#انحراف_ام
البارت ١١
#ام_مصطفى
مساء الخير ع عيونكم
سديت الخط ودرت وجهي لكيت امي وراي
وين تردين ترحين ولج
ها ماما اني قررت اعيش عند بيت جدي
ولج انت شنو وتقررين وحدج
وشلون تخابرين من مبايلي منو سمحلج
ماما اني احب عمامي واريد اروح عدهم
مااريد ابقى يمج انت تردين تحرميني من عمامي وأني اريدهم
ولج اكص رجليج إذا رحتي لا اروح
عفتها تصيح ورحت اطلع بملابسي
ضلت تغلط علي وتحجي وتصيح
ماكو روحه مترحين لو تموتين
كتلها راح يجي عمو حيدر ياخذني
هسه واروح واياه
وج انعل ابوج لا ابو حيدر
انت تعانديني
لزمتني ملختني تملخ كمت اصرخ سمع محمد شكو
امي كالتله هاي اختك الحقيره تريد تمشي كلامها علي
ولج كسرت ضهري عليكم تالي هيج تسوين
اختك مخابره حيدر يجي ياخذها
تريد تعيش عدهم
هسه طلعوها عمام من تالي وباعتني ع مودهم
ولج هسه عرفوج عمامج شو من جنتوا صغار طردوكم واحتاريت اني بعيشتكم
كتلها لا مو صح ماطردونه
انت اخذتينه منهم
كالت كومي بسرعه لموا ملابسكم خلي نروح
لبيت حالكم لا يجون صدك
لبست امي ومحمد ساره جانت طالعه
جاي نطلع وجان نسمع صوت سيارات طبكن بالباب
جرتني امي كالت بسرعه اصعدي بالسطح
صعدت وصعدتنا فوك
ختلتنا
دخلوا عمامي للبيت بعد مادكوا لمن ملوا
كسروا الباب وفاتو
اسمع صوت عمو حيدر يصيح
وينج فاطمه
اطلعي وأني احميج
ردت انزل وضربني محمد وجرني
تالي طفرتنه امي ع الجوارين
محمد كام يسب ويغلط علي وعليهم
تعجبت بي اول مرة يغلط
محمد طبعه هادئ ومؤدب
ضل محمد يراقب من فوك
الى ان راحوا عمامي
رجعنا للبيت
واخذتنا امي لبيت خالي هناك
لكينا عمامي جايين قبلنا ورايحين
ومهددين خالي إذا يجون وما يبلغهم
يدكونه عشائريا
امي رجعت علي كامت تسب وتغلط علي
كل من وراج الله لا يوفقج هجولتبنه وبهذلتينه
اني اعلمج بسيطه
اني نفسيتي صارت زفت بس ابجي وخايفه
وصلت مرحله فكرت انتحر واخلص بس مالكيت وسيله انتحر بيها
امي خابرت ساره تجي لبيت خالي متروح للبيت
بقينه يومين خاتلين ابيت خالي الى
ان فجئه وعمامي فوك روسنا
صارت كعدة عشاير كعدوا خوالي وعمامي
جدي كال نريد بزرتنه بويه
سنين عايفينهم عد بتكم نكول كلب والدة ومانريد نحرمها منهم
بس هسه بزرنه نريده جهال ابنه كبروا
وهمه من حقنه بعد
كام محمد كال لجدي هسه عرفت عندج جهال ابن وين نت هاي السنين كلها ها
ماذكرتونه هسه اذكرتوا
كاله جدي امكم بعدتكم عنا
كاله محمد لاجيب طاري امي
امي تشرفكم كلكم امي جابت عمرها تصرف علينا وتشتغل لحد ما كبرتنه
امي شافت الويل وتعبت بتربيتنه
تريد انت ع الحاظر تجي تاخذنه منها
والله لو تموت مانعوفها
تعجبت بمحمد شلون يغلط ع جدي وعمامي
عمامي كالوله احنه مانجبرك ضل يمها
يبقن البنات نريد نسئلهن
دخلت ساره كالت اني اريد ابقى وي امي
عمامي ع راسي بس اني مااعرفهم
ومااكدر اعوف امي
اخر شي صاحوا علي تعاي فاطمه تردين
تعيشين وي امج لو وي عمامج
كتلهم اني اريد عمامي وامي ماترضى اروح وارجع عليهم
تريد تحرمتي منهم وهمه عمامي بدال ابوي
صح هي امي بس اني اريد اعيش وي عمامي
كام واحد من عمامي باسني براسي
كال هله بيج بويه رفعتي راسنه بكلامج
والله نخليج بعيونه
كل الهلا بيج
خلصت الكعده كاموا عمامي كالوا جيبي غراضج وتعاي
لبست وصعدت وياهم محمد كام يتهدد عليهم
شلون تاخذون اختي اختي مااعوفها وياكم
هي صغيره ومتعرف تصرف
كام يريد يجرني ويخزر بيه فطومه لاترحين
ابقي يمنا ماامن عليج وياهم
كمت ابجي من كل كلبي عليه
كتله حمودي اعذرني مااكدر اريد عمامي اعيش عدهم
جروه مني ومشت السياره وهو يصيح
وأني ابجي
رحت الى المجهول مااعرف شنو مصيري
وشلون راح اعيش.
وشنو حياتي الجايه........يتبع
☝️ كل الاحداث حقيقيه ١٠٠ % ١٠٠
مابيها ولا حرف خيال
#ام_مصطفى
