جوري

البارت الثالث عشر

الجزء الثالث عشر

بقيت واكفة صافنة
- شكرا فهد تسلم
- انداري جوجو خلي البسجياهة
انداريت ورفعت شعري هو حط الزنجيل على رگبتي وديقفل القفل انفاسة على رگبتي وعطر الصابون الي بجسمة قشعرت جسمي
كمل ومشة بإيدة على رگبتي
- جسمج ليش مقشعر
- ها لا بس لان الزنجيل بارد كزبر جلدي
- اها
- يلا افوت اسبح حتى ننزل نتغدة
فلتت وفتت للحمام
طلعت وبدلت لبست گلابية جديدة لونهة وردي ازبري وحطيت مكياج وفتحت شعري ولبست طاگ ذهبي
رشيت عطر واخذت هداياهم ونزلت
كعدنة عالسفرة وتغدينة وسئلو عن اهلي وسالف منا ومنا لحد مكمل الغدة وگمنة نغسل مواعين اني ومها
صبينة چاي وكعدنة نسولف وانطيتهم هداياهم واتشكرو مني وصعدنة اني ومها نسولف
-يلا بسرعة احجيلي ،، شنو اخر التطورات
- جوري احتمال هالاسبوع يخابر فهد ويحاجي
- اي ياالله ترى والله انتي مضخمة الامور ،، ترى الشغلة ماكو اسهل منهة يحجي الولد ويا وتفض السالفة
- ادعيلي
دنسولف واندكت الباب دخل فهد
- وينج جوري تعالي
- ها عيني محتاج شي
- ها .. اي بس علمود الاوراق الي انطيتچياهم وين حطيتيهم
- يااوراق !!
- شبيج الاوراق ،، وينج تعالي اني افهمج
وعافني وطلع
بقيت صافنية
- وج شبيج صفنتي ،، غبية رجلچ يريدج روحيلة دلگفيهة ياالمطفية
عفتهة وطلعت رحتلة للغرفة اول مفتت جرني من ايدي
- اكلج انتي غبية لو تتغابين !
- هاي شنو ليش هيج تحجي
- يعني ساعة ااشرلج وانتي صافنة
ادري انتي شوداج يم مها
مو دنيا ظهر ورجلج يريد ينام غير الكاج بالغرفة تنتظريني
صار ساعة هسة تجي هسة تحس ماكو
هالنوب اروح اصيحهة تصفن
- هههههههههههه
- تضحك السفيهة ،، يلا
- شنو !!
- استغفر الله ،، ماكو شي تعالي نامي بصفي راسي يوجعني اريد انام
تمددنة عالسرير وبديت العب بشعرة وبحواجبة ورموشة وخشمة وشفايفة
- جوري اليوم اريد نكمل الي بدينا بغرفتج
اليوم العصر عندي شغلة ،، اريد ارجع الگاج عروس
عروستي اليوم واني العريس
سكتت مجاوبت
- جوجو !! اترجاج خلي نتوج عرسنة اليوم تعبت انتظر
موافقة !!
- اوك
نام فهد وبقيت كاعدة افكر لحد مغفيت كعدت لكيتة طالع
كمت لملت الغرفة ونظفتهة
وعطرتهة وبدلت الفرشة وحطيت جديدة احمر واسود لونهة
ونزلت جوة اساعدهم بالعشة
عزلت عشاية اني وفهد واترخصت منهم
انو نتعشى فوك اني وفهد
محد اعترض
سويت حلويات ومقبلات وصعدتهم بثلاجتي
رتبت ميز صغير وحطيت الاكل علي وزينت الميز بالشموع
وطفيت الاضوية وعلگت اغاني هادئة
وبديت ارتب بروحي
لبست سيت نوم احمر قصير ومن فوك حمالات والباقي كيبور وخفيف
وفوگا روب طويل ورداناتة كيبور سشورت شعري ومكيجت وطوخت بالحمرة وصبغت اظافري.
كل شي كملت وبقيت انتظرة
دزيتلة مسج
-تتأخر!
- عشر دقايق اني يمج
بدة جسمي يرجف بدون وعي وظليت اروح واجي
سمعت صوت سيارتة ودخل للبيت شوية وانفتحت الباب
ضحك واني ابتسمت
اتقرب علية ولزم ايدي
- هذا الجمال كلة الي
نزلت راسي !
رفع راسي وباوع بعيني
- لتخجلين حياتي ،،، يلا خلي ناكل
كعدنة وظل يسولفلي عن دراستة وحياتة وكم مرة مسافر وشغلة ومواضيع هواية
راد يوخر التوتر مني
كام واني كمت ويا
- شبيج يمعودة مكوكة اليوم انتي !
فات غسل ورجع كمت الملم بالمواعين كال عوفيهم بعدين
لزم ايدي باسهة تقرب من ركبتي وبدة يبوسهة وصعد لشفتي ورحنة بغير عالم
- مبروك حبيبتي
نزلت راسي خجلت ونفس الوقت موجوعة
- اسف لان اذيتج بس شغلة عادية صدگيني
بعد ايام تصير عادي
هههههههههه ماجاي اعرفج وانتي هيج خانسة
يلا كومي اني اروح اسبح
صرت مرتة وصرت حلالة رسمياً
ربي يجعل ايامنة جميلة ويخلي يحبني مثل مااني احبة
اي احبة كل شي بي خلاني احبة
اسلوبة شخصيتة حنيتة وية اهلة ووياية
صدك حبيبتة من كل گلبي
مرت الايام طبيعية وحلوة وكل يوم ورة منكمل عشة نصعد للغرفة نتفرج فلم او نكعد بالحديقة نكرز حب اني وفهد ومها
ومرة من المرات دگ تلفون فهد
اني ومها دنسولف
- هلا بعمار حبيبي شلونك ،، الله يخليك ويسلمك
خادم الك عمري بس كول
اي موجود بكيفك
تعال شرفني هلا بيك
يلا ماشي انتظرك
- حبايب يلا طبو جوة راح يجي صاحبي
جايات وحركات ماوصيكم
مها فاتت تركض
- هو !!
- اي جوري لحگيلي راح اطيح
- ذكري الله وكعدي هنا ولتخافين الله موجود
وديت الجاي وكليجة لفهد وبقيت يم الباب مال كراج اتسنط بس كل شي مسمعت
ورة ساعة طب فهد
كتلهة روحي لغرفتج ليشوفج شكلج مبين موطبيعي
صعدت للغرفة وبقيت كاعدة عالفراش انتظرة
صعد فات للحمام وطلع ينشف بشعرة
- ها حبي
- ها
- اشو صافن ! شبيك
- ولله جوري فاجئني عمار
- عمار منو
- صاحبي الاجة هسة
- ليش حياتي شبي
- طلب ايد مها اختي
- اي خوش خبر ،، مدام صديقك يعني خوش ولد
- جوري هو من ناحية الاخلاق خوش ولد بس هو وين شافهة و،،،،، مااعرف خلي انام وباجر اشوف السالفة شنو
طبعا مصار مثل متوقعت مها السالفة جانت كلش بسيطة واجوي النسوان يوم ثاني وهم حجو بالموضوع ومشت الامور طبيعية واخذو رأي البنية
- مها اكعدي اريد احاجيج
- كول خوية اسمعك
- ولد صديقي اسمة عمار خريج وموظف واهلة خوش ناس لكن عددهم هواية بالبيت والولد بعدة ممكون نفسة حتى يطلع منهم راح يبنيلج غرفة وهول يعني سويت لكن اكلج وشربج وية اهلة
شوية وكامت
بقيت اني وفهد كاعدين
- ها حبي شبيج صافنة
- لا بس ،،،، هيج ولايهمك ماكو شي
صفنت على روحي شو اني محسيت هذا الاحساس
يعني قهد يسئلهة وخايف عليهة ويكلهة زواج هذا عمر
لعد شگلتو لنفسكم من اخذتوني وبدون رضاي زوجتوني
اوووف الحمد لله على كل حال
المهم فهد زين وياية وهذا اهم شي
تمت الموافقة واجة يوم العقد مها طلعت كلش حلوة
واني فهد طلع روحي يلله خلاني ابدل وامكيج
وبقيت بالحجاب لكن سويتلة فيكة ورتبتة وفستان ميدي ماروني وذهبي وشال ذهبي ومكياج
دخل علية وبقة يحجي مسحي هذا وخففي هذا وفستانج گصيف ومااعرف ايش موتني
صارت حفلة النيشان بالقاعة ولبسهة الذهب وجانت احسهة مالكة الكون من السعادة
رحت يمهة دااحجي وياهة
جان يگلهة
- مهاوي اشو معرفتينة منو هالبنية
- حبيبي هذي جوري زوجة اخوية فهد
- تشرفنا
- الي الشرف اخوية ربي يتتملكم بالخير
بقينة نصفك ونهلهل بصراحة كلش تونسنة وتعرفت على گرايب بابا مجنت اصلا سامعة بيهم
شوية ودگ تلفوني طلعت برة دااخابر
- ها حبيبي اي بعدهة الحفلة
اي كلش حلوة طالعة
لا حبي ولله مرگصت لا ابد ولا صورت بتلفون احد
يمعود بالقران منزعت الربطة
حياتي فهودي ديصيحوني
سديت التلفون ودااحجي وية نفسي
- شنو يا فهد تحقيق هو
- حقة !
فزيت هاي منو حجة !!
انداريت وشفت العريس عمار واكف وراية
وديدخن
- ها هلو
- هذا فهد اكيد جنتي تحجين ويا
- اي فهد طبعا
- حقة يحاسبج ويسئلج
سكت شوية وذب الجگارة وداس عليهة
- الي عندة هيج وردة جورية يخاف عليهة من الهوى الطاير
وعافني وفات جوة
بقيت مصدومة بمكاني
هذا صدك يحجي
وشنو قصدة بهالحجي !!
لا لا اكيد ديشاقة
اوووف هاي يمكن بلوة جديدة حتوكع على راسي
خلي افوت اكمل الحفلة ليفتقدوني .

يُتبع...