جوري

البارت السادس

الجزء السادس

كلام مها فر راسي فر
يعني معقولة فهد يهتم بيه ،، لعد ليش طول هالفترة ماحسيت هالشي
گمت على كيف اكلتلي لگمة وفتت للحمام ذبيت على نفسي مي لبست دشداشة ميدي وربع ردن وشوية مقسمة على الجسم لونهة وردي
وحطيت شوية احمر خدود وحمرة خفيفة ورشيت عطر
وكعدت على الكرسي امشط بشعري
انطتني مها مسكنات شوية خف الالم
دخل فهد
- ها شلون صرتي
- الحمد لله احسن
- متعشي ! اجيبلك عشة
اندار علية وصفن بوجهي !!!
- لا الحمد لله اتعشيت
مشى خطوتين ورديت سئلتة
- حتفوت تسبح احضر ملابسك
- اوكي !!
فات للحمام وطلعت تراك ورشيت علي عطر وناوشتهيا للحمام
وشغلت التلفزيون وكعدت انتظرة اجة هو يفرك براسة بالخاولي
- اجيبلك چاي
باوع علية وحك لحيتة
- اكلج متأكدة مابيج شي !
- اي مابية ليش ؟
- شو اجيبلك عشة وانطيك هدوم وتريد چاي
گلت خاف الضربة اثرت على راسج
لان مو من عوايدج تحجين !!
- هو اني هم صوجي
رحت اخذت جهتي بالفراش وطفيت التيبل لامب ونمت
هو ظل يباع عالتلفزيون واني بقيت اتگلب بالفراش
- فهد
- نعم
- اريد اروح لاهلي اشتاقيتلهم ؟
- ميخالف اسبوع الجاي عندي شغلة ابغداد واوديج تشوفيهم
- الله عليك !
- ليش استغربتي
- متوقعتك تخليني اشوفهم
- دنامي نامي ،، مو اگلج راسج بي شي اليوم
نمت واني بداخلي فرحانة ومااعرف شنو السبب
صبح الصبح واني عندي طاقة ايجابية
وكأنما كلام زهراء انطاني دافع للتغيير
فهد راح لدوامة
نزلت لكيت زهراء كاعدة
- هاحب شلون صرتي
- الحمد لله مهاوي تعبتج البارحة حبي تسلمين
- شلقصة يمعودة شسويتلج
- لعد خالة وين
- قصدج امي !! ارتاحي راحت لبيت اهلهة تبقالهج يومين هناك اليوم فري ههههههه
- لا ولله مقصدت شي
- لا حبيبتي ادري ،، امي واعرفهة ماصدكت لگتلهة كبش فداء تچلب بي هههه
ومع الاسف انتي الكبش
بس فهد البارحة حجة عليهة وگللهة بعد متلح وياج عالشغل
- يا !! هسة عبالهة اني منحشته
- لا يمعودة ليش هو فهد من النوع الي يندفع ،، الة يشوف بعيونة يلله
- مها اريد اطلب منج طلب تساعدني
- عيوني الج حبي كولي
- سالمة عيونج
- اذا ترحين للسوگ اريد عطورات مال جو ومبخرة وبخورات خليجية فدوة
- هلا هلا هذا الكلام الزين
تدللين هسة اكول لفهد ونروح اني وياج للسوگ
- لا مهاوي فدوة لعينج اخاف ميقبل انتي روحي
- اوكي دكملي المرگة على مااروح وارجع بسرعة
نطيتهة فلوس وراحت وكتبتلهة الاشياء المحتاجتهم
كملت الغدة وحضرت كل شي وصعدت انظف بالغرفة وغيرت مكانات بعض الشغلات
- لج ليش منتظرتيني !! اساعدج مو ظهرج يوجعج
- لا گلبي ولله اليوم احسن
- شوفي هاي المبخرة وهاي بخورات جديدة مسك ابيض وعود ريحتة ترد الروح
وهاي معطرات مال فراش ترشي عالفرشة
وهاي فرو حلو مااعرف وين يحطو بس عجبني
وهاج هاي شموع معطرة
وبعد شنو بلله لحظة !!
ها هاج هاي العلاگة هذا تراك حلو اليوم لبسي اكيد قياسج لان انتي اضعف مني
- ياعمري تسلمين بيش اجازيج
- لا گلبي ادللي ،، هاج هاي نشرة ضوئية همين حطيهة
رتبت الغرفة وسويت بيهة حركة وعطرتهة وشغلت السبلت وحطيت النشرة الضوئية
وگصصت الفروات وحطيتهم عالميز تواليت
ارتاحت نفسيتي كلش
قبل ليجي من الدوام فتت للحمام سبحت ولبست التراك وجتي زهراء سشورت شعري وحطيت كحلة ابطن عيني
- مها مو يمكن اني بالغت
خاف يحس او ميعجبة السويتة
- يمعودة دگولي غيرهة
هو قدرج ورجلج ليش الواحد وهو عمر واحد ليش تعيشي بقهر
لحد ما تلف علي وحدة وتاخذة منج
شو اخوية جمال ومال والف وحدة تتمنى
مدري ليش گرصني گلبي من گالت وحدة تلف علي وتاخذة
-جوري اني راح انام وابوية اليوم عندة واجب ميجي عالغدة
استغليهة فرصة اليوم ودلعي زوجچ
- الله كريم
بقيت متوترة ومااعرف شسوي
سمعت صوت سيارتة بالگراحدگات گلبي زادت وعرگت ومدري شصاربية
رحت ركض للمطبخ وسويت نفسي ملتهية اخوط بالمرگة
- السلام عليكم
- وعليكم السلام ،، الله يساعدك
- شكرا
راح للغرفة بقيت انتظرة
صبيت الغدة وحضرت كل شي وانتظرتة ينزل
نزل وهو بعينة نظرة غريبة
- شنو اليوم ماكو احد
- لا ،، طالعين ومها نايمة
- اها
- عاشت ايدج ،، عفية اريد چاي
- صار
كمت لملمت المواعين وغسلتهم على مصار الچاي
حطيت چاي وماعون كليچة
صعدت للغرفة لكيتة نايم حطيت الچاي عالميز
وشغلت التلفزيون وتمددت بالگاع اباع
صفنت بلله اني من الصبح لسة كاعدة واتحضر تالي يلف راسة وينام
حتى منتبه على شي من الي سويتة
اني صوجي قشمرت نفسي وخليت زهراء تقنعني
ظليت الوب ومية فكرة براسي لخد مغفيت
بين النايمة والكاعدة حسيت على ايدين قوية شايلتني وعلى مكان مريح وانحط غطة علية
فتحت عيوني شفت فهد سد الباب وطلع واني على الفراش
معناتهه مو حلم !! وصدك معتز شالني
كمت بسرعة رتبت الغرفة وفتت للحمام ولبست گلبية مخصرة بنفسجي طوخ وحطيت مكياج خفيف
ولبست شال ونزلت
سمعت حجي وهوسة بالمطبخ
نزلت شفت ولد يشبه فهد لكن اضعف ومبين اصغر
فتت سلمت
- السلام عليكم
- وعليكم السلام ،، هلا بمرة اخوية العود ويباع على فهد
شلونج اخبارج ،، ان شاء الله مرتاحة
طبعا اكيد عرفتيني اني اخو فهد
سعد
- الحمد لله ،، اي عرفتك
- بس عندك ذوق فهود مرتك گيمر وعسل
وغمزلة
فهد ابتسم وهز بيدة وطلع من المطبخ
- متغدي ،، اصبلك غدة
- ولج ياغدة هذا راح يصير الليل فد مرة نتعشى سوى
- ماشي تدلل
بديت احضر بالعشة اني وزهراء وفهد جاب كباب وصمون وببسي
واني سويت مقبلات ومعكرونة بالبشميل
ومها گلت فنكر
وصار عشة مرتب على شرف سعد
كعدنة عالميز اني وفهد ومها وسعد وعمي
واحنة ناكل دك تلفون فهد
اباوعلة ارتبك واخذ التلفون وطلع
باوعلي سعد ومها هم
كلهم انتبهو اكو شي مو طبيعي
رجعنة اني ومها لملمنة الاكل وصبينة الچاي وظلينة نسولف
فهد ابد مو ويانة
عيونة بنص التلفون ساعة يكتب ساعة يقرب التلفون من اذانة وينصي شكيت دتجي رسائل صوتية
مر باقي اليوم طبيعي وصعدت لغرفتي عطرتهة وشغلت السبلت وفتت لبست ملابس نوعاً ما خفيفة وتخيل
وفتحت شعري ورشيت عطر
نمت على بطني وتغطيت وتعمدت اطلع جزء من رجلي بصورة كأنما نايمة وماادري
تأخر يلا صعد وراية بحيث اريد اتحرك وهو فات بقيت مثل الصنم وتندمت على حركتي بلله اذا اكتشف وفشلني وين انطي وجهي
هواية طكطك وحرك شغلات واني على حركتي حسيت تشنج ظهري
حسيتة تقرب يمي والفراش انعقج
لزم خصلة من شعري وبقة ثواني بعدين غطاني وكام
دك تلفونة
- الو ،، مو گلنة بعدين
مااكدر هسة !!
اي بالبيت
الله كريم يلا بعدين باي
سمعت صوت باب الحمام انسد وصوت الدوش
كمت ركض اخذت تلفونة
وظليت ابحوش حاط رمز سري جربت اكثر من رقم ماكو
صفنت ياربي شنو ممكن يكون الرمز مالتة
اجة ابالي مواليد الي چان يحبهة
مرة مهاكالت اصغر منة بسنتين
كتبتهة انفتح الرمز!!
وانفتح باب الحمام !!
وطلع فهد وصرنة وجه بوجه!!
والتلفون بيدي !!😨😨
عذرا من الجميع عالتأخير بس صارت ظروف منعتني من الكتابة
💕💕💕