#انحراف_ام
#ام_مصطفى
البارت ١٦
كل عام وانتم بخير وصحه وسلامه
اليوم مااعوفج إله تحجين
والله عمه ماكو شي جاي افكر بامي واخواني صار هواي مرايحه الهم
اشتاقيت الهم هواي وبالخصوص لمحمد
لج همه لو يحبونج جان اجو سئلو عليج
انسيهم والتهي بدروسج
تره درجاتج زفت وحتى لو كدرت اساعدج
وادخلج بكلوريا
هناك شلون راح تجاوبين كليلي
اي عمه أن شاء اللة
هو جاي اقره واشد حيلي ان شاء اللة
عفيه بالشطوره
خلصت دوام ورجعت للبيت
لا زمت كتاب ولا دفتر
دك رسايل وي احمد وضحك
اهملت دروسي كلش وبديت اتعلق باحمد
تعلق مو طبيعي
هو يحبني حيل ويخاف علي
وماينام إذا مو ع صوتي
جان يكلي انت احلى شي صارلي بحياتي
انت صرتي نبض قلبي
جان كلش متلهف حتى يخلص كليته ويجي يخطبني
خلاني اتعلق بيه وابني امال
شفت الدنيا جنه بعيونه
يوميه يجي لبيت جدو
ويسهر عدنه وراها يروح نبقى للصبح نتخابر
صار هو روحي من الدنيا
بهاي الفتره نسوان عمي ماحبوني
وحتى عمامي كاموا يضوجون مني
لان جدي كلشي يشتريلي
وسجل كلشي باسمي
وبيبي مدللتني ومتقبل وحده تصخرني ع شغل ابد
بس بيبي بدت تتمرض ووضعها كام يدهور
وأني كمت اريد بس اخلص ازوج احمد واستقر
هو اصلا مايقبل اكمل كليه شلي
بالدراسه بعد اهملت دراستي كلش
الى ان مادخلت بكلوريا
وكعدت بالبيت بعد
بده اللوم ع جدو و بيبي
كله من وراكم مدللينها لا قرايه ولا كتابة
وبس مبايل وطلعات وزيارات
وفلوس وملابس
عمو حيدر ضاج مني كلش
كال هواي انغريتي وصرتي مهمله ليش هيج
اهملتي دروسج
كتله عمو اني مااريد اكمل اريد ابطل
وبعد مااداوم اصلا
رجائا لحد يدخل بيه
عوفوني براحتي
جدي كال عوفوها براحتها ليش اضغطون عليها السنة الجاية عود تعيد
احمد بدت متحاناته بهاي الفتره
كمت اقلل المخابرات وياه اكول خلي ينجح
خطيه مااريد الهيه ع الدراسه
امي ابد بعد لا شفتها ولا عرفت اخبرها
ولا هي سئلت عني
شكد احن الها مرات بس اكول لا مااروح
اذكر اخر مره شلون شمرتني بالشارع
واخواني لو يحبوني صدك جان ع الاقل اتصلوا بيه
جان محمد اجاني شافني
بس همه بايعيني واني هم عجبتني الوضعيه هنا فلوس وراحه ودلال
واحمد بحبه نساني الدنيا
خلص امتحانات احمد
اني متأمله ينجح حتى يخطبني ونزوج
لان اريد استقر وياه
بيوم النتائج راح احمد يستلم
وأني كل شويه اخابره ها بشر
ههههههههه شبيج خبله مصارلج خمس دقائق من سديتيه بعدني ماواصل شجاج
حمودي والله ميته خوف
لا تخافين حبيبتي ناجح ان شاءلله
ماارتاح إله اشوف النتيجه بعيني
هسه ماوصلت
ادري شبيج صاعد صاروخ لو سياره
يله سديه واني اخابرج
انتظرك الله عليك اول متطلع
خابر تره كلبي راح يوكف
اي افتهمنه يله باي
بقيت انتظره شوكت يخابر ويبشرني
كل شويه اباوع للمبايل وافتحه واسده
واخيرا دك
الوو ها حمودي بشر
شبشر يمعوده راسب
صددوك عزه لا عفيه لا دكول ليش موكلت مجاوب
شسوي يمعوده حضي هذا غير
هو يحجي وأني ميته قهر ودموعي تجري
خنكتني العبره
كتله يله الاعاده افاده كوه حجيت
جان يكلي شبيج ضجتي جنج
كتله اكيد اضوج حرامات تعبك راح
يمعوده لا اضوجيني اكثر
يله مع السلامة
سديته منه وضجت كلش
تمدت ع الجربايه ورحي طفرت
شويه واسمع هلال كمت شكو
اشوف احمد يضحك نجحت
صددوك خرب يا خبيث ليش هيج
سويت بيه
احسن ردت اختبر صبرج
خرب زعلت ولك وكعت كلبي غير
بالليل خابرته كتله هسه تكدر تحاجي ابوك بموضوع الخطبه كال انتظري شويه
عندي مشروع وي خوالي
اريد ابدي بي
كتله يعني شكد كال شهر اقل
كتله ميخالف انتظرك
كام احمد يشتغل وي خواله بس بده يتغير علي
يعني ميخابر ابد إله اني اخابره
ويسده يكلي عندي شغل مشغول
الى ان فد يوم اجاني كال راح اسافر لالمانيا
كملت اجرائات
كتله شنو تروح سياحه
كال لا راح استقر هناك مو تعرفين خالي هناك عايش وراح اروح يمه دز علي
كتله واني شنو
كال انت شوفي طريقج
اني ماافيدج اني شغلي صار هناك بعد
انسيني
صدك تحجي احمد
اي والله
وبكل برود دكلي انسيني
شنو اني لعبة عندك مجردة من الاحساس
تلعب بيه تذبني
انت مو تعرف اني شكد تعلقت بيك وحبيتك
شلون بكل بساطة هيج دكلي
مااعرف هذا الي صار قسمة ومصارت
شتردين اكلج انتظريني
تردين اجذب عليج
مااكدر انت بنت عمي مااريد اخدعج
كتله والله زين وعرفت اني بنت عمك
اووو فاطمه افتهمي اني مستقبلي هناك مامعقولة اضحي بي ع مودج
اصير غبي إذا اضيع الفرصة من ايدي
وأني احمد عادي اذا ضيعتني
انت روحي الله يوفقج وي شخص غيري
هيج بكل سهولة
انت اذا تحبيني صدك لازم تدورين مصلحتي
وأني مصلحتي هناك
عافنيةوطلع
صحت وراه احمد اوكف خلي احجي وياك
عافني وطلع
اتصلت عليه كام يرفض الاتصال
ادزلة رسائل يقراهن وميجاوب
شبعت قهر وبجي كمت املخ بروحي
ليش هيج ماعندي حض ليش هيج صار ويايه
مو اني حبيته ووثقت بي معقولة هيج باعني بهالسهولة
فتحت فيس بدون شعور نزلت صورته وكتبت عليها حبيبي
وكتبت خاطرة
علمني....زماني...
لا..وفاء...لاانساني..
غدر..وعشق..
كره....وحب..
يتحدياني...
رائيتك....شمس..تنير.ظلمه...
مكاني...
وقمرُ.....حيث..اليالي...
يا...انيس..وحشتي...
يا..كل..عالمي...
يا..قلب..يملؤه..الحب.والحناني..
لما..جافيتني..؟؟؟
هل..هناك..حب..ثاني..
اترحل...بعيدا.؟؟؟
فا..ارجع...لي..كل..ايامي...
كتبت...خواطري...في..ورقه..
ووضعتها...طي...النسياني..
ما..عدت...افكر...بك..
من..انت...؟؟
هل..عرفتك..منذ..الاني..؟؟
لكن...قلبي...ما..زال..ينزف .
كل..قطره..تنقل...آلامي...
كفاك...يا..قلب..ما..عاد..لي..
انساهُ...ولتمحو...ذكراهُ..
فليس...للغدر...مكاناً..
ولا...اسما...ولا..عنواني...
💔💔💔💔💔💔💔💔💔💔💔💔💔
ونشرتها ع الفيس
يتبع.......
ام مصطفى
خاطرة همسات الذاكرين
