني حاصرهة بالزاوية وشفايفي على شفايفهة
شلت حالي هالبنية
من اكون باقصى حالات العصبية بكلمة منهة ابرد
برسالة منهة اوگع
اويلي عليج جوري
من صعدت وشفتهة لابسة الدشداشة الاختاريتهة الهة
عرفت انو هي دتنطيني الاوكي اتقربلهة
شبيك يافهد البنية مبقت شي مسوته واني مدري منين جايب هالبرود
بس من داخلي اغلي افور
اتقربت منهة وگمت اضوك الگيمر والعسل والحلويات كل جزء منهة بي نكهة وطعم خاص
اتفاجئت من نفسي من نبهتني انو اني ذكرت اسم ندى
انا مچانت ابالي ابد وچنت مسحور بجوري
شجاب اسم ندى على لساني
بقيت صافن ومن فشلتي جريت السويچ وطلعت
ظليت افتر بالسيارة مااعرف شلون اطلع من هذا الموقف
الي مخبلني اني عمري متقربت لندى
غير چم بوسة سريعة
على خدهة وايديهة
ابد متماديت وياهة ردتهة تكون ابيتي واخذ راحتي وياهة
ليش فتحت حلگي وجبت طاريهة
شنو سالفتج ياندى مناوية تعتقيني
هاي بس لا تجرني وراهة واموت
صفنت على روحي شجاي احجي انا
جريت الباكيت وسحبت چكارة بقيت ادخن واطلع نار گلبي
بلله هسة لو ماچفصت هالچفصة مو چان انا هسة عريس !!
چبحة من حظ چا ماحجيت الة هسة
بقيت ادخن وانفخ نار مو دخان
-------------------
جوري
من گال اسمهة ردت اموت وگفت كل احاسيسي
معقولة چان يتخيل حبيبتة الماتت
معقولة هالرقة والحب والعاطفة چانت الهة
واني تخيلتة يحبني
هو نهزم وطلع
واني بقيت اشتعل بنار
لا بعد مابيهة مجال انطيتك هواي فرص يافهد
ردتك تكون رجلي من صدگ
ذليت نفسي هواية الك
وانت ابد
لا حياة لمن تنادي
بقيت اكل بروحي والوب مااعرف ابيش صارت الساعة وكم ساعة مرت واني ابجي
كمت نزعت الدشداشة وجبت مگص
گصگصتهة كلهة وشمرتهة بالغرفة وفتت مسحت المكياج ولبست دشداشة ميدي ونمت
سمعت باب الكراج انفتحت
وصوت سيارتة
اني غرفتي مطلة على الحديقة والكراج
لميت نفسي بفراشي وسويت نفسي غافية
سمعتة فتح الباب وفات للحمام
وظل يطگطگ مااعرف شيسوي
اجة على الفراش وعطرة طخ بخشمي
گزبر جلدي اتذكرت عطرة شلون چان محاوطني وهو يبوسني ويلثم شفافي
- جوري !!!! جورية
ادري بيج منايمة كومي احجي وياج
طخيتهة عاطت بية
- دير بالك اطخني
- ليش يابة مااطخج
مرتي وحلالي شوكت ميعجبني اطخج
- لا مو مرتك ولا حلالك ومن باجر اطلگني
- انجبي لتحجين حجي زايد
طلاگ ماكو انسي هالكلمة
ماعدنة مرة تتطلگ
- لعد شنو تريدني اعيش وياك جبر
- جوري انداري علية واحجي عيب تنطيني ظهرج وتحجين
انداريت علي
- فهد شتريد مني
- هاي ليش هلگد باچية جوري
عيونج مورمة
- معليك من عيوني احجي شتريد
- باوعيلي احجي عدل وباسلوب عدل
لتختبرين صبري جاي احاجيج بادب
- ولله يالله فوك شينة گواة عينة
- ولج هاي ويامن هيج تحجين
فرت گمت ردت اضربهة
- اي اضرب بس هاي البقت
استغفرت ربي واتعوذت من الشيطان
- يابنت الحلال اسمعيني عدل
چا لاطلعيني من طوري ،، انا عمري ماطگيت مرة لا تخليني البس غير ثوبي
انا يابنت الحلال چنت خاطب وحدة قبلج وراحت لدار حقهة مااعرف شجابهة على لساني
يمكن لان مامرين بعلاقة من يوم الماتت لهذا اسمهة بعدة على لساني
- يعني انت تكول خطيبتك مو مرتك
لعد ليوين واصلة علاقتكم بحيث ذكرت اسمهة وانت انت ... بحضني
- لا وداعت هالعيون المورمة ماواصلة علاقتنة اكثر من بوسة عالخد وهي چانت حلالي عاقد عليهة انا
شوفي يابنت عمي
هالموضوع انفتح اليوم
مااريدلة ذكر ينعاد ابد
اني حجيتة لان ردت اصحح الموقف الصار بيناتنة
مرة وماتت وشبعت موت
بعد ماكو داعي نفتح دفاتر قديمة
يلا تعاي نامي وحقج علية
سكتت بعد مااعرف شحجي
بلعت لساني ومحجيت بعد
تمدد هو وحط ايدة جوة راسي وغفينة
-------
لخاطركم كتبت هالبارت
بعد لتصيرون طماعين 😉
أنت تقرأ
جوري
Romantizmقصه منقوله للكاتبه shahad of love تحكي القصة عن الزواج بالاكراه بسبب العادات التي مازالت الى الان في مجتمعنا لكن !! هل جذور الكراهية تنبت وتنتج ثمار الحب
