#انحراف_ام
البارت الاول
#ام_مصطفى
يسعد صباحكم احبتي ومتابعيني اشتاقيت الكم هواي
اسفه ع الانقطاع والتأخير كنت مسافره وهسه ورجعت
اقدم بين اديكم قصتي الجديده قصة حقيقيه من احد متابعات البيج
قبل لا ابدي بالقصة انوه الى اني لا استطيع ذكر تاريخ احداث القصة
ولا اعمار الابطال . فياريت لحد تسئل هاي بيا سنة وشكد عمرهم
وارجوا لكم متابعه شيقه
ام مصطفى
هديه اريد بعد طفل سوينه بعد
اووو عقيل شكد تلح اثنين كافي وزايد علي
احنه مكسرين وي اهلك بغرفة
عود من نطلع بيت وحدنه اسويلك درزن
مو بس ٣
عقيل : بس اني اريد هسه بعد طفل الحمد اللة مدام الله رزقني وتوظفت بالشرطة
وراتبنا زين ليش تمانعين بلكت يجي اخ لمحمد
وداعتج إذا سويتيلنا بعد طفل اجيبلج حاجه ذهب بعد شتردين
هديه : امممممممممم افكر
عقيل: مايحتاج تفكير ياعيني راح اجيبلج الاسوار إلي ردتيه
هديه : بدلع أمم موافقة بس تجيبلي سوار
عقيل : مو تدللين طفي االكلوب وتعالي يمي
هديه : بيها اسوار شلون ما اجي ههههههههههههههههه
عقيل : فديت هالضحكه اني من اسمعهها مدري شيصير بيه اويلييي يابه ....
الصبح عقيل : هديه عيوني كومي سويلي ريوك وراي دوام يمعوده
هديه : صباح الخير شنو تبات اليوم لو ترجع
عقيل : اي ابات دكومي هسه مو تاخرت يمعوده
هديه : كايمه ع كيفك..
يله تعال تريك صار جاهز الريوك
بس حبيبي انطيني افلوس اشتري رصيد
عقيل : يمعوده والله نهيبه ١٥ الف الكارت
وهاي كل اسبوع مخليلج واحد ادري شلون نجمع بعد مو تردين بيت
منين يجي البيت إذا نت كارتات وملابس وفلوس خياطه
ومكياج واكسسوارات وعطور
هديه : كافي كافي سويتها عضمى عليه
شطلبت منك هو كارت اخابر اخواتي
تدري بيه اضوج واشناق الهم
واهلك عبالك عسكريه اله شهر يله اروح لهلي لازم هاي فوك محامله اهلك
فوك ما حامله جهالك
مدكول خطيه اضوج الله يساعدها
عقيل : هاج هاي ٢٥ عشره للجهال والباقي اشتري رصيد يله اني رايح ديري بالج ع روحج وع الجهال
هديه : اي ان شاء لله ترجع بالسلامه
دروح دفعة مردي والهوه شرجي
محمد تعال جيبلي رصيد بسرعه
الو هلو حبيبي فراس شلونك شخبارك فراس : انت شلونج هدهد حبيبتي
راح الشفيه لازم
هديه .اي راح افف محمض ع معدتي جان
لزكه موتني مايشبع ابد
فراس : ليش هو اكو احد يشبع من العسل اويلي لو بس اضوك العسل اني
بحبحيها علي يمعوده نضل هيج بس سوالف
مو مااتحمل بعد
هديه : هههههههههههههههههه
فراس : اويلي يابه شلون ضحكه ترد الروح من الصبح
ام عقيل : هديييه هديييييه وين صرتي
ادري من صباح الله خير مخابرات من ساعة السودة على إلي سوه المبايل
ساعة السودة ع امريكا بيوم طببته النه
ذبيه وريكي جهالج ولج
شبيج مهروشه من الصبح دك سوالف
مو احجي وياج صخام هديييه
هديه : اهووووووووووو لا هله ولا مرحبا بيج كعدتي من الصبح تصيحين بالعه مسجل لو ماكله باجه
فراس : شنو ويامن تحجين
هديه : وي الغضب عمتي يله اروح اني عود نتخابر باليل
فراس : اوكفي اوكفي باليل اريد اشوفج
دبري روحج
هديه .. ان شاء اللة احاول إذا كدرت مع السلامة
هديه : ها عمه خير هاده علي منا لصبح
عبالك بس اني بالبيت
ام عقيل : عفيه مبايل ميوكع من الأذن بس فهميني شتحجن من الصبح ماعدجن شغل عمل رجوله عيال جهال
هديه : المطلوب هسه شنو رجلي ريكته وراح وهسه فايته اسوي ريوك لجهالي
مالها داعي هالهوسه كلها هايوالله يا الله عبالك انضباطيه فوك راسي
ام عقيل : عمي منو يكدر على لسانج لو عدي ولد بي خير جان محجيتي هيج بس ايني اغم
هديه: اي اغم وابتليت بي وبيكم 👐🏼
ام عقيل : شنو ادردمين
هديه احجي وي نفسي هم ممنوع
يله تعالوا اتريكوا ساره محمد .....
لليل....
هديه ..الو فراس وينك منتظرتك بالباب
راح اعوف الباب مفتوح اصعد السطح
فراس : ادري ليش السطح دخليني الغرفه يمج ياعيني نبقى هيج احنه بس تلمس
هديه كتله الف مره مااكدر افوتك
ولا اكدر اخليك تسوي الي تريده
هذا حدي وياك لاتخليني اندم ع حبنك
فراس ديله يله افتحي الباب
خلي اصعد .....
هديه عوفني فراس شجاك تخبلت
فراس وج ماتكدر اشوفج بصفي والزم نفسي اطيني بعد بوسه
اويلي مااتحمل
هديه يله كافي لازم انزل وانت اخابرك انزل وراي
شبيج هستونه صغدنا
لا كافي فراس انت تتخبل من اشوفنيشلون مااتخبل وهذا الجمال كله يمي
ومسويه حصار علي شوكت تفكينه
مدكليلي
هديه يله انزل مو يوميه نفس الحجي تعيده علي .............
عقيل صباح الخير حبيبتي هديه اني جاي بالطريق حضري غده والحمام
هديه هله بيك عيوني صار تدلل .
يله كوموا اجه ابوكم خلي انضف الغرفه واعطرها اكيد مشتاقلي
فديتني محبوبة الجماهير كلها متخبله بجمالي ...
عقيل . هلو حبيبتي مشتاقلج موت ودي الجهال يم امي وتعاي
هديه ههههههههه مو تدلل
يله ماما روحوا يم بيبي هاكم اشتروا جبس من الدكان وروحوا يم بيبي
عقيل . تعالي ولج مشتاقلج موت هناك اني وعيونج ماتفرك عيوني انوب صوتج موتني من تخابريني
هديه . ههههههه وأني هم اشتاقيتلك حياتي
عقيل قبل كلشي غمضي عيونج
هديه غمضت
عقيل . فتحي هسه
هديه .اللللللللللله الاسوار الذهب الردته حبيبي فدوه اروحلك شكد احبك
اموت عليك تستاهل هسه احلى أجواء اسويلك
عقيل . اوكفي المانع تركتيه
هديه اي حبيبي
((((((((((هديه ))))))))
مرت الايام وأني احب الاثنين عقيل مدللني ادلل ذهب وفلوس ودلال
وفراس كلام حلو مخليني اتعلق بيه اكثر
كلما يداوم عقيل التقي وياه
شكد يحاول افوته للغرفه بس ماانطيه مجال
نخلصها بالسطح كل يومين ٣ اصعده السطح
جان بيت عيالي الدرج مالته بصف باب الحوش اول ما افتحه يصعد فراس
وراها اخذ سطلةملابس مليانه ملابس مغسوله بحجة اغسل واشر ع نومة جهالي
واخلصها محاضن وبوس اني وفراس
لا اكثر مااخلي يتقربلي
بهاي الفتره حملت وعقيل طاير فرح محتار شيجيبلي وشوكلنيوعرك ومشاكل وي اهله ع مودي جنت ادلل عليه حبيبي حامل ودايخه ومريضه
وامك تريد شغل كافي علي جهالك
هو يكوم ع امه انت شتردين منها
متشوفيها حامل وتعبانه عندج هذنيج جناين مكافي إله هديه بليتيها بلوه
جانت ادكله امداك خايب هاي راكبتك مرتك
شنو بس هي حامل
لو طفلها معلك بدمبوس ضل امشي وراها
حرامات تربيتي بيك
كلما ينزل ع هالحسبه
الى دخلت بالتاسع صرت دبه كوه امشي
فراس كمت مااصعده فوك بس نتخابر
ماكطعت مخابرات ابد ادك سوالف وياه للصبح جانت اكو خدمه تبدي من ٢ باليل ل ٨ الصبح
نبقى نسولف والصبح انام واعوف الجهال ع عمتي بحجة حامل وتعبانه
وللحكايه بقيه
#ام_مصطفى
