جوري

البارت السادس عشر

الجزء السادس عشر

- يا لج مها صدك تحجين ،، شلون انطاج گلبج هيج تگولين
انتي تعرفيني وتعرفين اخلاقي
سكتت مثل الي تندمت بس بقت تكابر
- مع الاسف عليج طلعتي مو مثل مجنت مفكرة
لج مهاوي انتي اقرب وحدة الية بهذا البيت ولخاطر افضالج علية ووكفتج وياية بشدتي مراح اجاوبج
واكلج الله يسامحج
عفتهة وصعدت فوك
مر على هذا الحجي اسبوع
اني بهالاسبوع كلش ثگلت وجهي على مها وحتى محاولت افتح الموضوع بعد
اليوم جنت بس اني وياهة بالبيت كلهم طالعين
شوية واندكت الباب دااكوم افتحة ركضت هي واستقبلتة غراب البين وودخل سلم علية درت وجهي ومجاوبتة وصعدت فوك انتظرتهم يفوتون للخطار ونزلت للمطبخ اسوي غدة
اجة سعد سلم علية
- منو عدنة !!
- المعرس
- ههههههه حلوة هاي
ورا دخل فهد
- ضحكونة وياكم
- ولله هاي مرتك متكعد راحة اكوللهة منو عدنة تكول المعرس هههههههه
- واشجابة هذا مو يدري البيت مابي رياجيل
شنو يستغل وجود البنات ويجي يصير هيج !
- يلا فهد لتسويلك سالفة لخاطر اختك
عافنة وصعد فوك
- سعد عندي موضوع وياك
عفية لازم احجيلكيا عندك وقت تسمعني
- خير جوري خوماكو شي
- جوري جوري
- اجيتك فهد
- يلا روحي بعدين نحجي
فد يوم كاعدين عالغدة كلنة ومها فتحت الموضوع
- بابا من رخصتك ورخصة اخواني اهل عمار وعمار حددو يوم الحنة والعرس خميس الجاي
- اي وشبي حضرتة مبلغنة هو
- هو هم راح يخابرك فهودي بس كال انطيهم خبر انتي بالاول
- يلا بوية على بركة الله هاي حياتكم وانتو تقرروهة
شايفة كل الخير
كلهم باركولهة بس اني شلت ماعوني ورحت للمطبخ بعدني شايلة بگلبي عليهة
غسلت المواعين وصبيت چاي واخذت كوبي وكوب فهد فوك بغرفتنة
كعدت يمة لكيتة مشغل فلم مال عادل امام ويضحك
اجيت نصا واندار علية
- جوري شنو الي بينج وبين مها صار فترة منتبه انو انتو ابد متكعدون سوية ولا تتبادلون الكلمات
اكو شي صاير وانا ماادري
- لا ماكو شي
وكمت
- چم مرة اكلج من احاجيج لتعوفيني وتكومين
-فهد انت تتخيل شغلات ماالهة وجود كتلك ماكو شي
كل المسألة هي البنية مخبوصة بتحضيرات العرس واني ملتهية بشغل البيت وهاهي
- خوش جوري خوش
تعاي فركيلي ظهري تعباااان ميت
بقيت افركلة ظهرة وايدي ورجلي حسيت خدر بستة ورة اذنة انسطر داخ جرني وصار فوگاية
- اشتعل بليسك خليل شمخلف
دوختني بنتك دوختني
- هههههههههه
وبقينة نتشاقة ونلعب لحد متعبنة ونمنة
—————
اليوم يوم الحنة الساعة ٤ العصر جابو العروس من الصالون اني مقبلت اروح سشورت شعري ولفيتة جان فستاني بنفسجي وفضي يجي من فوك ضيق وبدون اكتاف ومن جوة شوية يعرض لحد الركبة ويبرز جمال خصري
وحطيت تاج ناعم كرستال على شعري
ومكيجت فضي ورصاصي
دخل فهد ظل صافن
- هيج حتنزلين
- لا حبي حلبس صاية وورة ميطلعون ونبقى بس بنات انزعهة
- جوري بعد مااوصيج ديري بالج من التصوير
- اي حبيبي ،، بس مكتلي شنو رإيك
- تريدين انطيج رأيي عملي لو نظري واتقرب مني
- لالالا حباب مابية اعيد المكياج گوة ضبط
- بنت الابلسة خلي اروح هسة لان مااضمنلج بعد ٥ دقايق يبقى مكياجج
- بدل ملابسة وطلع
نزلت جوة اساعدهم وشفت العرسان اجوي من الصالون فاتت مها طالعة تجنن
على فكرة مها كلش جميلة وناسكة
ولابسة فستان احمر وخالة مكياج ترابيات طالعة تجنن
اول مشفتهة متمالكت نفسي رحت عليهة وحضنتهة وهي هم حضنتني
- طالعة گمر ربي يسعدج
- صدك !! حلوة مكياجي
- كل شي حلو مهاوي صلوات عالنبي احلى عروس انتي
- ادري لعد واني محد گلي طالع حلو
درت وجهي مجاوبتة
- مها راح اصعد لغرفتج بس استخدم التواليت واغسل وانزل
- اي حبيبي اخذ راحتك اول غرفة عاليمين
- جوري عفية حمرتي فاتحة دااحسهة مو بلله
- اي ولله هسة دااكلج تريدين اطوخهة
- بس ماعندي هيج لون
- دقيقة هسة اجيبلج عندي هيج لون
صعدت ركض ودخلت للغرفة وظليت ابحوش بغراضي عن الحمرة
انفتحت الباب واني كل عقلي الي دخل فهد مكلفت نفسي ارفع راسي واشوف منو الباب صاير وراية
لكيت الحمرة ورفعت راسي صارت بالمرايا صورة عمار
- انت شلون دخلت هنا !! شنو هالجراءة العندك
اطلع برة بسرعة
- دقيقة بس احجي وياج ! جوري كلمتين واطلع
- عمار اطلع لتسويلي مصيبة الله يخليك والله اذا شافك فهد يقتلك فكر بمها خطية
- لتخليني اسبهم واحد واحد لج بابا اني احبج ماجاي اتحمل انتي متفتهممين
احلفلج بكل ماانزل الله لاهذا طبعي ولا هذا اسلوبي
بس انت دمرتيني خليتيني اتختل مثل الحرامي حتى احجي وياج
لج مها كرهتة من وراج مااطيقهة بسسببج انجبرت اتزوجهة حتى اكون قريب منج
- اطلع برة انت مجنون
بدة يتقرب واني ارجع ليورة چلبت بالميز تواليت لزم ايدي وكال
- اي مجنون ،، مجنون بيج جوري بس گولي اي اعيشجج اميرة لا ملكة بس وافقي اطلكج من فهد وننهزم
- فهد هو حبيبي وعمري ومستحيل اتركة علمود واحد منحط وسافل مثلك
انفتحت الباب وصارت عيون فهد گبالي
- فهد ،، فهد الحگلي هذا الحقير ...
- لك انت شتسوي هنا شتسوي بغرفتي ياعار
والله منو يوم الخطبت مها واني ممرتاحلك ياسگط
صار فوگا وشبعة كتل
- فهد انت فاهم الموضوع غلط اني جاي اصعد لغرفة مها خربطت الغرف
- انجب ولا كلمة
اني كمت اعيط واصيح اجة ضربتي براجدي سكتني
- لج اني اعلمج ياحقيرة بس خيطلعون العالم وحسابج بعدين
مااريد الناس تجيب طاري عائلتي بسوء بسبب ثنين زبالة مثلكم
سحلة لعمار وطلعة من ورة البيت واني قفل الباب علية وطلع
مااعرف شكد مر من الوقت واني متت من البجي حتى تلفوني عفتة جوة نسيت اجيبة ومااعرف هسة شنو فسرو غيابي شصار جوة
معقولة فهد يشك بية
سمعت هوسة برة وانفتحت الباب
اجة فهد لزمني من شعري
- شوفي همة كلمتين وتجاوبيني عليهم واذا نكرتي او تأتأني انعل والديج افتهمتي لو لا
شعندج وية عمار !!

/// للقصة نهاية قريبة ///

يُتبع...